Isaya 49:7 - MUMA MALER 2015

⁷ Ruoth Nyasaye ma Ng’ama Ler, kendo ma Jawar Israel, wacho ni ng’at ma ji charo, ma ogendini nyono gi tiendgi, kendo ma misumba jotend piny, niya “Ruodhi nochung’ni, ka ikadho. Bende jodongo nokulreni piny nikech Ruoth Nyasaye. En Ruoth Nyasaye ma Ng’ama Ler mar Israel ma oseyieri.”

Motingʼo Loko Manyien

⁷ Ma e gima Jehova Nyasaye, ma Jares ji kendo Ngʼat Maler mar Israel wacho, ne ngʼat mane ogendini ochayo kendo ma en misumba jotend piny: “Ruodhi nochungʼni malo koneni, kendo jotelo koneno ma to nopodhni auma, nikech Jehova Nyasaye, jal ma ja-adiera ma en Ngʼat Maler mar Israel ema oseyieri.”

Isaya 49:7 ပူးပေါင်းရင်းမြစ်များ

Chakruok 27:29

Ogendini duto mondo otini kendo okulreni. Bed ruodh oweteni, kendo nyikwa meru mondo okulreni. Okuong’ joma kuong’i, to oguedh jogo maguedhi.”

Zaburi 47:9

Jotelo mag ogendini chokore kanyakla gi jo-Nyasach Ibrahim. En ema en gi loch kuom gik moko duto.

Zaburi 68:31

Joote madongo moa Misri nobi iri. Jo-Ethiopia to noting’ bedegi malo ka lami, A Nyasaye.

Zaburi 69:19

In ing’eyo kaka ji miya chuny lit, kendo ing’eyo kaka gijara kendo gikuodo wiya, wasika duto bende ineno.

Isaya 14:1

Ruoth Nyasaye biro kecho jo-Israel ma nyikwa Jakobo, mi ochak oyiergi, kendo oketgi e pinygi giwegi. Jopinje mamoko nobi mondo odag kodgi, mi gilokre jo-Israell.

Isaya 19:21

Ruoth Nyasaye noyangre ni jo-Misri mondo ong’eye, kendo chieng’no giniyie kuome, mi ginitimne misango mar cham kod misengni mamoko. Bende ginikuong’re, mi gichop kuong’ruokgigo.

Isaya 19:23

E kindego ndara maduong’ nobedie moa Misri kadhi Asuria. Jo-Asuria nobi Misri, kendo jo-Misri bende nodhi Asuria. Kamano jo-Misri gi jo-Asuria nolam Nyasaye kaachiel.

Isaya 27:13

Chieng’no tung’ maduong’ noywagi, mi joma olal e piny Asuria nobi, kaachiel gi joma noter Misri e tuech, mi ginilam Ruoth Nyasaye e got maler man Jerusalem.

Isaya 42:1

Neuru! Ma e jatichna ma atayo. En ng’at ma aseyiero, kendo ma chunya morgo. Aseketo roho mara kuome, omiyo obiro kelo adiera ni ogendini.

Isaya 48:17

Ruoth Nyasaye ma jawaru, kendo ma Ng’ama ler mar Israel, wacho kama: “An Ruoth Nyasaye ma Nyasachu. Apuonjou mondo uyud konyruok, kendo atelonu e yo ma onego uluw.

Isaya 48:7

Ne ok achueyogi chon, to achueyogi mana e sechegi. Ne ok uwinjogi chon, to uwinjogi mana kawuono, omiyo ok unyal wacho ni useng’eyogi.

Isaya 49:1

Winjuru, un joma odak e dhonembe kod chulni. Chikuru itu, un ogendini man kuonde maboyo. Ruoth Nyasaye noluonga kapok onywola. Adier, noluonga gi nyinga kapod an ei mama.

Isaya 49:23

Ruodhi mag ogendnigo, kaachiel gi mondgi ema nobed ka pidho nyithindigo. Ginikulreni piny, mi ginang’ buru manie tiendi. Eka ining’e ni an e Ruoth Nyasaye, kendo ining’e ni ng’ama ogeno kuoma ok noyud wichkuot.

Isaya 49:26

Anachun joma thiri, mondo ocham ringregi giwegi, kendo anami gimer gi rembgi, mana ka joma divai makech omero, mi ji duto nong’e ni an Ruoth Nyasaye ema aresou. An Jawaru, ma Ng’ama Nyalo Gik Moko Duto mar Jakobo.”

