Isaya 49:6 - MUMA MALER 2015

⁶ “Tich dwoko jo-Israel ma nyikwa Jakobo mane oke en tich ma in jatichna ihingo. Kuom mano, abiro loki ler mar ogendini, mondo iter warruokna e tung’ piny gi tung’ piny.”

Motingʼo Loko Manyien

⁶ Owacho ni: “En gima tin ahinya mondo ibed jatichna kata mondo iduog dhood joka Jakobo, kendo mondo iduog jo-Israel manok mane odongʼ. Abiro miyo ibed ler mar ogendini, mondo iter wach warruokna e tunge piny duto.”

Isaya 49:6 ပူးပေါင်းရင်းမြစ်များ

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

2 Ruodhi 20:10

To Hezekia nokone niya, “En gima yot mondo tipo odhi nyime ondamo apar. Emomiyo tipo mondo odog mana chien ondamo apar.”

2 Ruodhi 3:18

To mano en gima yot ni Ruoth Nyasaye, nimar jo-Moab bende obiro keto e lwetu.

Zaburi 37:28

nikech Ruoth Nyasaye ohero gima kare, kendo ok ojwang’ joma oluore, to oritogi pile. Nyikwa joricho to notiek chuth.

Zaburi 67:3

A Nyasaye, onego ogendini duto paki. Adier, ogendini duto mondo opaki!

Zaburi 97:10

A Nyasaye, ihero joma mon gi richo. Irito ngima jogi, kendo iresogi e lwet joricho.

Isaya 11:10

E ndalogo, nyakwar Jesseno noketi ka ranyisi ni ji. Ogendini nobi ire, kendo dalane nobed gi duong.

Isaya 42:10

Weruru ni Ruoth Nyasaye wer manyien, kupako nyinge e piny duto. Un mukwang’ e nam, pakeuru kaachiel gi gik manie nam.

Isaya 42:6

“An Ruoth Nyasaye, aseluongi ni mondo itim gima kelo resruok. Asemako lweti mondo ariti, kendo anami ibed ng’at ma kelo singruok e kinda gi ji,

Isaya 45:22

Un ogendini manie tung’ piny gi tung’ piny, genuru kuoma, mondo uyud resruok, nimar an e Nyasaye, kendo moro onge.

Isaya 46:13

Akelo resruok mara machiegni. Ok en mabor ngang’! Adier, kony ma akelo ok bi deko. Anares ji Sayun, mondo jo-Israel mamiya duong’ oyud konyruok.

Isaya 48:20

Wuoguru ua Babulon! Ee, ringuru ua kuom jo-Kaldai! Wachuru ni, Ruoth Nyasaye ema osewaro joka Jakobo jotichne. Nyisuru wachno, kuwer gi mor mar loch, kendo kulande e tung’ piny gi tung’ piny.

Isaya 51:4

Winjuru un joga. Chikuru itu, yaye ogandana, nimar abiro golo chik, mi ami adierana bed taya ni ogendini.

Isaya 52:10

Ruoth Nyasaye osenyiso tekone, mana e nyim ogendini duto ka neno, omiyo ji duto modak e tung’ piny koni gi koni none ka Ruoth Nyasaye reso joge.

Isaya 55:5

Kamano un bende unuluong ogendini ma ok ung’eyo mondo obi, mi ogendini ma ok ong’eyou noring ka biro iru, nikech Ruoth Nyasaye ma Ng’ama Ler mar Israel, osemiyou duong’.

Isaya 56:8

An Ruoth Nyasaye machoko jo-Israel moke, awacho kama: “Ji duto mane odong’ mak ochoki, pod abiro dwoko dala.”

Isaya 60:3

Ogendini gi ruodhigi nobi e lerni mathinyore.

Isaya 62:11

Wach ma Ruoth Nyasaye osebedo ka lando e tung’ piny gi tung’ piny ema: “Nyisuru jo-Sayun ni, ‘Jaresu biro.’ Obiro gi joge mogonyo e lweny kawuotho e nyime, ka gik ma oyako.

Jeremia 12:16

Chon ogendinigo ne kuong’ore gi nying Baal, kendo ne gipuonjo joga mondo otim kamano. To ka koro ginyalo yie luwo dini mar joga gi chunygi duto, mi gikuong’re gi nyinga, to gin bende ginibed joga.

Mika 5:3

Kuom mano, Ruoth Nyasaye biro weyo joge e lwet wasikgi nyaka dhako ma muoch kayo nywol wuode. Bang’e jowete wuowino modong’ mak otho e tuech, noduogi mi chak riwre gi jowetegi.

Zekaria 6:13

Adier, en ema obiro gero Hekalu mar Ruoth Nyasaye. Bende en ema obiro bedo ruoth, kobet e kom duong’, kotiyo piny, ka jodolo konye, kendo kue nobed e kindgi ji ariyogo.’

Zekaria 8:22

Kamano ogendini madongo kod ji marateke nobi Jerusalem mondo olam Ruoth Nyasaye Manyalo Gik Moko Duto kendo okwaye mondo oguedhgi.”

Luka 2:32

kendo ma biro kelo duong’ ni jogi Israel.”

Tich Joote 13:47

nikech Ruoth Nyasaye osemiyowa chik niya, ‘Aseketi ibed ler mar Ogendini, mondo ibed yor warruok ni piny ngima.’ ”

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

Tich Joote 26:23

Ne giwacho ni, Mesia nyaka sandi, kendo nyaka obed ng’at mokwongo chier oa kuom joma otho, mondo onyis jo-Yahudi kod ogendini mamoko ni ler koro rienynigi.”