Isaya 51:18 - MUMA MALER 2015

¹⁸ Kuom yawuowi duto ma isenywolo, onge kata achiel manyalo teloni, Adier, kuom yawuowi duto ma isepidho, onge kata achiel ma ditayi.

Motingʼo Loko Manyien

¹⁸ Kuom yawuowi duto mane onywolo onge moro amora mane nyalo taye kata mane nyalo telone komako lwete.

Isaya 51:18 ပူးပေါင်းရင်းမြစ်များ

Ayub 8:20

Nyasaye to ok jwang’ joma ogeno kuome, to bende ok okony joma timbegi richo.

Zaburi 142:4

Arango batha koni gi koni, to ok ane ng’ama nyalo rita, kendo onge ng’ama dewa!

Zaburi 88:18

Isemiyo koda ka osiepena mohera oringa. Tinde mudho kende e osiepna modong’!

Isaya 41:13

nikech an Ruoth Nyasaye ma Nyasachu ema amako badu ma korachwich, kendo awachonu niya, “Kik ubed maluor, nimar an ema akonyou.”

Isaya 45:1

Ruoth Nyasaye wacho ni Kuros, ruoth moseyiero niya, “Asemako lweti ma korachwich mondo ilo ogendini manie nyimi, kendo iketh teko mag ruodhi, mi iyaw dhorangeye gi dhoudi ma onge kata achiel ma nodong’ ka ochiegi.

Isaya 49:21

Bang’e inipenjri niya, ‘Ere kaka ne ayudo nyithindogi duto, to nyithinda duto ne omaya, mi adong’ maonge gi nyithindo? Adier, ne oriemb joga, mi oter e tuech. Koro en ng’a mane opidhogi, ka an to ne adong’ kenda kamacha? Koso ere kaka ne ayudogi duto?’ ”

Isaya 54:11

“Winji, in Jerusalem, dala mosandi, ma ahiti oyiecho, mi odong’ gunda kokuyo, maonge ng’ama hoyo. Abiro keto mise mari gi kite motegno, mi ageri gi kite mabeyo.

Jeremia 10:20

Hembewa osekethore chuth, kendo tonde mane otuegigo osechot. Yawuotwa duto osea modhi mabor, koro onge ng’ama odong’ ma dichak gurnwa hembewa, bende onge ng’ama nyalo lieronwa rageng’ni maggi.”

Jeremia 31:32

Ok nochal gi singruok mane atimo gi kweregi kane atayogi kagologi e piny Misri, nimar ne giketho singruok mane atimo kodgi kata obedo ni ne an ruodhgi.

Ezekiel 34:6

Kamano romba bayo abaya ewi gode, kendo gike kuonde duto e pinyu, to onge ng’ama manyogi kata ma temo mondo ochokgi.

Amos 5:2

“Oganda Israel osepodho, to ok nochak oa malo. Opodho piny auma e lope owuon, kendo onge ng’ama ochunge.”

Mathayo 15:14

Omiyo wegiuru aweya! Gin jotelo mamuofni. Ka muofu otelo ni muofu wadgi, to donge giduto ginyumore e bur?”

Mathayo 9:36

Kane oneno ji kaka ng’eny, nokechogi, nikech ne gichandore, kendo gidiwo mana ka rombe ma onge jakwath.

Mariko 8:23

Yesu nomako lwet ng’atno mi ogole oko e dala. Ne ong’ulo olawo e wang’e kendo oketo lwete kuome. Eka ne openje niya, “Bende inyalo neno gimoro?”

Tich Joote 13:11

To koro winji, kata mana sani Ruoth Nyasaye biro goyi gi lwete, kendo ibiro bedo muofu, mi ok ninen kuom ndalo moko.” Gikanyono mudho mandiwa noimo wang’ Eluma, mi owuotho komulo amula, kendo kodwaro ng’ama taye gi lwete.

Tich Joote 9:8

Saulo noa malo, motemo yawo wang’e, to ne ok onyal neno, omiyo ne gitaye mana gi lwete, mi gitere Damaski.

Jo-Hibrania 8:9

Ok nochal gi singruok mane atimo gi kweregi, kane atayogi, kagologi e piny Misri, nimar ne ok girito singruok mane atimo kodgino, mi an bende ne ajwang’ogi’