Isaya 51:19 - MUMA MALER 2015

¹⁹ Masiche ariyo osemaki. Achiel en kethruok piny, to machielo en tho mar kech kod lweny. To ere ng’ama nyalo hoyi, kendo duog chunyi?

Motingʼo Loko Manyien

¹⁹ Masiche moluwore osemaki ma en kethruok kod tieki; kech kod ligangla, en ngʼa madihoyi kata duogo chunyi.

Isaya 51:19 ပူးပေါင်းရင်းမြစ်များ

Ayub 2:11

Osiepe Ayub adek, ma Elifaz ja-Teman gi Bildad ja-Shua kod Zofar ja-Nama nowinjo kaka Ayub osebedo gi thagruok. Omiyo ne giparo ni mondo gidhi gilime, kendo giho chunye.

Ayub 42:11

Owete Ayub duto, gi nyiminene kod osiepene machon, ne obiro lime, mi ochiemo kode e ode. Ne giywage, mi gihoyo chunye kuom thagruok ma yandi Ruoth Nyasaye osekelo kuome, kendo moro ka moro nomiye pesa kod tere mar dhahabu.

Zaburi 69:20

Ayany ma ji yanyago osenego chunya ma onge kaka akony. Ne ageno ni ji dikecha, to ne ok aneno. Bende ne aparo ni dayud kony, to ne ok ayudo.

Eklesiastes 4:1

Bang’e ne achako arango timbe ma isandogo ji e pinyni, mi ne aneno joma isando kaywak, to onge ng’ama konygi, nikech joma ne sandogi ne nigi teko mathoth.

Isaya 14:30

Joma odhier to nokwa jambgi e legena, kendo jochan noyue gi kue. To un jo Filistia, nami kech neg nyithindu, kendo jou manok modong’ bende nanegi.

Isaya 22:4

Mano emomiyo awacho niya, “Weuru ng’iya! Weuru aweya, aywag malit! Kik utem kueyo chunya, nikech jowa oserumo.”

Isaya 47:9

To kata obedo ni iparo kamano, to piyopiyo nono gik moko ariyogo notimreni riat odiechieng’ achiel, mi inidong’ chi liel, kendo nyithindi bende notho. Mago duto notimreni, ma kata yiendi mang’enygo ok nokonyi.

Isaya 54:11

“Winji, in Jerusalem, dala mosandi, ma ahiti oyiecho, mi odong’ gunda kokuyo, maonge ng’ama hoyo. Abiro keto mise mari gi kite motegno, mi ageri gi kite mabeyo.

Isaya 60:18

Timbe mahundu ok nochak owinji kendo e pinyi, kata mana tulo moro marach ok nochak omuoch machiegni kodi. To iniluong ohinga mari ni, ‘Resruok.’ Dhorangeyeni to iniluong ni, ‘Pak.’

Isaya 61:2

Bende oseora mondo ahul ni ma e higa ma Ruoth Nyasaye biro guedhoe joge, kod chieng’ ma Nyasachwa biro chuloe kuor.

Isaya 8:21

Ginikadhi e piny ka githagore kendo ka gidenyo. Kamano igi nowang’, mi giyany ruodhgi kendo Nyasachgi.

Isaya 9:20

Ng’at achiel biro mecho konchiel, to pod nodeny adenya, kendo ng’at machielo biro mwonyo gik moko komachielo, to ok noyieng’ ngang’. Moro ka moro biro chamo ringre nyithinde, bende onge ma nowe owadgi mak ochamo.

Jeremia 15:5

“Ere ng’ama biro kechou, un jo-Jerusalem? Koso ng’ama biro ywagou? En ng’a ma biro chung’ mondo omosu?

Jeremia 24:10

Anakel kuomgi lweny gi kech kod tuo, nyaka chop girum pep e piny mane amiyogi gi kweregi.”

Ywagruok 1:12

Un duto mukadho ok dudewie wach malich machal kama? Mad urang uneye ka bende nitie chandruok machalo gi mara, ma Ruoth Nyasaye osesandago malit kokechoni.

Ywagruok 1:9

Chilo ma en go omienore e lepe, to ne ok odewo gima biro timore achien. Mano emomiyo podho mosepodhogo lich miwuoro, kendo onge ng’ama nyalo hoyo chunye. Oywagore niya, “A Ruoth Nyasaye, neye chandruok ma an-go, nimar wasika oselocho!”

Ywagruok 3:47

Luoro kod obadho oritowa, kendo kethruok gi masira ochomowa.

Ezekiel 14:15

“Ka akelo ondiegi mi onego ji, kendo piny okethore, ma onge ng’ama nyalo wuothoe,

Ezekiel 14:21

“Koro an Ruoth Nyasaye awacho kama: Ka kamano, Jerusalem none malit machal nadi, ka akumogi gi lweny gi kech gi ondiegi kod tho marach, ma gin kumna ang’wen marichoe moloyo, mabiro nego ji kod jamni machalre?

Amos 7:2

E fwenyno naneno ka bonyogo osetieko chamo gimoro amora mang’ich e piny. Eka ne awacho niya, “A Ruoth Nyasaye, ng’wonni jogi, ma joka Jakobo. Ere kaka ginyalo resore, to ginok kamano?”

Nahum 3:7

Ji duto moneni nobwogi, ka wacho niya, ‘Mano kaka Nineve okethore malich!’ To kata kamano, onge ng’ama noho chunyi. Chutho ere kama diyudie ng’ama diywagi?”

2 Jo-Korintho 7:13

Mano ema omiyo waseyudo jip.