Isaya 51:12 - MUMA MALER 2015

¹² An awuon ema ahoyou. Kuom mano, ere gima omiyo uluoro dhano adhana matho, kendo maonge ndhathe ka lumni?

Motingʼo Loko Manyien

¹² “An, kendo en An e Jal mahoyo chunyu. Angʼo momiyo uluoro yawuot dhano adhana matho, kendo maner mana ka lum,

Isaya 51:12 ပူးပေါင်းရင်းမြစ်များ

2 Ruodhi 1:15

Eka malaika mar Ruoth Nyasaye nowacho ni Elija niya, “Lor kode, kik iluore.” Omiyo nolor, mi ne gidhi kode ir ruoth.

Zaburi 118:6

Ruoth Nyasaye ni koda, omiyo ok anabed maluor. Ere gima dhano ditimna?

Zaburi 146:4

nikech ka githo, to gidok e lowo, kendo chieng’ onogo gik moko duto mane gichano timo, orumo!

Zaburi 92:7

joma timbegi mono dongo ka buya, kendo joricho dhi nyime maber, to kata kamano, notiekgi duto chuth,

Ngeche 29:26

Kata obedo ni pile ji mang’eny londhore mondo ruoth okonygi, to chutho Ruoth Nyasaye kende ema ng’ado bura gi adiera.

Isaya 12:2

Adier, Nyasaye e jareswa. Wan gi geno kendo ok waluor, nimar Ruoth Nyasaye e kar konyruokwa, kendo e okumbawa. Osenyiso ni en e jareswa.”

Isaya 2:22

Kik iket genoni kuom dhano, nimar onge gima dhano nyalo. En gima nono mana ka muya mawuok e ume!

Isaya 40:1

Nyasachu wacho kama: “Houru chuny joga! Hogiuru!

Isaya 43:25

An kende e jal ma rucho richou oko, mi ok chak par kendo, nikech mano e gima ahero timo.

Isaya 49:13

Un polo gi piny, koguru gi mor! Weruru wende locho, un gode, nimar Ruoth Nyasaye osekueyo chuny joge machandore, kendo obiro kechogi.

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Isaya 52:9

Un kuonde mokethore mag Jerusalem, koguru gi mor, nikech unuyud ka Ruoth Nyasaye osekecho joge, kendo owaro Jerusalem.

Isaya 57:11

To en ng’a ma iluoro ahinya, ma omiyo iweya, ma ok inyal para, kata mana rwaka e chunyini? Koso idagi luora nikech ne ineno ka aling’ aling’a, mi achalo ng’ama ok oneni?

Isaya 61:2

Bende oseora mondo ahul ni ma e higa ma Ruoth Nyasaye biro guedhoe joge, kod chieng’ ma Nyasachwa biro chuloe kuor.

Isaya 66:13

Kaka min nyathi hoyo nyathine, e kaka an bende abiro hoyou, mi uyud kue e Jerusalem.

Isaya 8:12

Gik ma jogi luongo ni ler, kik iluong ni ler. Bende gik ma giluoro kik iluor, kata kik goyi kibaji.

Jeremia 38:19

Ruoth Zedekia nodwoke niya, “Aluoro jo-Yahudi ma oseringo odok ni jo-Babulon, nikech dipo ka ochiwa e lwetgi, mi gisanda.”

Jeremia 41:18

mondo gitony gia e lwet jo-Babulon. Ne giluoro jo-Babulon nikech Ishmael ne osenego Gedalia, mane ruodh Babulon oketo jatend piny Juda.

Ezekiel 2:6

“To in wuod dhano, kik iluorgi, kata kik iluor gima giwacho. Gibiro lwori mana ka kudho, mi giketi diere, kendo inichal mana ka gima idak e kind thomoni. To kata kamano, kik iwe joma wigi tekgo bwogi, kata kik iluor gimoro amora ma giwacho.

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Johana 14:18

“Ok anaweu ka nyithi kiye, to anaduog iru.

Tich Joote 9:31

Kamano kanyakla mar jo-Kristo manie piny Judea duto gi Galili kod Samaria noyudo kue. Roho Maler nokonyogi, mi gidoko motegno, kendo gimedore, ka giluoro Nyasaye.

1 Petro 1:24

En mana kaka Muma wacho ni, “Dhano duto chalo gi lum, kendo duong’ duto ma en-go chalo gi thiepe lum. Lum ner, kendo thiepe two.

1 Samuel 15:24

Saulo nowacho ni Samuel niya, “Aseketho, kaweyo luwo chik Ruoth Nyasaye kod wechene bende, nimar naluoro ji, kendo nawinjo dwondgi.

1 Samuel 17:11

Kane Saulo gi jo-Israel duto owinjo weche ja-Filistiano, kibaji nogoyogi, mi gidoko maluor ahinya.

1 Samuel 21:13

Omiyo noloko kite e nyimgi, kowuondore ni ojaneko. Nogwaro yiend dhorangach, kendo noweyo olape ka mol e yie tike.