Isaya 49:8 - MUMA MALER 2015

⁸ Ruoth Nyasaye wacho kama: “Abiro dwoko kwayoni e kinde mowinjore. Adier, abiro konyi e ndalo mar resruok. Anariti mi achiwi ka ng’ama kelo winjruok e kinda gi ji, mondo ichak idwok piny kare, mi ipog ni ji puothe mojwang’.

Motingʼo Loko Manyien

⁸ Ma e gima Jehova Nyasaye wacho, “E ndalona mag kech abiro dwoko kwayoni, chutho ne akonyi e odiechiengʼ mar warruok; abiro riti mi ami ibed ngʼama kelo winjruok e kinda gi ji mondo ires piny, mi ipog ji kuonde ma yande odongʼ gunda,

Isaya 49:8 ပူးပေါင်းရင်းမြစ်များ

2 Samuel 7:13

En ema nogerna ot, kendo anager lochne osik nyaka chieng’.

Zaburi 2:8

Koro kwaya mondo amiyi ogendini duto, mondo piny ngima obed mari.

Zaburi 69:13

A Ruoth Nyasaye, an to abiro lami. Dwoka, yaye Nyasaye, e sa asaya mihero, nikech herani duong’, kendo nimar irito singruok mane itimo ni niwar ji.

Zaburi 75:3

Kata obedo ni piny oyiengni, mi ji duto modakie kihondko omako, to an ema nagur mise mage motegno.

Isaya 26:3

Joma parogi osiko kuomi, A Nyasaye, irito gi kue. Gin gi kue nikech gigeno kuomi.

Isaya 27:3

To an Ruoth Nyasaye e jaritne, kendo akelone pi pile mondo kik pot mzabibu lwar. Arite gotienoo kendo godiechieng’,

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Isaya 42:1

Neuru! Ma e jatichna ma atayo. En ng’at ma aseyiero, kendo ma chunya morgo. Aseketo roho mara kuome, omiyo obiro kelo adiera ni ogendini.

Isaya 42:6

“An Ruoth Nyasaye, aseluongi ni mondo itim gima kelo resruok. Asemako lweti mondo ariti, kendo anami ibed ng’at ma kelo singruok e kinda gi ji,

Isaya 44:26

To weche ma jotichna okoro, amiyo timore, kendo achopo gik ma jootena ochano. Awuoyo kuom Jerusalem ni, ji nochak odag kuno kendo, mi achak alos kuonde mokethore duto kuomgi.

Isaya 49:19

Kata obedo ni okethi kendo miechi odong’ gundni kamano, to ibiro yudo ni idoko matin, ma ok nyal romo jogi dakie. Bende jogo mane okethi noriemb dhi mabor.

Isaya 51:16

Aseketo wechena e dhou, mi apandou e tipo mar lweta, ka ayaro polo, kendo ka aketo mise mar piny, bende ka awachonu, un jo-Sayun, ni, “Un e joga.”

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Isaya 54:3

nimar ibiro nya kuonde duto, kendo nyikwayi noma ogendini pinjegi, mi gidag e mier ma koro owe gundni.

Isaya 55:6

Dwaruru Ruoth Nyasaye kapod kinde nitie minyalo yudego. Adier, ywagneuru ka pod en machiegni.

Isaya 57:13

Nyisecheni manonogo ok nokonyi ka iywak. Adier, onge nyasaye moro amora ma noresi. Yamo notergi mabor giduto. Ee, kata mana muya matin nono nokudhgi, mi tergi mabor. To joma oloka kar konyruokgi nokaw piny, kendo goda maler nobed mwandugi.

Isaya 58:12

“Nyithindu munywolo nochak oger kuonde ma nodong’ gundni mana ewi mise machon, mi noluongu ni, joger ohinga momukore, kendo ni, jolos udi mane okethi.”

Isaya 58:5

Uparo ni kit tueyo chiemo ma ayiego en mana sando ringruok, ka ng’ato okulo wiye piny ka togo, kata ka onindo e pien gugru mopedho e buru? Koso mano e gima uluongo ni tueyo chiemo adier? Koso mano e chieng’ ma an Ruoth Nyasaye ayiego?

Isaya 61:2

Bende oseora mondo ahul ni ma e higa ma Ruoth Nyasaye biro guedhoe joge, kod chieng’ ma Nyasachwa biro chuloe kuor.

Isaya 61:4

Ginichak giger kuonde mane omukore, kendo ginichak gilos mier mane okethore chon. Adier, ginilos mier mane okethore, modong’ gundni kuom higni mang’eny,

Isaya 65:9

Anami Jakobo nyikwayo ma noluw bang’e, kendo anami Juda jocham gikeni ma nikaw godena. Ee, joga moyier ma jotichna nokaw pinyno mi dagie.

Mathayo 26:28

nikech ma e remba, mochuer ni ji mang’eny, kitimonigigo Winjruok gi Nyasaye mondo owenigi richogi.

2 Jo-Korintho 6:2

nikech Nyasaye wacho niya, “Ne awinji e kinde mowinjore. Adier, ne akonyi e ndalo warruok.” Koro neuru, ma e kinde mowinjore ahinya! Winjuru, ma e ndalo mar warruok.

Jo-Efeso 1:6

Ne otimo kamano mondo ji opak ng’wonone man gi duong’ mane otimonwa kuom Wuode mohero.

Jo-Hibrania 12:24

Usebiro ir Yesu, jagach mosekelo winjruok manyien, ma rembe mokir nyiso wach maber moloyo wach mane remb Habil onyiso.

Jo-Hibrania 5:7

E ndalo mane Yesu odak e pinyni ka dhano, ne olemo, kendo osayo Nyasaye mane nyalo rese e tho, ka oywak malit, kendo pi wang’e chuer. Nyasaye nowinjo ywakne nikech dembruokne.

Jo-Hibrania 8:6

To tich ma Yesu oseyudo ber moloyo tich jodologo, mana kaka winjruok ma okelo ber moloyo winjruok machon, nikech en winjruok ma singruok mabeyo moloyo ema guro.