Isaya 5:27 - MUMA MALER 2015

²⁷ ma onge ng’ama ol kuomgi kata ma chwanyore, kendo ma onge ng’ama nur kata ma nindo. Bende onge ng’ama okandane ombekni e nungone kata ma tond wuochene ochot.

Motingʼo Loko Manyien

²⁷ Onge kata mana ngʼato achiel kuomgi ma ol kata machwanyore, bende onge kata ngʼato achiel kuomgi ma nindo tero, bende onge moro ma okanda ombekni e nungone kata ma tond wuochene ochot.

Isaya 5:27 ပူးပေါင်းရင်းမြစ်များ

1 Ruodhi 2:5

“Bende ing’eyo gima Joab wuod Zeruya notimona. Ne onego Abner wuod Ner, kod Amasa wuod Jether, mane jotend jolwenj Israel. E ndalo kue, nochulo kuor kuom gima notimore e lweny, kokelona buch remo nikech tho mar ng’at makare.

Ayub 12:18

Oriembo ruodhi, kendo oketogi e tuech.

Ayub 12:21

Okuodo wi joma nigi loch, kendo otieko teko jotelo.

Zaburi 18:32

En e Nyasaye mamiyo abedo motegno, kendo mamiyo yorena bedo moboch.

Zaburi 93:1

Ruoth Nyasaye e ruoth adier! Orwakore gi duong’ mar loch, kendo oumore gi teko, mana ka nanga. Adier, piny ogurore motegno, kendo ok nyal ng’ingni.

Ngeche 3:23

Bende gibiro teloni gi kue kiwuotho e yo, kendo tiendi ok nochwanyre ngang’!

Isaya 11:5

Tim makare kod adiera nobed ka okanda motueyo e nungone, kendo adiera e misip ma notuego dende.

Isaya 45:1

Ruoth Nyasaye wacho ni Kuros, ruoth moseyiero niya, “Asemako lweti ma korachwich mondo ilo ogendini manie nyimi, kendo iketh teko mag ruodhi, mi iyaw dhorangeye gi dhoudi ma onge kata achiel ma nodong’ ka ochiegi.

Isaya 45:5

An e Ruoth Nyasaye, kendo moro onge. Adier, onge Nyasaye moro mak mana an. Kata obedo ni pok ing’eya, to abiro miyi teko,

Daniel 5:6

ne obedo maluor, mi chunye ochandore, kendo dende ojuol ka chongene tetni.

Mathayo 3:4

Johana ne rwako law yie ngamia, kendo ne otweyo okanda mar del e nungone. Chiembe ne mana bonyo kod mor kich mae thim.

Rapar mar Chik 32:25

Ligangla noneggi ka gin oko, kendo ka gin ei udi, mi nyithindgi nodong’ kiye, kendo mondgi nodok mond liete. Yawuowi gi nyiri bende notho, kaachiel gi nyithindo mayom, kod jodongo moti.