Isaya 50:9 - MUMA MALER 2015

⁹ Ruoth Nyasaye ema biro chwaka. Koro ere ng’ama biro loya gi bura? Ooyo, mano ok nyalre! Giduto gibiro ti ka law, ma olwenda ochamo.

Motingʼo Loko Manyien

⁹ En mana Jehova Nyasaye Manyalo Gik Moko Duto ema konya. En ngʼa mabiro ngʼadona bura? Gibiro ti mana ka law, ma olwenda ochamo.

Isaya 50:9 ပူးပေါင်းရင်းမြစ်များ

Ayub 13:19

Nyasaye, yie ibi idonjna. Ka iyie timo kamano, to abiro ling’ thi, kendo aikora ni tho.

Ayub 13:28

An ema iranga, to aorora mana ka yien motop, kata ka law ma olwenda ochamo.

Zaburi 102:26

Gin to ginirum; in to isiko mochwere. Giduto ginidok moti, kaka law doko moti, kendo inilokgi kaka iloko law mi girum chuth.

Zaburi 39:11

Ka ikwero ng’ato, to mano e kum ma ikumego kuom richone, kendo iketho gige mabeyo mana kaka biye ketho gik moko. Adier, dhano en mana gima nono ka yamo makudho.

Zaburi 54:6

A Ruoth Nyasaye, abiro timoni misango gi mor, kendo abiro goyoni erokamano, nikech iber.

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Isaya 54:17

To koro onge gir lweny molosi ni mondo ohinyi, ma nohinyi, bende inilo buche duto modonjnie. Mano e pok ma jotich Ruoth Nyasaye yudo. Adier, mano e gueth ma asemiyogi. An Ruoth Nyasaye ema awacho kamano.”

Jakobo 5:2

Mwandu osetop, kendo lepu olwenda ochamo.