Isaya 50:1 - MUMA MALER 2015

¹ Ruoth Nyasaye wacho niya, “Un jo-Israel ma nyithinda, en adier ni ne ariembou nikech timbeu maricho, to bende nitie gima nyiso ni nariembou chuth, kaka ng’ato riembo chiege? Koso ng’ato nitie mane achiwoune? Ooyo, ne ang’iewou mana nikech timbeu mamono.

Motingʼo Loko Manyien

¹ Ma e gima Jehova Nyasaye wacho, Ere baruwa mar weruok manyiso nine ariembo minu? Koso ngʼato nitie mane achiwene mondo achulgo gope ma an-go? Nousu nikech richou; kendo minu noriembi nikech ketho mage.

Isaya 50:1 ပူးပေါင်းရင်းမြစ်များ

1 Ruodhi 21:25

Onge ng’at mane ochiwore mar timo gik ma Ruoth Nyasaye okwero kaka Ahab, mane Jezebel chiege chwalo.

2 Ruodhi 17:17

Ne giwang’o yawuotgi gi nyigi ka misango, kendo ne giwuoyo gi nyakalondo. Kamano ne gichiwore ni timbe maricho e nyim Ruoth Nyasaye, ka gimiyego mirima.

2 Ruodhi 4:1

Chieng’ moro, dhako moro ma chi liel, ma chwore ne achiel kuom oganda jonabi, notero ywak ir Elisha, kawachone niya, “Chwora osetho, kendo ing’eyo kaka ne en ng’at ma oluoro Ruoth Nyasaye. To jabendho osebiro mondo okaw nyithinda ariyo, olok wasumbe.”

Nehemia 5:5

Ne giwacho niya, “Donge gik ma wakonyorego chalo mana gi gik ma ji duto konyorego? Nyithindwa bende chalo mana gi nyithind ji mamoko. To kata kamano pod wachuno yawuotwa gi nyiwa mondo obed wasumbni. Kata sani nyiwa moko osedoko wasumbni, to onge gima wanyalo timo, nikech puothewa mag cham gi mag mzabibu nie lwet jomoko.”

Zaburi 44:12

Ne iuso jogi iwuon kuom nengo matin, maonge ohala!

Wuok 21:7

“Ka ng’ato ong’iewo nyar ng’ato mondo obed misumbane, to ok nowe nyakono oa kaka iweyo wasumbini machwo.

Isaya 1:28

Joricho duto gi joma piem koda to norum chuth, nimar gidagi biro ira.

Isaya 27:8

Ooyo, ose mana riembogi gidhi e piny mabor, ka gima yamo mager moa yo wuok chieng’ ema oterogi.

Isaya 43:27

Kwaru mokwongo ne otimo richo, kendo jonabiu ne opiem koda.

Isaya 46:8

Paruru wachno, mondo utang! Yaye, un joma piem koda, paruru wachno e chunyu.

Isaya 52:3

Ruoth Nyasaye wacho ni jo-Israel niya: “Ne ong’iewu, maonge gima ochul kuomu, omiyo koro ibiro warou maonge chudo moro.”

Isaya 54:6

Ruoth Nyasaye oseduoki ire, mana ka dhako mane oyudo osejwang’ ma chunye lit ahinya, Ruoth Nyasaye penjo niya, Bende ng’ato dijwang’ chiege mane okendo ka en wuowi adier?

Isaya 54:7

Chutho, ne ajwang’i kuom kinde manok, to koro abiro dwoki dala gi hera matut.

Isaya 58:1

Gouru koko matek mak uweyo, kuywak mana ka tung’. Huluru ni joga kethogi. Adier, nyisuru joka Jakobo richogi.

Isaya 64:6

Waduto wasebedo ka ng’at mogak, kendo timbewa duto mabeyo chalo mana gi lewni mochido. Waduto wasener mana ka oboke, kendo timbewa mamono kwadhowa oko mana ka yamo.

Jeremia 3:1

Ruoth Nyasaye owacho niya, “Ka ng’ato oriembo chiege, mi chiegeno odhi, kendo bang’e ng’at machielo okende, to chwore mokwongo ok nyal kawe kendo, nikech dhakono koro ogak. To un jo-Israel useweya, mulamo nyiseche mang’eny, kudwanyoru mana ka dhako madwanyore gi chwo mang’eny, to koro udwaro duogo ira!

Jeremia 3:8

Ne gineno bende kaka ne ariembo jo-Israel nikech ne giweya ka dhako moweyo chwore, to dwanyore gi chwo mamoko. To jo-Juda ma owetegigo ma bende joma andhoke ne ok odewo, mi gin bende ne giweya, kendo ne gidhi gidwanyore ka dhako moweyo chwore to dwanyore gi chwo mamoko.

Jeremia 4:18

“Un jo-Juda, un ema usekelo masira kuomu uwegi, nikech yoreu gi timbeu maricho. Ee, richou ema okelonu masira kum malitni.”

Hosea 4:5

Utimo gik manono odiechieng’ gotieno, kendo jonabi bende timo mana kamano. Kuom mano abiro tieko Israel meru.

Tim jo-Lawi 25:39

“Ka wadu odoko modhier, kendo obiro iri, mi ing’iewe, to kik ikete mondo otini ka misumba.

Mathayo 18:25

To jatichno ne onge gi yo ma dichulgo gopeno, omiyo ruodhe nowacho ni mondo ong’iewe ka misumba, kaachiel gi chiege gi nyithinde kod gige duto, mondo ochulgo gowino.

Rapar mar Chik 32:30

Ere kaka ng’at achiel dilaw ji gana achiel, kata ji ariyo riemb ji gana apar, mak mana ka ok Ruoth Nyasaye ma Lwandagi ema oweyogi, moketogi e lwet wasikgi?