Isaya 51:4 - MUMA MALER 2015

⁴ Winjuru un joga. Chikuru itu, yaye ogandana, nimar abiro golo chik, mi ami adierana bed taya ni ogendini.

Motingʼo Loko Manyien

⁴ Winjauru un joga, chikuru itu un ogandana: Abiro golo chik kendo bucha makare nobed ler ne ogendini.

Isaya 51:4 ပူးပေါင်းရင်းမြစ်များ

Zaburi 106:5

We aneye kaka jogi dhi nyime maber, mondo an bende abed mamor e ogandani, kendo awer kaachiel kodgi.

Zaburi 147:20

Onge oganda moro machielo ma osetimone kamano, kata ma osepuonjo chikene. Pakuru Ruoth Nyasaye!

Zaburi 33:12

Oganda ma Ruoth Nyasaye e Nyasachgi nigi hawi. Ee, joma oseyiero mondo obed joge owuon gin joma oguedhi.

Zaburi 50:7

Un joga, chikuru itu mondo awuonu. Abiro hulo gik maricho ma un jo-Israel usetimo.

Zaburi 78:1

Un joga, chikuru itu ni puonjna, mondo uwinj gima awacho.

Wuok 19:6

Unubed oganda mowal, matiyona ka jodolo.’ Mano e wach ma onego inyis jo-Israel.”

Wuok 33:13

Ka imor koda kamano, to koro akwayi mondo ipuonja yoreni mondo ang’eyi, kendo imed bedo mamor koda. To bende ng’e malong’o ni jogi gin jogi.”

Ngeche 6:23

Chike ma kamago gin ler marieny, kendo kwer ma ikwerogo ng’ato kuom gima otimo marach kelo ngima.

Isaya 1:27

Ka jo-Sayun olokore moweyo richogi, kendo oluwo yo makare, to anawargi.

Isaya 2:3

ka giwacho niya, ‘Wadhiuru god Ruoth Nyasaye. Enopuonjwa yorene kendo wanaluwgi.’ Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Isaya 26:2

Yawuru dhorangeye mondo oganda moyie kuom Nyasaye odonji.

Isaya 26:8

Wan bende waluwo yo mondiki e chikeni, kwageni, A Ruoth Nyasaye. Gima chunywa dwaro moloyo en ni mondo nyingi oyud duong’.

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 42:21

Ruoth Nyasaye noneno ni ber mondo chikne obed gi duong’, mondo adierane olandre.

Isaya 42:6

“An Ruoth Nyasaye, aseluongi ni mondo itim gima kelo resruok. Asemako lweti mondo ariti, kendo anami ibed ng’at ma kelo singruok e kinda gi ji,

Isaya 49:6

“Tich dwoko jo-Israel ma nyikwa Jakobo mane oke en tich ma in jatichna ihingo. Kuom mano, abiro loki ler mar ogendini, mondo iter warruokna e tung’ piny gi tung’ piny.”

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Isaya 63:8

Ruoth Nyasaye nowacho niya, “Jogi gin joga adier. Gin yawuota ma ok nyal wuonda.”

Mika 4:2

Giniwach niya, “Waidhuru god Ruoth Nyasaye mondo wadhi e Hekalu mar Nyasach Israel. Enopuonjwa yorene, mi wanaluwgi.” Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Luka 2:32

kendo ma biro kelo duong’ ni jogi Israel.”

1 Jo-Korintho 9:21

Kamano bende ka an e kind joma ok jo-Yahudi, to atimora ka ng’ama ok ja-Yahudi ma Chik jo-Yahudi ok omako, mondo alok joma ok jo-Yahudi. To mano ok onyiso ni ok arito chik Nyasaye, nikech chutho an e bwo chik Kristo.

Rapar mar Chik 18:18

Abiro yieronigi janabi kaka in, kuom ogandagi giwegi. Abiro keto wechena e dhoge, kendo enowachnigi weche duto ma achike.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!