Isaya 50:6

Ne aloko dieng’eya ni joma goya, kendo nachiwo tika ni joma dwaro pudho. Wang’a bende ne ok apando kiyanya, kata king’udho kuoma olawo.

Isaya 52:15

e kaka ogendini mang’eny nobwogi ka onene, kendo ruodhi noling’ thi e nyime, nikech ginine gima ne pok giwinjo.

Isaya 53:3

Ji ne ojare, kendo okwere. Ne ne ng’at ma neno chandruok, kendo mong’iyo gi rem. Adier, ne wajare, mi wakwane ka gima nono, ma, ka ng’ato oneno, to loko wang’e kucha.

Isaya 60:10

A Jerusalem, jopinje mamoko ok nochak oger ohinga mari, kendo ruodhigi nobed jotichni. Kata obedo ni ne asandi malit ka an gi mirima kamano, to koro asekechi, kendo ang’wononi.

Isaya 60:16

Iniyud mwandu mag ogendini koda ka mago mag ruodhi. Kamano ining’e ni an, Ruoth Nyasaye e jaresni. Adier, jawarni en Ng’ama Nyalo Gik Moko Duto, ma Nyasach Jakobo.

Isaya 60:3

Ogendini gi ruodhigi nobi e lerni mathinyore.

Isaya 66:23

E kinde ka kinde ma due opor, kendo chieng’ Sabato ka chieng’ Sabato, ji duto nobi e nyima mondo olama. Ruoth Nyasaye ema owacho kamano.

Zekaria 11:8

Kane pok due achiel orumo, ne ariembo jokwath adek nikech ne gijoga, kendo gin bende chunygi nosin koda.

Mathayo 20:28

mana kaka Wuod Dhano bende ne ok obiro mondo ji otine, to mana ni mondo oti ni ji, kendo mondo ochiw ngimane owargo ji mang’eny.”

Mathayo 26:67

Bang’e ne ging’udho kuome olawo, mi gigoye adhong’, kendo githale,

Luka 22:27

Kuom ji ariyogi, ere ng’ama duong’ie moloyo wadgi? Jal ma obet kachiemo, koso jal matiyone? Donge en jal ma obet kachiemo? To an, an e kindu ka ng’at matiyo.

Luka 23:18

To oganda ji duto nokok ni, “Neg ng’atni, to gonynwa Baraba!”

Luka 23:23

To ne gisiko ka gikok matek moloyo ni mondo ogur Yesu e msalaba, nyaka kokogi

Luka 23:35

To ji mang’eny ne ni kanyo, kaneno gima timore, kendo jodong jo-Yahudi nonyiere, kawacho ni, “Noreso jomoko, omiyo ka en e Mesia ma Nyasaye oseyiero adier, to mondo oresre ane!”

Johana 18:40

To ne gidwoke ni, “Ooyo, ok wadwar jali! To gonynwa mana Baraba!” Barabano to ne jamecho.

Johana 19:15

To ne gikok ni, “Nege! Nege! Gure e msalaba!” Pilato nopenjogi niya, “Udwaro ni mondo agur ruodhu koso?” To jodolo madongo nodwoke ni, “Waonge gi ruoth, mak mana Kaisar.”

Johana 19:6

To kane jodolo madongo gi jogi onene, ne gigoyo koko ka giwacho niya, “Gure e msalaba! Gure e msalaba” Pilato nowachonigi niya, “Kara kaweuru mondo ugure un uwegi! An to ok aneno ketho kuome.”

1 Jo-Korintho 1:9

Nyasaye mane oluongou mondo ubed e achiel gi wuode Yesu Kristo Ruodhwa en jaadiera.

Rapar mar Chik 7:9

Omiyo koro ng’euru ni Ruoth Nyasaye ma Nyasachu en Nyasaye. En Nyasaye ma jaadiera kendo marito singruokne kuom tienge gana gi gana mag ji mohere kendo momako chikene, koherogi gi hera mosiko.

1 Petro 2:4

Omiyo biuru ire. En kidi mangima mane ji odagi ni onge tich. Nyasaye to ne oyiere, kendo omiye duong’.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Fweny 3:7

“Ndik ni malaika mar kanyakla mar jo-Kristo man Filadelfia niya, ‘Magi e weche Jal maler kendo maradier, man gi rayaw mar Daudi. Ka oyawo gimoro, to onge ng’ama nyalo loro, kendo ka oloro gimoro, to onge ng’ama nyalo yawo. Owacho niya,