Isaya 5:8 - MUMA MALER 2015

⁸ Yaye, unune malit un joma medo gero udi agera, kendo ma medo yaro puothe ayara nyaka piny pong’ thich, mi udong’ kukwako piny!

Motingʼo Loko Manyien

⁸ Unune malit, un joma mayo ji utegi ma gisegero kendo umayo ji puothegi, maonge kama odongʼ ma udongʼ ka udak kendu e pinyno.

Isaya 5:8 ပူးပေါင်းရင်းမြစ်များ

Ayub 15:28

En ng’at mane omako mier madongo e lweny, kendo okawo udi mane wegi osedarie, to kata kamano lweny biro ketho miergo gi udigo chuth.

Ayub 20:21

omiyo kane ochiemo, to gimoro ok dong’ e tape. To koro sani gige oserumo.

Ngeche 15:27

Ng’at ma gombo bedo gi mwandu e yor miganga keto joode e chandruok, to ng’at modagi chamo asoya nodag aming’a.

Ezekiel 11:15

“In wuod dhano, joma odak Jerusalem wuoyo kuomi kendo kuom jou ma jo-Israel duto manie tuech, kawacho niya, ‘Joma nie tuech oter mabor ahinya, kama ok ginyal lamo Ruoth Nyasaye, to bende wan ema Ruoth Nyasaye osemiyowa pinyni.’

Ezekiel 33:24

“Wuod dhano ji modak e miech Israel modong’ gundni wacho kama, ‘Ibrahim ne en ng’at achiel kende, to ne omiye pinyni duto. Wan to wan ji mang’eny, omiyo pinyni koro en marwa!’

Amos 1:13

Ruoth Nyasaye owacho niya, “Jo-Amon osetimo richo mang’eny, omiyo abiro kumogi mak orem, nikech wuoch lowo nomakogi, mi giriedo iye mon mayach e piny Gilead.

Mika 2:1

Enobed marach manade ni joma riere e kitanda ka paro timo timbe maricho! Gichiew ka piny yawore mondo gitim richogo, nikech ging’eyo ni gin gi teko mar timo kamano.

Mika 2:2

Ka gidwaro lop ng’ato, to gikawo akawa gi thwon. To kata ka gidwaro udi, to mago bende gikawo akawa. Gimayo ji kata mana utegi kaachiel gi mwandugi, mi giwegi nono.

Habakuk 2:6

To kinde biro ma joma koro gimakogo nong’ong’nigi, kawachonigi niya, “Unune malit, un jomecho ma doko momew gi mwandu moyaki kod gik mohol.”

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [