Isaya 5:14 - MUMA MALER 2015

¹⁴ Emomiyo piny joma otho ong’amo dhoge malach, ka dande oyawore, mondo omwonygo joma ogen kaachiel gi ji mamoko duto, e kinde ma gikokie gi mor.

Motingʼo Loko Manyien

¹⁴ Kuom mano piny joma otho ongʼamo dhoge malach ka dande oyawore malich; kendo enomuony jotelo kod oganda mamoko e kinde ma gikokee gi mor.

Isaya 5:14 ပူးပေါင်းရင်းမြစ်များ

Zaburi 49:14

Gimwomore e tho ka rombe, kendo tho nogono ema biro bedo jakwadhgi. Joma kare nogonigi siboi gokinyi, ka ringregi top e Piny Joma Otho, kuma bor gi pinygi.

Zaburi 55:15

Onego wasika yud tho apoya, mi gidhi e piny joma otho ka pod gingima! Richo opong’o miechgi kod chunygi.

Ngeche 1:12

mondo wamwonygi ngili ka bur liel. Kata obedo ni gionge ketho kamano, to wabiro negogi, mi gidhi e Piny Joma Otho.

Ngeche 27:20

Kaka joma otho ok nyal pong’o Piny Joma Otho, e kaka gombo mar dhano bende ok nyal rumo.

Ngeche 30:16

Mokwongo en Piny Joma Otho, mar ariyo en dhako ma migumba, mar adek en lowo motwo ma dwaro koth to mar ang’wen en mach malandore alanda.

Isaya 14:11

Duong’ ma yande in go, kaachiel gi thumbe ma yande iwinjo, osedhi kodi e Piny Joma Otho. Kudni e godhro minindoe, kendo e baranget miumorigo.

Isaya 14:9

Piny joma otho otuk duto mondo oromni kidonjo kuno. Adier, joma ne osetho ochiew mondo oromni, koda ka mago, mane osebedo jotelo e piny ka. Ee, jogo duto mane osebedo ruodhi mag pinje a malo e kombegi.

Isaya 21:4

Dhoga nomoko kendo natetni ma ok anyal konyo. Ne asegeno ni abiro yueyo godhiambo, ka chieng’ opodho, to kindeno nolokorena mana masira.

Isaya 24:8

Nyiduonge noling’ thi, bende mahu ma joma mor goyo norum, kendo thumbe ok noywagi.

Isaya 30:33

To mach miwang’oe ringre joma otho ne oseik chon mondo owang’ie Molok, nyasach Asuria. Kendono duong’ ahinya, kendo odhurie yien mogundho. Much Ruoth Nyasaye ma chalo gi mach maliel ema biro moke.

Ezekiel 7:12

Kindeno biro! Adier, ndalono sudo machiegni! Jong’iewo gi joloko ok onego obed mamor, bende ok onego giywagre, nikech mirimb Nyasaye ni kuomgi giduto.

Daniel 5:30

To otieno nogo ema nonegie Belshazar ruodh Babulon,

Nahum 1:10

Giduto giniwang’ pep mana ka kudho mochoki, kata ka tiang’ motwo.

Habakuk 2:5

Andhoke ma jo-Babulon sungore, to ok ginidhi maber. Gisechoko ogendini mang’eny moa e pinje mopogore opogore, ka wuoro omakogi, to ok ginyal yieng’.

Mathayo 7:13

“Donjuru e rangach madiny, nikech yo madhi e tho lach, bende rangach midonjogo kuno duong’ kendo joma luwe ng’eny.

Luka 17:27

Ji duto nosiko chiemo achiema kendo metho. Chwo ne kendo, kendo nyiri bende ne dhi tedo, nyaka nochopo chieng’ mane Nowa odonjo e yie, mi pi oimo piny, motieko ji pep.

Luka 21:34

“Ritreuru mondo kik utim anjawo, kata kik ubed jomer kata joma parore kuom gik manie pinyni, nono to chieng’no biro poyou mana ka obadho,