Isaya 5:25 - MUMA MALER 2015

²⁵ Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Motingʼo Loko Manyien

²⁵ Kuom mano Jehova Nyasaye osekecho gi joge; kendo oserieyo bade kuomgi monegogi. Gode yiengni kendo ringre joma otho odhurore e wangʼ yore ka yugi. To kata bed ni magi duto osetimore, to mirimbe pod ok okwe, nimar pod okecho kodgi.

Isaya 5:25 ပူးပေါင်းရင်းမြစ်များ

1 Ruodhi 14:11

Jadhood Jeroboam moro ma notho e dala, guogi nocham, to mago ma notho oko, winy nocham, nikech Ruoth Nyasaye osewacho kamano.’

1 Ruodhi 16:4

Jodhood Baasha ma otho e dala, guogi nocham; to mago ma otho oko, winy nocham.”

1 Ruodhi 21:24

To kuom Jezebel, Ruoth Nyasaye nowacho niya, “Guogi nocham ringre e Jezreel.”

2 Ruodhi 13:3

Ruoth Nyasaye nokecho gi jo-Israel, mi nothoro ketogi e lwet Hazael ruodh Aram, kendo e lwet Ben-hadad ma wuode.

2 Ruodhi 9:37

kendo ringre nochal kaka owuoyo moyar e puothe mag Jezreel, ma onge ng’ato ma nong’e ni, ma e Jezebel.’ ”

2 Weche mag Ndalo 36:16

To ne gimedo charo joote Nyasaye, ka gichayo wachne, kendo ginyiero jonabi mage, nyaka Ruoth Nyasaye nokecho kodgi, ma koro ne ok ginyal konyo.

Ayub 9:13

Mirimb Nyasaye osiko. Ne otieko wasike mane okonyo Rahab ondieg nam, kapiem kode.

Zaburi 106:40

Kuom mano, Ruoth Nyasaye nokecho kodgi. Chutho nojok kodgi, kata obedo ni gin joge mane oyiero kamano.

Zaburi 114:7

In piny, yiengni, ka Ruoth Nyasaye biro! Ee, tetni e nyim Nyasach Jakobo,

Zaburi 18:7

Piny notetni kendo oyiengni. Mise mag gode bende notetni kendo okirni nikech mirimb Nyasaye.

Zaburi 68:8

piny noyiengni, kendo polo nomiyowa koth, nikech biro mari, yaye Nyasach Israel.

Zaburi 77:18

Adier, polo noriadore malich e yamb kalausi, mi omenyo piny duto. Piny bende notetni kendo oyiengni.

Zaburi 78:38

En to nokechogi, mong’wononigi kuom richogi, mi ok otiekogi. Kinde mathoth ne omwonyo mirimbe, nikech ne ok odwar kecho kodgi.

Zaburi 83:10

Ne oneggi Endor, mi ringregi odong’ katop kuno,

Wuok 7:19

Ruoth Nyasaye nowacho ni Musa niya, “Nyis Harun kama: ‘Rie ludhi e wi pige duto man Misri, kaka aore madongo gi matindo, kod yewni gi sokni.’ Pi biro lokore remo, kendo piny duto nopong’ gi remo, koda ka dapige mag yien mopa, koda mag kite.”

Isaya 10:4

mondo kik gikirni e nyim jotuech, kata kik gipodhi e lwet janek? To kata kamano mirimb Ruoth Nyasaye ok norum, kendo pod nosik kokumou akuma.

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 14:19

to in, osewiti oko, mi irieri piny mak oyiki, mana ka guok motho. Joma oneg e lweny, mowit e bur motimo kite, ema ogangore kuomi.

Isaya 23:11

Ruoth Nyasaye oserieyo bade e nam mondo olok loch ruodhi, bende osegolo chik mondo omuk miech Kanaan mochiel motegno.

Isaya 25:11

Kanyo ema jo-Moab norieye bedegi mana kaka ng’ama goyo abal rieyo bedene ka kwang’, to Nyasaye notiek sungagi, kaachiel gi gimoro amora ma lwetgi oseloso.

Isaya 29:2

to bang’e anakelni masira, mi ywagruok gi nduru nobedie, kendo inichal gi kendo-mar-misango ma remo ochuerie!

Isaya 42:25

Mano ema omiyo noolo mirimbe mager kuom jo-Israel, kokelonigi lweny maliet ka mach. Ne olworogi gi mach koni gi koni, to ne ok giwinjo tiend kumno. Adier, ne orewogi, to kata kamano ne ok gidewo.

Isaya 51:20

Ruoth Nyasaye okumo yawuoti gi kum mager. Ginindo e yore duto mana ka gima gimer, kendo mana ka le ma obadho omako.

Isaya 64:3

Kane itimo honni mane ok wagen ni wanane, ne ilor piny, mi gode oleny e nyimi.

Isaya 66:15

Neuru kaka Ruoth Nyasaye biro ei mach, ka gechene mag lweny chalo kalausi, mondo osand ji gi mirimbe mager ka mach makakni.

Isaya 66:24

Giniwuogi, mi gine ringre joma otho mosepiem koda. Kudni machamogi ok notho, kata mach mawang’ogi bende ok notho, kendo ginibed gik ma ji duto osin-go.

Isaya 9:11

Ruoth Nyasaye biro kelo wasigu mondo oked kodgi. Adier, obiro thuwo wasikgi kodgi mondo otiekgi.

