Isaya 51:17 - MUMA MALER 2015

¹⁷ A malo! A malo, in dala Jerusalem. Ruoth Nyasaye osekumi malit ahinya komiyi kikombe ma mirimbe opong’o imadho. Adier, isemadho kikombe mamero ji, mi ilung’o.

Motingʼo Loko Manyien

¹⁷ Aa malo, Aa malo! Chiew, yaye Jerusalem, in misemetho e kikombe mar mirima mager, moa e lwet Jehova Nyasaye, kendo isemadho kikombe mamero ji milungʼo nyaka duro.

Isaya 51:17 ပူးပေါင်းရင်းမြစ်များ

Ayub 21:20

Adier, joricho mondo okum kuom richogi giwegi, eka ging’e mirimb Nyasaye.

Zaburi 11:6

Olwaro kite motimo mach maliel kuom joricho, kendo okumogi gi mach mang’ang’ni.

Zaburi 60:3

Isemiyo jogi oneno thagruok mang’eny miwuoro! Adier, isemiyo wakwang’ ka joma omadho kong’o makech!

Zaburi 60:5

Reswa gi tekoni, kendo winj lemowa, mondo joma ihero oyud konyruok.

Zaburi 75:10

Enotiek teko joricho, to teko mar joma kare nomedre ameda.

Zaburi 75:8

Ruoth Nyasaye oting’o kikombe mar divai mochiek makech e lwete, kendo ogamo ni ji mondo omadhi. Joricho duto onego madhe pep, koda ka duche!

Isaya 29:9

Nenore ni udhier nono. Ara galreuru agala kanyo! Meruru amera, to ok gi divai, bende tagreuru ataga to ok nikech kong’o.

Isaya 40:2

Wuouru gi jo-Jerusalem gi muolo, kuwachonigi ni gisetieko ndalogi mag tuech, kendo ni osekumgi moromo. Ruoth Nyasaye osekumogi nyadiriyo kuom richogi duto.”

Isaya 51:21

Emomiyo winji, in miseyudo masira, kendo imer, to ok gi kong’o.

Isaya 51:22

Ruoth Nyasaye ma Nyasachi kendo ma Ruodhi, ma chwako joge e bura, owacho kama: “Ng’e ni agolo kikombe mamero ji e lweti, mi ok nichak imethi e kikombe mar mirimbano, nikech aweyo kumi.

Isaya 51:9

A malo! A malo! Jiw badi motegno, A Ruoth Nyasaye. Jiwri kaka nijiwori chon e ndalo mokadho. Donge in ema nichwowo Ondieg Nam miluongo ni Rahab, mi ing’ado matindotindo?

Isaya 52:1

A malo! A malo, mondo ibed motegno, in dala Sayun. Rwak lepi mabeyoe moloyo, yaye Jerusalem, dala maler, nimar chakre kawuono, joma ok oter nyangu, kaachiel gi joma ogak, ok nochak odonj kuomi.

Isaya 63:6

Ne anyono ogendini piny ka akecho. Ee, ne atong’ogi atong’ogi, mi rembgi obubni piny.”

Jeremia 13:13

Eka ichak iwachnigi ni an Ruoth Nyasaye abiro miyo jopinyni madho divai nyaka mer. Koda ka ruodhi ma nyikwa Daudi gi jodolo gi jonabi kod jo-Jerusalem duto biro mer.

Jeremia 25:18

Ogendini mane omi omadhego ne gin jo-Jerusalem kaachiel gi joma odak e miech Juda, kod ruodhigi gi jotendgi. Ne omi gimadhe mondo gin gi pinygi gilokre gima owe ma ji chayo, kendo gima lich mabwogogi. Bang’e nyinggi nobed gima ikuong’ogo ji. Kamano e kaka pod ochal nyaka chil kawuono.

Jeremia 25:27

Eka Ruoth Nyasaye nowachona niya, “Nyis ji ni an Ruoth Nyasaye Manyalo Gik Moko Duto kendo Nyasach Israel, achikogi mondo gimethi, mi gimer kendo ging’ogi nyaka gipodh piny ma ok ginyal kata chung’, nikech lweny ma abiro kelonigi.

Jeremia 44:6

Mano omiyo ne aolo mirimba mager e miech Juda kendo e yore mag Jerusalem, mi awang’ogi gi mach. Ne gidong’ ka gikethore maonge ng’ama dakie, kendo pod gisiko kamano nyaka chil kawuono.

Zekaria 12:2

“Anami Jerusalem chal gi agwata mar kong’o, ma ogendini mokiewo kode biro madho, mi kwang’ ka joma omer. Ka ogendinigo goyo ni Jerusalem ageng’a, to miech Juda bende giniluor.

Mathayo 20:22

To Yesu nodwokogi niya, “Ok ung’eyo gima ukwayo! Uparo ni unyalo madho kikombe mar masira ma abiro madho?” Ne gidwoke ni, “Ee, wanyalo.”

1 Jo-Korintho 15:34

Beduru gi rieko mondo uwe timo richo. Jomoko kuomu kia Nyasaye. Awacho kamano mondo akuodgo wiu!

Jo-Efeso 5:14

nikech gima kite onenore malong’o e lela, lokore ler. Mano emomiyo iwero niya, “In ma inindo, chiew! Chier, ia kuom joma otho, mondo Kristo orieny kuomi.”

Rapar mar Chik 28:28

Obiro goyou gi tuo mar neko, kendo lokou muofni gi joma orundore.

Rapar mar Chik 28:34

Gigo biro miyo udoko joneko.

Fweny 14:10

nyaka madh divai mar mirimb Nyasaye moruw makech e kikombe mar mirimbe. Noyud sand mar mach makakni e nyim malaika maler, kendo e nyim Nyarombo.

Fweny 16:19

Dala maduong’ nobarore didek, kendo mich ogendini duto mae piny nomukore. Nyasaye noparo Babulon dala maduong’, mi ne omiyo omadho kikombe mar divai mar mirimbe mager!

Fweny 18:6

Timneuru kaka osetimo! Medneuru nyadiriyo kuom gik ma osetimo! Kikombe mane omiyo jomoko omadho, ema mondo uolne nyadiriyo!

Jong’ad Bura 5:12

Chiew! Chiew, in Debora! Chiew! Chiew, ichak wer. A malo Barak! Wuod Abinoam, imak ji mang’eny!