Isaya 5:7 - MUMA MALER 2015

⁷ Puoth mzabibu mar Ruoth Nyasaye Manyalo Gik Moko Duto en Israel, kendo jo-Juda e yath mane orito maber. Ne ogeno ni adiera dibedie, to nek ema ne oneno, bende noparo ni tim makare diyudree, to ywak malit ema ne owinjo.

Motingʼo Loko Manyien

⁷ Puoth mzabibu mar Jehova Nyasaye Maratego en od jo-Israel, kod jo-Juda e puodho mamiye mor. Osedwaro mondo ngʼado bura makare obedie, to oneno mana nek kendo osedwaro mondo one tim makare, to owinjo mana ywak mar lit.

Isaya 5:7 ပူးပေါင်းရင်းမြစ်များ

Chakruok 4:10

Ruoth Nyasaye nopenje kendo niya, “Ang’o misetimoni? Winji! Remb owadu misechuero ywakna e lowo.

2 Samuel 7:10

kendo abiro miyo joga Israel pinygi giwegi. Anagurgi kuno, kendo ginidagie ma ok othaggi kendo, kaka chon,

Ayub 34:28

Ne gichuno joma odhier mondo oywag ni Nyasaye, kendo ne owinjo ka gikwaye mondo okonygi.

Zaburi 147:11

to obedo mamor mana gi joma oluore, kendo man gi geno kuom herane mosiko.

Zaburi 149:4

nimar Ruoth Nyasaye ohero joge. Oting’o joma obolore malo, komiyo gilocho.

Zaburi 80:15

Ee, bi ires mzabibu ma in iwuon ema ne ipidho. Adier, kony mzabibu ma pod yot, mane imiyo odongo maber mondo obed mari iwuon.

Wuok 3:7

Bang’e, Nyasaye nowachone niya, “Aseneno ratiro kaka joga thagore e piny Misri. Asewinjo ywakgi, ka gikwayo ni mondo oresgi gia e lwet joma chunogi gi tich matekno. Adier ang’eyo chandruokgi.

Ngeche 21:13

Ka ng’ato odino ite ni ywak joma odhier, to en bende ywakne ok nowinji.

Eklesiastes 4:1

Bang’e ne achako arango timbe ma isandogo ji e pinyni, mi ne aneno joma isando kaywak, to onge ng’ama konygi, nikech joma ne sandogi ne nigi teko mathoth.

Wer Mamit 7:6

Mano kaka iber, yaye jaherana, kendo mano kaka mor mimiya lichna!

Isaya 1:21

Mano kaka dala Jerusalem mane chon oluoro Nyasaye koro chalo mana gi dhako moweyo chwore, to dwanyore gi chwo mamoko! E kinde moko ne en kama adiera nitie, to tinde jonek ema opong’e.

Isaya 1:6

Onge kama ngima e dendu, chakre tiendu nyaka wiu, mak mana kuonde moridhore gi kuonde moriemo kod adhonde, ma pok oketie yath, kata motue, kata mowirie mo ma dimi gichangi.

Isaya 27:2

Chieng’no wer ma nower ema: “Israel e puodho maber mar mzabibu.

Isaya 3:14

Ee, oyalo jodong joge gi jotendgi, kowacho niya, “Useketho puotha mar mzabibu, kendo gik moko ma useyako kuom joma odhier opong’o uteu.

Isaya 3:15

Ere kaka unyalo hedhoru nyono joga kendo thiro joma odhier?” Mano en wach mar adier, ma Ruoth Nyasaye Manyalo Gik Moko Duto ema owacho.

Isaya 3:17

Omiyo abiro keto tuo e wigi, kendo ami gidong’ duge.”

Isaya 30:12

To Ng’ama Ler mar Israel wacho kama, “Ok usewinjo wachnano, bende usando ji, kendo utimo timbe mag miganga, kuparo ni gik ma kamago nyalo konyou,

Isaya 46:12

Winjauru, un joma chunygi tek, ma paro ni resruok pod bor.

