Isaya 50:4 - MUMA MALER 2015

⁴ Ruoth Nyasaye osemiya lep mar puonj, mondo ang’e kaka anyalo hoyo ng’at ma ojony. Opiago ita mabith gokinyi pile pile, ni mondo achik ita ka ng’at mipuonjo.

Motingʼo Loko Manyien

⁴ Jehova Nyasaye Manyalo Gik Moko Duto osemiyo apongʼ kod puonj, mondo omi angʼe wach manyalo hoyogo ngʼama ni e chandruok. Ochiewa pile okinyi kokinyi, kendo oyawo ita mondo abed gi winjo ka ngʼat mipuonjo.

Isaya 50:4 ပူးပေါင်းရင်းမြစ်များ

Ayub 4:4

Wecheni ne siro joma ochwanyore ma dwaro podho, kendo ne irieyo chongegi monyosore.

Zaburi 119:147

Kapok piny oru, to aluongi mondo ikonya, kendo aketo genona duto kuom singruokni.

Zaburi 143:8

Nyisa herani mosiko gokinyi, nimar ageno kuomi, yaye Ruoth Nyasaye. Bende nyisa yo monego aluw, niikech kuomi ema aketoe chunya duto.

Zaburi 40:7

Omiyo nawacho niya, “Era e, A Nyasaye. Gima idwaro ni mondo atim ondiki e kitap chik.

Zaburi 45:2

In e ng’at ma jaberie moloyo ji duto, kendo in e jatwak mong’ith. Omiyo Nyasaye oseguedhi nyaka chieng’.

Zaburi 5:3

A Ruoth Nyasaye, ibiro winjo dwonda gokinyi ka alami. Adier alami pile gokinyi, kendo arito mondo idwoka.

Zaburi 88:13

A Ruoth Nyasaye, aluongi mondo ikonya. Alami okinyi kokinyi.

Ngeche 12:25

Parruok miyo chuny ng’ato bedo mool, to weche mabeyo miyo chunye duogo.

Ngeche 15:23

Ka ng’ato odwoko wach maber, to obedo mamor. Adier, wach mowinjore gi sane, ber manade!

Ngeche 25:11

Wach mowachi maber e kinde mowinjore chalo gi gimoro maber, molos gi dhahabu, moket ei adita mochue gi fedha.

Isaya 28:19

Pile pile ohula nobi, mi yweru. Adier, noywou okinyi kokinyi, kendo odiechieng’ gotieno. Kuwinjo wachni, to unukirni,

Isaya 28:9

Giwacho niya, “Koro ere ng’ama Janabi paro ni biro puonjo? Koso ere joma biro winjo tiend gima opuonjo? Mit koparo ni wan nyithindo ma tinde eka oweyo dhoth?

Isaya 35:5

Bang’e muofni nonen, kendo joma itgi odino nowinj wach.

Isaya 40:29

En ema omiyo joma ool teko. Adier, omedo muya ni joma tekogi orumo.

Isaya 50:10

Ere ng’ato kuomu moluoro Ruoth Nyasaye, kendo winjo dwond jatichne, bende ma wuotho kuonde motimo mudho, to ok ne ler kata matin? Ng’at ma kamano mondo ogen kuom Ruoth Nyasaye.

Isaya 54:13

Ruoth Nyasaye ema nopuonj joma geri duto, kendo nyithindi nodhi nyime maber ahinya.

Isaya 8:16

Koro atueyo kalatas mondikie wechego matek, kendo achano puonjno e chuny jopuonjrena.

Jeremia 1:9

Bang’e Ruoth Nyasaye notero lwete, momulo dhoga, kowachona niya, “Eri, aketo wechena e dhogi.

Jeremia 31:25

Anaduog chuny joma ool, kendo ng’ato ang’ata ma kech ohewo anami chiemo.

Ezekiel 46:13

“Okinyi ka okinyi nyarombo maonge songa ma hike achiel nyaka chiw ni Ruoth Nyasaye. Misangono nyaka tim pilepile.

Mathayo 11:28

“Biuru ira, un duto mujony kendo mugangoru mapek, mondo amiu yueyo.

Mathayo 13:54

mi odok dalagi. Ne opuonjo e od lemo, mi joma ne owinjo kaka opuonjo nowuoro, mopenjore niya, “Rieko ma kama, kod teko mar timo honnigi jali oyudo kure?

Mathayo 22:46

Onge ng’ama ne nyalo dwoke kata wach achiel, to bende, chakre chieng’no, onge ng’ama nohedhore penje wach moro kendo.

Luka 21:15

nikech an ema namiu weche kod rieko ma onge wasiku kata achiel ma nosir kata nokwer.

Luka 4:22

Jogo duto nopwoye ahinya, kendo ne giwuoro weche mang’won mane wuok e dhoge, mi gipenjore ni, “To donge jali en wuod Josef?”

Johana 7:46

To ne gidwoko niya, “Pok wanenoe ng’at mawuoyo ka ng’atni!”

Rapar mar Chik 18:17

Eka Ruoth Nyasaye nowachona niya, ‘Gima giwachono ni kare.

Rapar mar Chik 18:18

Abiro yieronigi janabi kaka in, kuom ogandagi giwegi. Abiro keto wechena e dhoge, kendo enowachnigi weche duto ma achike.