Isaya 5:11 - MUMA MALER 2015

¹¹ Yaye, unune malit, un joma chiew gokinyi mang’ich kadhi dwaro kong’o, kendo budho nyaka dier otieno ka mer!

Motingʼo Loko Manyien

¹¹ Unune malit un joma chiewo gokinyi kulawo kuonde kongʼo, un ma ubudho kuneno nyaka chuny otieno ka umer maonge rieko.

Isaya 5:11 ပူးပေါင်းရင်းမြစ်များ

2 Samuel 19:35

Koro an jahigni piero aboro. Iparo ni pod nitie gimoro manyalo miya mor? Koso awinjo dhath gima achamo kata mar gima amadho? Iparo ni wende chwo kata wende mon pod nyalo miya ilo? Ooyo ruoth, ok owinjore amedni ting’ kayiem.

Ngeche 20:1

Kong’o miyo ng’ato bedo jakoko maonge gi rieko. Emomiyo mer en mana fuwo.

Ngeche 23:32

nikech kinyne gokinyi niwinj dendi ka rach mana ka gima thuol man gi kwiri marach ema okayi.

Isaya 22:13

To kar timo kamano, to unutug atuga kumetho, kendo kuyang’o dhok gi rombe uchamo, ka uwacho niya, “Wachiemuru kendo wamethuru, nikech kiny wanatho.”

Isaya 24:9

Onge ng’ama nochak omadh divai ka wer, kendo kong’o nobed marach ni jamath.

Isaya 28:1

Yaye, inine malit, in dala Samaria manie holo momew, ma jomer mag Israel sungorego ka osimbgi. Duong’ni biro rumo mana ka maua moner, in dala ma joge lwokore gi kong’o!

Isaya 28:3

Bang’e osimbo ma jomer mag Israel sungoregono nonyon piny,

Isaya 5:22

Yaye un thuondi mag madho kong’o kendo ma tekogi en mana ruwo kong’o makech,

Isaya 56:12

Ng’ato ka ng’ato kuomgi wacho niya, “Biuru wamany divai kod kong’o makech, mondo wamadh, wamer. Kiny bende nobed maber mana kama, kata moloyo ma.”

Habakuk 2:15

Unune malit, un joma sando jopinje makiewo kodu, mi kwang’ ka joma omer, mana ni mondo unyiergi ka giwuotho duk.

Habakuk 2:5

Andhoke ma jo-Babulon sungore, to ok ginidhi maber. Gisechoko ogendini mang’eny moa e pinje mopogore opogore, ka wuoro omakogi, to ok ginyal yieng’.

Luka 21:34

“Ritreuru mondo kik utim anjawo, kata kik ubed jomer kata joma parore kuom gik manie pinyni, nono to chieng’no biro poyou mana ka obadho,

Jo-Rumi 13:13

Ngimawa mondo obed mobidhore, kaka joma wuotho e ler odiechieng’. Waweuru dwanyruok gi mer gi terruok gi anjawo gi dhaw kod nyiego.

1 Jo-Korintho 6:10

kata jokuo, kata jogombo, kata jomer, kata joma ketho nying ji, kata jomecho, ok noyud gueth mar Loch Nyasaye.

Jo-Galatia 5:21

gombo, mer, dwanyruok, kod gik moko machal kamago. To asiemou, kaka nasiemou chon ni, joma timo gik ma kamago ok noyud gueth mar Loch Nyasaye.

1 Samuel 25:36

Kane Abigail odok dala, noyudo ka Nabal timo sawo maduong’, mana ka sap ruoth. Nabal ne mor, nikech nomer ahinya, omiyo Abigail ne ok onyise gimoro kata matin, nyaka piny oru.