Isaya 51:14 - MUMA MALER 2015

¹⁴ Misumba ma tich turo ibiro gonyo machiegni. Ok enotho, mi odhi e Piny Joma Otho, kata mana chiemo bende ok nochandi.

Motingʼo Loko Manyien

¹⁴ Joma ni e twech ma luoro omako ibiro gony machiegni; ok ginitho e kuondegi mag twech kendo ok ginichand chiemo.

Isaya 51:14 ပူးပေါင်းရင်းမြစ်များ

Ezra 1:5

Bang’e jodong dhout Juda gi Benjamin kod jodolo gi jo-Lawi, kaachiel gi ji mamoko duto mane Nyasaye ojiwo chunygi mondo ochak oger Hekalu mar Ruoth Nyasaye man Jerusalem, noikore dhi timo kamano.

Isaya 30:20

Kata obedo ni omiyo chiembu gi piu doko matin, mi uthagru, to en, ma en japuonju, ok nochak opondnu kendo, to unubed kunene gi wang’u pile.

Isaya 33:6

kendo ubiro yiengoru kuome e ndalou duto. Rieko gi ng’eyo ema kelo resruok, kendo luor ma oluorgo Ruoth Nyasaye e mwandune!

Isaya 48:20

Wuoguru ua Babulon! Ee, ringuru ua kuom jo-Kaldai! Wachuru ni, Ruoth Nyasaye ema osewaro joka Jakobo jotichne. Nyisuru wachno, kuwer gi mor mar loch, kendo kulande e tung’ piny gi tung’ piny.

Isaya 49:10

Kech ok nokagi, kendo riyo ok nologi, bende chieng’ marieny makech ok nomigi olo, nimar Jal ma oherogi ema notelnigi, ka terogi modho e soko ma pi bubnie.

Isaya 49:25

An Ruoth Nyasaye to adwoko niya, “Joma otue nogol kata mana kuom ng’at maratego, kendo joma omaki bende nores kuom ng’at makwiny. Anaked gi jogo duto ma kedo kodi, mi ares nyithindi e lwetgi.

Isaya 52:2

In dala Jerusalem, machalo misumba moriere piny e lowo, a malo iteng’ri mondo buru oa kuomi. Adier, in dala Sayun, machalo nyako ma misumba, gony tonde motuego ng’uti.

Jeremia 37:16

Ne giketo Jeremia e od tuech manie bwo lowo, mi odak kuno aming’a,

Zekaria 9:11

“To un, abiro duoko jou motue, ka agolo e bur motwo maonge pi, nikech singruok mane utimo koda gi remb misango.