Isaya 5:26 - MUMA MALER 2015

²⁶ Mano omiyo obiro ting’o bandera kaka ranyisi ma ogwelo oganda moro modak kuma bor. Obiro luongogi mondo giwuogi e tung’ piny, kendo gibiro biro piyopiyo ka giringo,

Motingʼo Loko Manyien

²⁶ Otingʼo bandera malo ne ogendini moa mabor, kendo ogoyo tungʼ koluongo jogo moa e tunge piny. Gibiro mapiyo piyo ka giringo matek.

Isaya 5:26 ပူးပေါင်းရင်းမြစ်များ

Zaburi 60:4

Ne ichungo bandera, mondo joma oluori ochokre, to ne gilokore, mi giringo wasikgi.

Zaburi 72:8

Pinye nochakre e bath nam man yo wuok chieng’, nyaka bath nam man yo podho chieng’, kendo nochakre aora Yufrate nyaka tung’ piny.

Isaya 10:3

To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Isaya 11:12

Eka enoting’ bandera malo mondo obed ranyisi ni ogendini, mi ochok jo-Israel mane oriemb e pinygi, kendo ochok jo-Juda moke, kogolo e tung’ piny gi tung’ piny.

Isaya 13:2

Chunguru bandera ewi got mojuer kaka ranyisi muluongogo wasik Babulon. Gwelgiuru mondo gidonj e dhoranga Babulon.

Isaya 13:3

An awuon ema agolo chik ni jolwenja. Adier, asechiko joga marateke ka akecho, mondo otim gima adwaro. Gigombo mondo an ema alo lweny.

Isaya 13:4

Winjuru kaka koko mar oganda mang’ongo gore ewi gode! En koko mar ogendini ma chokore kaa e pinje mopogore opogore. Ruoth Nyasaye Manyalo Gik Moko Duto choko oganda mang’ongo mar lwenyno.

Isaya 13:5

Gia e piny mabor, manie tung’ piny mogik. Ruoth Nyasaye ema kelo jogo kaka gige mag lweny mondo okethgo piny gi mirimbe mager.

Isaya 18:3

Un ji duto modak e piny, unune koting’ bandeche lweny malo ewi gode, kendo unuwinj ka tung’ ywak.

Isaya 30:16

mi uwacho niya, “Ooyo, wabiro idho farese mondo waringi.” To mano ber, ringuru aringa, uyombi, kunyalo! To kata obedo ni uringo matek manade, to wasiku biro ringo matek mi juku.

Isaya 31:9

Kihondko nomak jodonggi, mi dhier nono, kendo jotendgi mag lweny bende kibaji nogo ma ok nyal ringo. Mano e wach maradier mar Ruoth Nyasaye, ma maye omoki Sayun. Adier, maye ng’ang’ni Jerusalem.

Isaya 39:3

To bang’e janabi Isaya nobiro ir ruoth Hezekia, mopenjee niya, “Jogi oa kanye? To wach ang’o mokelogi?” Hezekia nodwoke ni, “Gia e piny Babulon, kuma bor.”

Isaya 7:18

“E ndalogo, Ruoth Nyasaye noluong jolwenj Misri modak kuonde ma aora Nael ochakoree, kod jolweny mag Asuria.

Jeremia 4:13

Neuru, wasigu biro mogingore ka boche polo. Gechegi mag lweny chalo gi kalausi, kendo faresegi ringo matek moloyo ongo. Yaye! Warumo!

Jeremia 5:15

Un jo-Israel, akelo oganda moro, maa e piny mabor mondo obi omonju. En oganda machon kendo maratego ma ok uwinj dhogi, kata mana weche ma giwacho bende ok ung’eyo.

Jeremia 51:27

“Chunguru bandech lweny! Gouru tung’ mondo ogendini owinji, kendo giikre monjo Babulon! Luonguru jopinje mag Ararat gi mag Mini kod mag Ashkenaz mondo obi ochak lweny, kendo yieruru ng’ato obed jatendgi. Keluru farese mang’eny ka bonyo.

Ywagruok 4:19

Joma lawowa nenore ni ringo matek moloyo ongo ma huyo e kor polo. Gilawo gerwa matek e kor gode, kendo gibutonwa e thim.

Ezekiel 38:17

In e ng’at mane awuoyo kuome chon kane aoro jotichna ma jonabi mag Israel mondo owach pile ni e ndalo mabiro anakel ng’ato mondo omonj Israel.’ An Ruoth Nyasaye ema awacho kamano.”

Joel 2:7

Gimonjo mier ka jolweny, kendo giidho ohinga ka askeche. Gisiko ka gidhi mana nyime tir, ma ok gibar kamoro,

Habakuk 1:8

Faresegi jong’wech moloyo kwach, kendo ger moloyo ondiegi mawuotho ka piny oselil. Joidh faresegi a kuma bor, kendo gihuchore mana ka ongo ma yudho gima omako,

Zekaria 10:8

“Abiro luongogi gi liyo mondo achokgi, mi ginibed mang’eny mana kaka ne gin chon.

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Rapar mar Chik 28:49

“Ruoth Nyasaye biro kelo kuomu oganda moro moa kuma bor ma dhogi ok nuwinji. Ginimwomre kuomu mana kaka ongo mwomore kuom nyagweno.