Isaya 51:13 - MUMA MALER 2015

¹³ Ere gima omiyo wiu osewil gi Ruoth Nyasaye, ma Jachuechu, mane oyaro polo kendo ochueyo piny? Ere gima omiyo kibaji osiko ka goyou ndalo duto? Koso ang’o momiyo uluoro mirimb ng’at masandou kadwaro tiekou? Uparo ni mirimb ng’at ma sandouno to gima nade!

Motingʼo Loko Manyien

¹³ momiyo wiwu owil gi Jehova Nyasaye ma Jachwechu, Jal mane oyaro polo kendo oketo mise mar piny, momiyo udak gi kihondko pile, nikech kum muyudo kuom ngʼama sandou, kendo oikore mar tiekou. Jal masandouno, ere gima geroneno ditim?

Isaya 51:13 ပူးပေါင်းရင်းမြစ်များ

Ayub 37:18

Bende dikony Nyasaye yaro polo, mi obed matek ka mula mothedhi?

Ayub 9:8

Onge ng’ama ne okonyo Nyasaye yaro polo, kata nyono Ondieg Nam mager.

Zaburi 104:2

kendo iumori gi ler mana kaka ng’ato umore gi law. Ne iyaro polo mana ka hema,

Zaburi 106:13

To piyopiyo nono wigi ne owil gi gima ne osetimonigi, mi gichako gitimo gik moko ka pok gipenje mondo ong’adnigi rieko.

Zaburi 76:10

Kata mana mirimb dhano keloni pak, kendo jogo motony e lweny nopaki e sewni ma gitimoni.

Isaya 10:24

Mano emomiyo owacho kama: “Un joga modak Sayun, kik uluor jo-Asuria, kata obedo ni gisandou kaka ne jo-Misri otimonu chon,

Isaya 14:4

to ginigo agoro ni ruodh Babulon ka giwer kama: “Neyeuru kaka giko mar josand ji chalo, kendo kaka sungane otieki.

Isaya 16:4

Weuru mondo jo-Moab ma onge mier oyud kar konyruok kuomu, kendo pandgiuru mondo kik joyeko yudgi. Ka thak mithagogo ji oserumo, kendo jokeyo osetieko tijgi, mi jogo duto mathiro ji oa e piny,

Isaya 17:10

Mano notimre nimar wiu ne owil gi Nyasaye mane oresou. Adier, ne ok uparo lwanda ma en kar konyruoku. Emomiyo, kata ka upidho cham mabeyo mondo umigo nyisecheu manono duong’,

Isaya 40:21

Donge ung’eyo, koso pok uwinjo,

Isaya 40:22

ni Nyasaye obet e polo malo, kendo ni joma odak e piny chalone mana dede. Ok osewachnu kamano chakre chon? Koso pok uparo nyaka ne chue piny ni en ema ne oyaro polo mana ka pasia, kendo ogure mana ka hema midakie?

Isaya 42:5

Ruoth Nyasaye mane ochueyo polo mi oyaro, kendo ochueyo piny gi gik mangima duto mantie, mi ochiwo muya ni joma odakie kod gik moko duto mangima, wacho kama:

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Isaya 45:12

An ema ne achueyo piny, mi aketoe dhano. Ne ayaro polo gi lweta awuon, mi achiko gik moko duto mantie mondo oliel.

Isaya 45:18

Ruoth Nyasaye ema ne ochueyo polo, kendo oloso piny moguro motegno. Kane ochueye, ne ok oweye chwangla, to nolose mondo ji odagie. En ema owacho kama: An e Ruoth Nyasaye, kendo onge Nyasaye moro.

Isaya 48:13

Ne aketo mise mag piny gi lweta awuon, kendo ne ayaro polo gi lweta ma korachwich. Kane aluongogi to ne githinyore ka diemo wang’.