Isaya 5:2

Ne opure maber mi ogolo kite mane nitie, kendo opidhoe mzabibu mabeyo ahinya. Ne ogero ot mabor mar rito e dier puodhono, kendo ne okunyo bur mibiyoe mzabibu e lwanda man kuno. Ne ogeno ni puotheno biro nyagone olemo mabeyo, to kar timo kamano ne onyago mana olemo makech.

Isaya 59:13

Waseng’anyo, mi waketho e nyim Ruoth Nyasaye. Adier, wasedok chien, mi wajwang’o Nyasachwa. Bende waseparo weche mag miriambo e chunywa, kendo mago ema wawuondogo ji.

Isaya 59:14

Bura makare ogol oko, kendo tim makare ni kuma bor. Adiera bende onge kata mana e chirni, kendo bura makare orumo e ut bura chuth.

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Isaya 62:5

Kaka wuowi kendo nyako, e kaka Jal mane ogeri biro kendi. Adier, kaka ng’at mokendo, mor gi chiege, e kaka Nyasachi nobed mamor kodi.

Jeremia 12:10

Jotelo mag pinje mamoko oseketho puotha mar mzabibu. Gisenyono puothena piny gi tiendgi, mi giloko pinya maber odoko motwo ma ok nyag gimoro.

Jeremia 24:2

Atonga achiel noting’o ng’owo mabeyo machiek atamalo, to atonga machielo noting’o ng’owo maricho ma ok nyal cham.

Jeremia 50:46

Ka olo Babulon, to koko nogore matek, mi piny noyiengni, kendo ogendini mamoko nowinj kokone.”

Ezekiel 22:29

Ji ajia bende wuondo ji kendo mecho. Gisando joma odhier kod jopinje mamoko modak kuomgi.

Hosea 10:1

Jo-Israel ne chalo gi yadh mzabibu monyak maber. Kaka ne gimedo dhi nyime maber, e kaka ne gimedo gero kende mag misango, kendo kaka pinygi ne nyak maber, e kaka ne giloso sirni milamo mabeyo.

Mika 6:12

Joma jomoko manie dalani mayo joma odhier. Gin jomriambo mosiko ka hango wach ahanga.

Mika 6:8

To, in dhano, Ruoth Nyasaye osenyisi yo maber monego iluw. Odwaro mondo itim gik makare, kendo iher ji gi ng’wono, bende iluor Ruoth Nyasachi gi chunyi mamuol.

Habakuk 1:3

Ere gima omiyo iweyo aneno chandruok machalo kamano? Koso ang’o momiyo iweyo aneno timbe mamonogi? Mecho kod timbe machach ema aneno, kendo miero gi lweny olwora koni gi koni.

Zefania 3:17

Ruoth Nyasaye ma Nyasachu nie kindu, mondo oritu maber mana ka jalweny. Obiro bedo mamor nikech un, mi ochak onyisu herane, kower gi mor nikech un, mana kaka ne otimo chon.

Mathayo 23:23

Yesu nomedo wacho niya, “Mano kaka unune malit, un jopuonj Chik gi jo-Farisai, mawuondore ni ohero Nyasaye! Uketo chunyu mana kuom chiwo ni Nyasaye mich mar achiel kuom apar mag alode maonge tich kaka apoth, gi onyulo, kod ododo, to uweyo gik madongo ma Chik dwaro, kaka ng’ado bura kare, gi bedo mang’won kod bedo jaadiera. Gik madongogo ema onego bed ni utimo, to mamokogo bende ok onego uwe mak utimo.

Luka 18:7

Koro donge Nyasaye nong’ad bura kare ni joge moyier, maywakne odiechieng’ gotieno? Uparo ni dodeki mak okonyogi koso?

Johana 15:2

Bedena duto ma ok nyag olemo, ong’ado oko, to bede duto ma nyago olemo olwero maler mondo omed nyak.

Rapar mar Chik 15:9

Kata dabed ni higa mar abiriyo miweyoe gope chiegni chopo, to kik ubed gi ich lit, mutamru miyogi gimoro. Jogo diywag ni Ruoth Nyasaye, mi dubed joricho.

Jakobo 5:4

To pok uchulo misach jotich mane okayonu cham. Winjieuru kaka giywak! Adier, ywak jokeyogo osechopo e it Ruoth Nyasaye Manyalo Gik Moko Duto.