Isaya 5:23 - MUMA MALER 2015

²³ ubiro yudo kum, nimar uweyo joketho nikech asoya, to joma onge ketho ema utamo e adiera monego giyudi!

Motingʼo Loko Manyien

²³ Un ma uweyo joketho nikech asoya, to joma onge ketho ema utamo e adiera margi.

Isaya 5:23 ပူးပေါင်းရင်းမြစ်များ

1 Ruodhi 21:13

Ji ariyo macheje nodonjo, mobet momanyore kode. Eka ne gidonjo ni Naboth e nyim ji duto, ka giwacho niya, “Naboth noyanyo Nyasaye kod ruoth bende.” Omiyo ji nogole oko, kendo ne gigoye gi kite nyaka otho.

2 Weche mag Ndalo 19:7

Emomiyo tiuru kuluoro Ruoth Nyasaye. Ritreuru kuom gima utimo, nimar Ruoth Nyasaye ma Nyasachwa ok oyie gi ng’ado buch amwor kata buch nyakonchiel kata chamo asoya.”

Zaburi 94:21

kendo ma chokore mondo otim ni joma kare timbe mamono, mi ng’ad ni joma onge ketho buch tho.

Ngeche 17:15

Kumo ng’at maonge ketho, kata weyo jaricho aweya, gin gik ma Ruoth Nyasaye mon-go.

Ngeche 17:23

Jong’ad bura maricho chamo asoya ling’ling’ mondo oketh bura.

Ngeche 24:24

Ka jang’ad bura owacho ni ng’at moketho onge gi ketho, to ji duto manie piny kuong’e kendo chaye.

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Isaya 10:1

Yaye, unune malit, un joma loso chike ma ok ni kare, kendo ma keto chike maricho mathiro ji.

Isaya 10:2

Utamo joma odhier e adiera, kendo umayo joga ma jochan gik monego giyudi, bende uyako mond liete kod nyithi kiye.

Isaya 28:7

To koro jotend Jerusalem duto bende gin jomer. Jodolo mage kod jonabine mer kendo kwang’ nikech kong’o makech, omiyo gitimo gik mofuwo. Gitagore ataga ka gineno fweny, kata ka ging’ado bura.

Isaya 29:21

Gin jogo ma ketho nying ji, kendo ma buto mondo ohiny jong’ad bura, bende gimiyo buch ng’at makare iketho kayiem nono.

Isaya 32:7

Ng’at ma achach yorene richo. Ochano gik maricho e chunye, mondo ohiny joma odhier gi weche mag miriambo, kendo otamo jochan e adiera monego giyudi.

Isaya 59:15

Kuom mano, adiera olal nono, kendo ka ng’ato obet motang’ ni richo, to ikwane mana ka janeko! Ruoth Nyasaye noneno ni adiera onge, omiyo iye nowang’.

Amos 5:12

nimar ang’eyo kaka kethou ng’eny, kendo ang’eyo kaka richou okadho akwana. Un usando joma onge gi ketho, kendo uchamo asoya, bende utamo joma odhier yudo bura makare.

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Mika 7:3

Gitimo timbe maricho gi chunygi duto. Jodongo kwayo gik moko mondo omigi, kendo jong’ad bura chamo asoya, bende jotelo golo chik mana kaka gin ema gihero.

Mathayo 23:35

Kamano unuyud kum kuom remb joma kare duto mosechuer e piny, chakre remb Habil nyaka remb Zakaria wuod Barakia, mane unego e kind Kama Ler gi kendo-mar-misango.

Rapar mar Chik 16:19

Kik ung’ad buch amwor kata buch nyakonchiel, to bende kik ucham asoya, nimar asoya mono kata mana ng’at mariek wacho adiera, kendo wito buch ng’at ma onge ketho.

Jakobo 5:6

Useng’ado bura ni joma onge ketho, mi unego, to ok gitamou.