Isaya 50:2 - MUMA MALER 2015

² Kuom mano, ere gima omiyo ne ok ayudo ng’ato, kane abiro iru? Koso kane aluongo, to ere gima omiyo ng’ato ne ok odwoka? Uparo ni bada chiek ma ok nyal warou, kata ni aonge gi teko ma daresugo? Ooyo, ka akok, to nam duono, bende aore lokore piny motwo, mi rech manie igi tho kendo dum marach nikech pi onge.

Motingʼo Loko Manyien

² Kane abiro iru, angʼo momiyo ne ok ayudo ngʼato? Kane aluongou, ere gima omiyo ne ok ngʼato odwoka? Koso uparo ni bada ne chiek ma ok nyal konyou? Uparo ni aonge gi teko mar resou? Wuoyona matin nomiyo nam oduono, kendo ne amiyo aore obedo piny motwo mi rech manie eigi otho kendo otop nikech onge mar pi.

Isaya 50:2 ပူးပေါင်းရင်းမြစ်များ

Chakruok 18:14

Ruoth Nyasaye nomedo penje niya, “Bende nitie gimoro manyalo tama? Abiro duogo iri e kinde makama higa mabiro, kendo nanwang’ ka Sara osenywolo nyathi ma wuowi kaka asewacho.”

2 Weche mag Ndalo 32:15

Omiyo koro kik uyie Hezekia wuondu kendo witu kamano, bende kik uyie wechene, nimar onge nyasach oganda moro kata piny moro amora mane nyalo reso joge e lweta kata e lwet kwerena. To koro ere kaka Nyasachu diresu e lweta?”

Zaburi 106:9

Ne ogolo chik, mi Nam Makwar oduono, eka ne otelo ni joge mong’ade, mana ka gima en lowo motwo.

Zaburi 107:33

Nyasaye miyo piny ma aora molie doko ongoro, kendo omiyo sokni duono, mi pinje mokiewo kodgi doko motwo.

Wuok 14:21

Musa norieyo bade e nam, mi Ruoth Nyasaye notugo yamb ugue mokudho matek otieno duto, mi nam nong’wel, kendo kama ne pi nitie nodoko motwo. Pigno nopogore diriyo,

Wuok 14:29

To jo-Israel noseng’ado nam, ka wuotho e lowo motwo, ka pi ogingore koni gi koni.

Wuok 7:18

Rech biro tho, kendo aora biro bedo mang’ue marach, mi jo-Misri ok noyud kaka modho pi aorani.’ ”

Wuok 7:21

Rech notho, kendo aora nodoko mang’ue marach, mi jo-Misri ne ok nyal modho pi aorano. Piny Misri duto nopong’ gi remo.

Ngeche 1:24

Asebedo ka aluongou ni mondo ubi, to ok usewinja ngang’, bende ok usedewa!

Isaya 11:15

Ruoth Nyasaye nomi Nam Makwar duon, eka norie lwete e aora Yufrate, mi okel yamo maliet ma opoggo aorano dibiriyo, mondo ji ong’ade ka otwo.

Isaya 19:5

Aora Nael noduon, mi two,

Isaya 23:11

Ruoth Nyasaye oserieyo bade e nam mondo olok loch ruodhi, bende osegolo chik mondo omuk miech Kanaan mochiel motegno.

Isaya 36:20

Kuom nyiseche duto mag pinjego, ere moro mosereso pinye e lweta, ma dimi upar ni Ruoth Nyasaye nyalo reso Jerusalem e lweta?’ ”

Isaya 41:28

To kane arango nyisecheu, to ne ok aneno moro manyalo dwoko penjona.

Isaya 42:15

Anatiek gik moko duto manie gode, ka amiyo gik mang’ich duto man kuno two. Anami aore lokre kuonde motwo, kendo adwon yewni duto.

Isaya 43:16

An Ruoth Nyasaye ema ne apogo nam, mondo yo obedie e kind pige mogingore madongo.

Isaya 44:27

Nam matut, to awachone niya, ‘Duon! Abiro miyo aoreni two kururu.’

Isaya 51:10

Donge in ema ne idwono pi ataro, mi iloko kuonde matut mag nam obedo yo, mondo joma owar okadhie?

Isaya 54:6

Ruoth Nyasaye oseduoki ire, mana ka dhako mane oyudo osejwang’ ma chunye lit ahinya, Ruoth Nyasaye penjo niya, Bende ng’ato dijwang’ chiege mane okendo ka en wuowi adier?

Isaya 59:1

Bad Ruoth Nyasaye ok chiek, ma ok nyal reso ji, bende ite ok odino, ma ok onyal winjo wach,

Isaya 59:16

Noneno ni onge ng’ama dikony, mi mirima mager omake. Mano omiyo ne olocho gi tekone owuon, kendo adierane ema ne okonyorego.

Isaya 63:13

Ne omiyo ging’ado nam mayot, mana kaka faras ng’ado thim,

Isaya 64:6

Waduto wasebedo ka ng’at mogak, kendo timbewa duto mabeyo chalo mana gi lewni mochido. Waduto wasener mana ka oboke, kendo timbewa mamono kwadhowa oko mana ka yamo.

