Isaya 5:12 - MUMA MALER 2015

¹² Utimo sewni gi kong’o mogundho kod thumbe mopogore opogore to ok udew gik ma Ruoth Nyasaye osetimo, bende ok unegi.

Motingʼo Loko Manyien

¹² Gitimo nyasigi gi kongʼo, gi nyatiti, gi orutu, gi oyieke kod asili, to ok gidewo gik ma Jehova Nyasaye osetimo bende ok giluoro tij lwete.

Isaya 5:12 ပူးပေါင်းရင်းမြစ်များ

Chakruok 31:27

Ere gimomiyo nia ling’ling’ ka akia? Dine inyisa ni idwaro dhi, dine akowi gi mor, kiwerni kendo igoyoni thum.

2 Samuel 19:35

Koro an jahigni piero aboro. Iparo ni pod nitie gimoro manyalo miya mor? Koso awinjo dhath gima achamo kata mar gima amadho? Iparo ni wende chwo kata wende mon pod nyalo miya ilo? Ooyo ruoth, ok owinjore amedni ting’ kayiem.

Ayub 34:27

nimar gisebaro, mi giweyo luwe, kendo gijwang’o chikene duto.

Zaburi 28:5

Ok gidew gik ma Ruoth Nyasaye osetimo, kata gik ma osechueyo. Omiyo obiro kumogi, mi otiekgi chuth.

Isaya 22:13

To kar timo kamano, to unutug atuga kumetho, kendo kuyang’o dhok gi rombe uchamo, ka uwacho niya, “Wachiemuru kendo wamethuru, nikech kiny wanatho.”

Isaya 24:8

Nyiduonge noling’ thi, bende mahu ma joma mor goyo norum, kendo thumbe ok noywagi.

Isaya 29:1

Yaye, inine malit in Jerusalem, dala mane Daudi obworoe! Kuom higa achiel kata higni ariyo sewni mitimo higa ka higa pod timore,

Isaya 5:19

Uwacho niya, “Ruoth Nyasaye mondo oreti, otim tichne piyopiyo wane! Adier, gima Ng’ama Ler mar Israel ochano timo, mondo ochop piyopiyo waneye!”

Isaya 56:12

Ng’ato ka ng’ato kuomgi wacho niya, “Biuru wamany divai kod kong’o makech, mondo wamadh, wamer. Kiny bende nobed maber mana kama, kata moloyo ma.”

Ezekiel 26:13

Kamano anatiek wer duto miwero, kendo thumbe migoyo ok nochak owinji.

Daniel 5:23

Kar timo kamano to isepiem gi Ruodh Polo kuom kelo kikombe gi tewni mane osegol e Hekalu mare, mi umethoe. Ee, in gi jodongi kaachiel gi mondi mamoko ne umadho divai gi gigo, kupako nyiseche molos gi dhahabu gi fedha gi mula gi nyinyo gi bao kod kidi. Gin nyiseche ma ok nyal neno, kata winjo wach, kata ng’eyo gimoro. To ne ok iluoro Nyasaye morito ngimani kaachiel gi gik moko duto mitimo.

Luka 16:19

Yesu nogoyo nigi ngero niya, “Ne nitie jamoko moro mane rwako lewni mabeyo ma nengogi tek, kendo ne odak e ngima mamalo, kochamo chiemo mabeyo pilepile.

1 Jo-Korintho 14:7

To kata mana gik maonge gi ngima kaka asili kod thum bende puonjowa ni mano en adier, nikech ere kaka ng’ato ding’e puch migoyo, ka puye duto ogo mana rat?

Juda 1:12

Jogi gin mbelni e sewni mutimo mag hera, ka gichiemo kodu maonge wichkuot. Gin jokwath maparo mana gin giwegi kende! Gichalo rumbi ma yamo riembo to ok kel koth, kendo gichalo yiend olemo ma ok nyagi e ndalo oro, kendo mopudh gi tiendgi, mi otho chuth.

1 Samuel 12:24

Mak mana ni, luoruru Ruoth Nyasaye, kutiyone gi adiera kod chunyu duto, kendo paruru gik madongo mosetimonu.