Isaya 9:16

Jotend jogi osewitogi. Omiyo joma onego telnigi ok ong’eyo gima onego gitim.

Isaya 9:17

Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Isaya 9:20

Ng’at achiel biro mecho konchiel, to pod nodeny adenya, kendo ng’at machielo biro mwonyo gik moko komachielo, to ok noyieng’ ngang’. Moro ka moro biro chamo ringre nyithinde, bende onge ma nowe owadgi mak ochamo.

Isaya 9:21

To kata kamano mirimb Ruoth Nyasaye ok norum kendo pod nosik kokumogi akuma.

Jeremia 15:3

“An Ruoth Nyasaye asechano ni masiche ang’wen biro makogi. Ibiro neggi mi guogi biro kidho ringregi. Winy nochamgi kendo ondiegi nocham ringregi modong’.

Jeremia 16:4

Tuoche maricho biro negogi, to onge ng’ama noywaggi, bende ok noyikgi. Ginidhurre pidhe pidhe mana ka owuoyo miolo e puothe. Moko notho e lweny to moko kech nonegi, kendo winy gi ondiegi nocham ringrergi.

Jeremia 17:4

Ubiro a e piny mane amiyou, kendo abiro miyo utiyo ni wasiku e piny ma ok ung’eyo, nimar mirimba chal gi mach, kendo biro liel nyaka chieng’.”

Jeremia 4:24

Ne arango gode madongo, maneno ka giyiengni; kuonde moting’ore bende ne rundore koni gi koni.

Jeremia 4:8

Kuom mano, rwakreuru gi piende gugru, kendo uywagi ka ugoyo nduru, nikech mirima mager ma Ruoth Nyasaye nigo gi jo-Juda pok orumo.”

Jeremia 6:12

Utegi gi puothegi kod mondgi bende nomi jomoko nono, nimar abiro kumo jopinyni. An Ruoth Nyasaye ema awacho kamano.

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Jeremia 9:22

Ruoth Nyasaye wacho niya, “Ringre joma otho biro dhurore pidhe mana ka owuoyo mool e puothe. Ginichal gi cham ma jokeyo osebeto, to pok ochoki.

Ywagruok 5:22

Koso isedagiwa chuth ka in gi mirima mager?

Ezekiel 15:6

Kuom mano, an Ruoth Nyasaye awacho niya, “Kaka yadh mzabibu itong’oe bungu, kendo ichwako, e kaka abiro kawo jo-Jerusalem mi akum.

Ezekiel 30:25

Adier, anami ruodh Misri bed mayomyom. Ruodh Babulon to nami teko. Ka amiyo ruodh Babulon liganglana, mi omonjogo piny Misri, to ji duto nong’e ni an e Ruoth Nyasaye.

Ezekiel 6:14

Adier, anarie bada kuomgi mi aketh pinygi ka aloke thim, chakre piny motwo ma yo milambo, nyaka dala mar Ribla man yo nyandwat, ma ok aweyo kamoro ma jo-Israel odakie mak aketho. Bang’e ji duto nong’e ni kara an e Ruoth Nyasaye.”

Daniel 9:16

A Ruoth Nyasaye in ng’at makare, omiyo koro we kecho gi Jerusalem, nikech en dalani kendo en godi maler. Jopinje mokiewo kodwa duto jaro Jerusalem, kendo gijaro jogi mana nikech kethowa kaachiel gi timbewa manono mane kwerewa otimo.

Hosea 14:4

Ruoth Nyasaye wacho niya, “Abiro duogo joga ira, kendo anahergi gi chunya duto, nikech koro ok akecho kodgi.

Amos 8:8

Kuom mano piny biro yiengni, kendo ji duto modakie noywagi! Piny duto biro tetni, bende obiro ting’ore mi opie, mana ka aora Nael manie piny Misri.

Mika 1:4

Gode biro leny e bwoye mana ka odok moket e mach. Giniruombre e holni mana ka pi mabubni e abururu.

Nahum 1:5

Gode madongo gi matindo tetni e nyime, kendo leny nono. Piny duto kod joma odakie bende tungni.

Habakuk 3:10

bende ka gode orangi, to tetni ka luoro omako. Ohula mwomo ka ridore, kendo nam matut wuo matek ka apaka gingore.

Zefania 1:17

Ruoth Nyasaye owacho niya, “Abiro kelo ni ji thagruok malich, kendo ginituomre atuoma ka muofni, nikech richo ma gisetimo e nyima. Rembgi nochuer ka pi, kendo ringregi noriere, ka tow e lowo.

Rapar mar Chik 31:17

Kuom mano, mirimba mager noliel kuomgi ka mach mi notiekgi. Anawegi, kendo ok nakwan-gi ka joga, mi ginithagre malit, kendo ginine masiche madongo. Eka bang’e giniwach niya, ‘Thagruokgi osebironwa mana nikech Nyasachwa koro ok ni kodwa.’

Rapar mar Chik 31:18

To ok nawinjgi e ndalogo, nikech richo ma gisebedo ka gitimo mar lamo nyiseche mamoko.

1 Jo-Thesalonika 2:16

To bende gitemo koda ka sindowa mondo kik waland ni joma ok jo-Yahudi wach makelonigi warruok. Kamano gipong’o rapor mar richogi, omiyo mirimb Nyasaye koro osejukogi!

Fweny 20:11

Eka ne aneno kom duong’ mang’ongo marachar kod jal mobetie. Piny gi polo noringo oa e nyime mi olal nono.