Isaya 5:29 - MUMA MALER 2015

²⁹ Giywak mana ka sibuor maruto komako le, kendo dhigo ma onge ng’ama nyalo maye.

Motingʼo Loko Manyien

²⁹ Giruto ka sibuor kendo gingʼur ka sibuoche matindo, bende gimor ka gidwaro mako le, mi gitingʼ-gi e dhogi maonge ngʼama nyalo resogi.

Isaya 5:29 ပူးပေါင်းရင်းမြစ်များ

Chakruok 49:9

Juda, in nyathi sibuor. Inego le, eka idok kari midakie. Juda, ichalo sibuor moriere kendo onindo piny, maonge ng’ama hedhore chiewo.

Zaburi 50:22

Un joma ok dewa, winjuru wachna, nono to abiro kidhou matindotindo, kendo onge ng’ama nokonyu.

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 31:4

Ruoth Nyasaye osewachona niya, “Kaka sibuor kata nyathi sibuor ng’ur, kachamo chiayo mosemako, to ok odew, bende ok oluor kata ka jokwath mang’eny ochokore ka goyo koko, mondo oriembe, e kaka Ruoth Nyasaye Manyalo Gik Moko Duto nolor piny mondo oked ewi got Sayun.

Isaya 35:9

Sibuoche ok nodhi kuno, kendo onge kata mana ondiek mager ma nosud machiegni kode. To yorno ema joma Ruoth Nyasaye osewaro nowuothie.

Isaya 42:22

To kata kamano jogi gin joma oyaki, kendo oter e tuech. Giduto gisenyumore e obadho mokunynigi, mi gilal e ut tuech. Omakgi, mi odhi kodgi mana ka gima gin gik moyaki, ma onge ng’ama nyalo resogi, kata wacho ni mondo odwokgi.

Isaya 47:15

Kamano e kaka jathieth misechandorigo nyaka ne ia e nyathi biro bet. Moro ka moro nokwang’ kochiko yore owuon, kendo onge ng’ama noresi.

Jeremia 2:15

Wasikgigo rutonigi matek, mana ka sibuoche. Giseketho pinygi, molokore thim. Miechgi bende okethore, maonge ng’ama dagie.

Jeremia 4:7

Jaketh ogendini osewuok oko ka sibuor mowuok e gonde. Osewuok kama odakie mondo obi oketh pinyu. Miech Juda nodong’ gundni ma onge ng’ama odakie.

Jeremia 49:19

Anabi mana ka sibuor mochomo lek moloth, kowuok e bungu moyugno manie geng aora Jordan, kendo anami jo-Edom mwomre gi ng’uech kaa. Bang’e ng’at ma ayiero jatelo norit ogandano. “Ere ng’ama inyalo pimo koda? Koso ere ng’ama dihedhre piem koda? En ruoth mane ma dikwer wachna?

Jeremia 50:17

“Jo-Israel chalo gi rombe ma sibuoche lawo kendo keyo. Mokwongo ruodh Asuria ema nomonjogi, mochamogi ka sibuor machamo le. Eka bang’e ruoth Nebukadnezar nobiro momuodo chokegi.

Jeremia 51:38

Jo-Babulon goyo asumbi ka sibuor, kendo giruto ka nyithind sibuor.

Hosea 11:10

Abiro ruto ni wasik jo-Israel ka sibuor, mi joga biro biro ira. Gibiro ringo ira ka gia yo podho chieng’.

Amos 3:8

“Ere ng’ama ok diluor ka sibuor ruto? Koso ere janabi ma diling’ mak ohulo gima Ruoth Nyasaye owachone?”

Mika 5:8

Ee, jo-Israel motony nobed e kind ogendini mana ka sibuor ma dwaro le e bungu, kata madwaro rombe e lek. Ka odonjo kuom rombe to opodho kuomgi kendo okidhogi matindo tindo ma onge ng’ama resogi.

Nahum 2:11

Koro tinde ere dala mane ong’ere kaka gond sibuor, kama thuondi ne nitie, kendo kama mon gi nyithindo ne odakie ka onge gima giluoro?

Zefania 3:3

Jotende ne chalo gi sibuoche ma ruto e iye, kendo ruodhi mage ne chalo gi ondiegi mawuotho gotieno, ma ok we piny ru ni gimoro ka pok gitieko,

Zekaria 11:3

Winjuru kaka jotelo ywak ka chunygi lit, nimar duong’ ma yande gin-go olal nono. Adier, winjuru kaka giywak ka sibuoche maruto nimar bung Jordan ma gidakie osekethi.

Kwan 24:9

Uchalo gi sibuor madhako manindo piny, ma onge ng’ama hedhore chiewo. Joma guedhou mondo oyud gueth, to joma kuong’ou mondo oyud kuong’!”