Isaya 65:12

aseng’adonu buch tho, kendo uduto ibiro negu, nikech ne aluongou, to ne ok udwoka, bende ne alosonu, to ne udagi winja. To ne utimo timbe mamono ma ok ayiego, kuyiero mana gik ma adagi.

Isaya 66:4

e kaka an bende abiro yieronigi masiche mondo omakgi, ka akelo kuomgi gik ma giluoro, nimar ne alwongo, to onge ng’ama dwoka, kendo ne awuoyo, to onge ng’ama winja. To ne gitimo timbe mamono ma ok ayiego, eka giyiero mana gik ma adagi.”

Jeremia 14:9

Ere gima omiyo ichalo gi ng’at mobwok kata ka jalweny ma onge gi teko ma dokonygo ng’ato? Adier, in Ruoth Nyasaye in kodwa, kendo wan jogi, omiyo kik iwitwa.’ ”

Jeremia 35:14

Nyikwa Jonadab oserito chik mane kwargi omiyogi mi ok gimadh divai, kendo kata nyaka sani onge ng’ato kuomgi mametho, nikech girito chik mane kwargi ogolo. To an asebedo ka awuoyonu pile, to utamoru.

Jeremia 35:15

Bende asebedo ka aoronu jotichna ma jonabi, kendo gisekwerou ni mondo uwe timbe maricho, utim gik makare. Ne gisiemou ni uwe lamo nyiseche mamoko mondo udag aming’a e piny mane amiyou gi kwereu. To ne ok unyal winja, kata chiko itu kuom gima awacho.

Jeremia 5:1

Un jo-Jerusalem, wuothuru e yore mag dalau kendo e chirniu, mondo une ane ka nitie kata ng’at achiel makare mohero adiera. Kuyudo, to Ruoth Nyasaye nowe ni jodalano richogi.

Jeremia 7:13

To koro usetimo richogo duto! Kata obedo ni ne akawo chandruok, mi aloso kodu, to ne ok udewa, bende kane aluongou, to ne ok uyiena.

Jeremia 7:27

To in Jeremia, kata obedo ni inyisogi weche duto kamano, to ok giniwinj wachni, kendo kata obedo ni iluongogi, to ok giniyieni.

Jeremia 8:6

Ne achiko ita mondo awinj wechegi, to ne ok giwacho adiera kata achiel. Onge kata ng’at achiel kuomgi moseloko chunye kuom timbegi maricho, kata moseywagore kuom richo mosetimo. Ng’ato ka ng’ato mwomore e timbene, mana ka faras lweny mochodo kochiko wasigu.

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”

Daniel 3:29

Kuom mano, koro agolo chik ni, ng’ato ang’ata ma owuoyo marach kuom Nyasach Shadrak gi Meshak kod Abednego, to ibiro jak embene gi bedene, bed ni oa e oganda mane, kata dhoot mane, kata owacho dhok mane, kendo nolok ode gunda, nimar onge nyasaye moro amora manyalo reso ji kamano.”

Daniel 6:20

kendo kane ochopo machiegni, ne okok ka chunye parore, kowacho niya, “Daniel, jatich Nyasaye mangima! Donge Nyasaye ma itiyone gi adiera duto oseresi e dho sibuoche?”

Daniel 6:27

En ema owaro ji kendo oreso, kendo en ema otimo honni e polo gi piny. Ne oreso Daniel e dho sibuoche.”

Hosea 11:2

To kaka ne amedo luonge, e kaka ne omedo dhi mabor koda. Joga ne timo misengni ni Baal, kendo ne giwang’o ubani ni kido manono.

Hosea 11:7

Giseweya, omiyo ok ginyal tony, kendo gibiro ywak nikech jok motuenigi, to onge ng’ama nogonynigigo.

Nahum 1:4

Kogolo chik, to nembe gi aore duono, mi lokre lowo motwo. Lege mabeyo mag Bashan gi Karmel two, kendo bunge mang’ich man Lebanon wang’.

Habakuk 3:8

A Ruoth Nyasaye, mirima omaki gi aore koso? Koso ikecho gi nam, ma omiyo ibiro kiidho fareseni kod gecheni ma ilochogo?

Kwan 11:23

Eka Ruoth Nyasaye nopenjo Musa niya, “Bende nitie gimoro manyalo tamo Ruoth Nyasaye? Kawuono ibiro ng’eyo ka wechena gin adier, kata ka ok gin adier.”

Mariko 4:39

Yesu noa malo, mokwero yamo, kendo owacho ni nam ni, “Ling’! Pie!” Gikanyono yamo noweyo kudho, mi nam okue.

Johana 1:11

Nobiro e pinye, to joge ne ok orwake.

Johana 3:19

“Burano chalo kama: ler osedonjo e piny, to ji ohero mudho moloyo ler nikech timbegi richo.

Joshua 3:16

gikanyono pi nochung’ gi yo ka malo, kogingore machiegni gi Adam, dala man but Zarethan. Pi mane mol kochomo nam mar Araba, miluongo ni Nam Kado, noduono chuth, mi jo-Israel nong’ado aora kama omanyore gi Jeriko.