Isaya 5:10 - MUMA MALER 2015

¹⁰ Bende puodho maduong’ nonyag mana mzabibu moromo divai matin nono, kendo kodhi moromo depe ariyo nonyag cham moromo mana ondweto kende.

Motingʼo Loko Manyien

¹⁰ Heka apar mar mzabibu nogol mana olemo karaya achiel kende, kendo kodhi moromo gorogoro nonyag cham maromo debe kende.”

Isaya 5:10 ပူးပေါင်းရင်းမြစ်များ

Wuok 37:22

Maupego gi bedego kod rachungi nobedo gimoro achiel mothedh gi dhahabu maler.

Isaya 32:13

Kudho kod pedo ema biro gawore e puothe joga, nimar ot ka ot ma yande mor nitie e dalau maduong’, nodong’ nono.

Isaya 7:23

E ndalogo puothe ma yande nitie mzabibu mang’eny ma nengogi tek nolokre bunge mogawore gi kuthe kod pedo.

Jeremia 48:33

Mor gi ilo osegol e piny Moab momewni. Divai tinde ok mol kuonde bicho, kendo onge joma odong’ ma dikog gi mor ka loso divai.

Joel 1:17

kodhi top e lowo motwo. Onge cham minyalo kano, omiyo dere man nono kethore.

Tim jo-Lawi 26:26

Anami chiembu doko manok, mi agulu achiel norom mon apar tedoe. Ginipimnu chiemo mana e rapim, kendo kata kuchiemo, to ok unuyieng’ ngang’.

Tim jo-Lawi 27:16

“To ka ng’ato ochiwo ni Ruoth Nyasaye lope moro, to nyaka go nengone maromre gi kodhi michwoyego. Nengo lowo minyalo chwoyo gi kodhi moromo kilo abiriyo nobed shekel piero abich.

Hagai 1:6

Usechuoyo mathoth, to ukayo matin, bende uchiemo to ok uyieng’. Umetho to ok romu, kendo urwakoru to koyo pod chamou achama. Jatich tiyo kendo chamo msara, to oketo pesane mana e mifuko motuch.

Hagai 2:16

Donge kane ng’ato obiro kama ochokie cham, ka oparo ni obiro yudo gunde piero ariyo, to ne oyudo mana apar kende?

Rapar mar Chik 28:38

“Ubiro chwoyo kodhi mang’eny e puotheu, to unuka matin, nimar bonyo biro chamogi.

Rapar mar Chik 28:39

Unupidh mzabibu, kendo unudogi, to ok unuka olembgi kata madho divachgi, bende ok unumadhi nikech, kudni nokethgi.