Isaya 49:26

Anachun joma thiri, mondo ocham ringregi giwegi, kendo anami gimer gi rembgi, mana ka joma divai makech omero, mi ji duto nong’e ni an Ruoth Nyasaye ema aresou. An Jawaru, ma Ng’ama Nyalo Gik Moko Duto mar Jakobo.”

Isaya 54:14

Enogeri e mise mar tim makare, kendo inibed mabor gi kuonde mithiroe ji, omiyo ok nibed maluor, bende nibed mabor gi masiche, mi ok ginisud machiegni kodi.

Isaya 57:11

To en ng’a ma iluoro ahinya, ma omiyo iweya, ma ok inyal para, kata mana rwaka e chunyini? Koso idagi luora nikech ne ineno ka aling’ aling’a, mi achalo ng’ama ok oneni?

Isaya 7:4

‘Nyaka ibed gi kue, ma ok ibedo maluor. Kik iwe mirima mager ma Rezin gi jo Aram kod wuod Remalia nigo, nyos chunyi, nikech gin mana meny ariyo mag mach motimo iro.

Isaya 9:4

Mano notimre nikech ibiro turo jok ma giting’o, kaachiel gi luth misandogigo, mana kaka nitimo e ndalo mane olo jo-Midian.

Jeremia 2:32

Bende wi nyako nyalo wil gi gik ma olichorego? Koso wi miaha nyalo wil gi lawe mar kisera? An to, wi joga osewil koda kuom ndalo mang’eny mokadho akwana.

Jeremia 38:19

Ruoth Zedekia nodwoke niya, “Aluoro jo-Yahudi ma oseringo odok ni jo-Babulon, nikech dipo ka ochiwa e lwetgi, mi gisanda.”

Jeremia 41:18

mondo gitony gia e lwet jo-Babulon. Ne giluoro jo-Babulon nikech Ishmael ne osenego Gedalia, mane ruodh Babulon oketo jatend piny Juda.

Jeremia 51:15

Ruoth Nyasaye nochueyo piny gi tekone, mogure motegno, kendo noyaro polo gi riekone.

Jeremia 51:19

Nyasach Jakobo to ok chal gi gigo, nimar en ema ne ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”

Daniel 3:18

To kata ka ok oresowa, to onego ing’e malong’o ruoth ni ok wanyal lamo nyasachi, bende ok wanyal kulore piny ni kido mar dhahabu ma isechungo.”

Daniel 3:19

Eka mirima mager nomako Nebukadnezar, mi wang’e olokore remo ni Shadrak gi Meshak kod Abednego. Nochiko joge mondo ochwak mach obed maliet nyadibiriyo moloyo kaka ne oliet pile,

Tich Joote 12:23

Gikanyono malaika mar Ruoth Nyasaye nogoyo Herode, nikech ne ok omiyo Nyasaye duong’. Bang’e kudni nochamo dende, mi otho.

1 Jo-Korintho 1:20

Koro ere ng’at mariek? Ere japuonj Chik? Koso ere jatwak mariek mar pinyni? Donge Nyasaye osenyiso ji ni rieko mar pinyni en mana fuwo koso?

1 Jo-Korintho 15:55

In tho, ere lochni? In tho, ere lit mikelo?”

Rapar mar Chik 32:18

Wigi nowil gi Lwanda ma nochweyogi! Ne ok giparo Nyasaye ma nomiyogi ngima.

Rapar mar Chik 6:12

to kik wiu wil gi Ruoth Nyasaye mane ogolou e piny Misri, kuma ne ubedoe wasumbni.

Rapar mar Chik 8:11

“Kik wiu wil gi Ruoth Nyasaye ma Nyasachu, kendo kik uwe rito chikene gi buchene ma amiyou kawuononi.

Jo-Hibrania 11:15

Ka dine pod giparo ber mar piny mane giaye, to dine giseyudo kinde mar dok kuno.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

Fweny 20:9

Ne gikwako piny te, mi gilworo kambi mar jo-Nyasaye kod dala ma Nyasaye ohero. To mach ne oa e polo motiekogi,