Isaya 49:4 - MUMA MALER 2015

⁴ Chon ne awacho ni asetiyo matek kayiem nono, kendo ni aseketho tekra to onge gima ayudo. To kara Ruoth Nyasaye biro ng’ado bucha kare, kendo pokna mana ni e lwete.

Motingʼo Loko Manyien

⁴ To ne awacho ni, “Asetiyo matek kayiem nono; aseketho tekra kayiem nono. Kata kamano pokna ni e lwet Jehova Nyasaye kendo michna Nyasacha ema nigo.”

Isaya 49:4 ပူးပေါင်းရင်းမြစ်များ

1 Ruodhi 19:10

Nodwoko niya, “A Ruoth Nyasaye Manyalo Gik Moko Duto, asetiyoni gi kinda nikech hera maduong’ maherigo, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi, mak mana an ema adong’, to koro gidwaro nega.”

Ngeche 29:26

Kata obedo ni pile ji mang’eny londhore mondo ruoth okonygi, to chutho Ruoth Nyasaye kende ema ng’ado bura gi adiera.

Isaya 25:1

A Ruoth Nyasaye, in e Nyasacha! Anating’ nyingi malo, kendo anapaki, nikech honni mane ichano chon, isetimo gi adiera.

Isaya 35:4

bende nyisuru chuny mool niya, “Beduru motegno, kendo kik ubed maluor. Neuru! Nyasachu biro mondo ochul kuor. Ee, obiro mondo okum wasiku kaka owinjore, kendo oresu.”

Isaya 40:10

Ng’euru ni Ruoth Nyasaye biro gi teko. Obiro loyo piny gi tekone maduong’ neuru, obiro gi joge mogonyo e lweny ka wuotho e nyime, ka gik moyako.

Isaya 40:27

Un jo-Israel ma nyikwa Jakobo, ere gima omiyo ung’ur, kuwacho niya, “Ruoth Nyasaye ok ne yorewa, kendo ok ong’adnwa bura maber”?

Isaya 57:21

An Nyasaye awacho niya, “Joricho onge gi kue.”

Isaya 59:18

Obiro timo ni ng’ato ka ng’ato mana gima oromo gi timbene. Ee, obiro kumo wasike gi mirima mager, kata mana mago modak e dhonembe gi chulni.

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Isaya 62:11

Wach ma Ruoth Nyasaye osebedo ka lando e tung’ piny gi tung’ piny ema: “Nyisuru jo-Sayun ni, ‘Jaresu biro.’ Obiro gi joge mogonyo e lweny kawuotho e nyime, ka gik ma oyako.

Isaya 65:2

Ne arieyo bada odiechieng’ duto, ka ahombo joma wigi tek, mane luwo mana yoregi maricho, katimo dwarogi giwegi.

Isaya 65:23

Ok giniketh tekregi kayiem, bende ok gininywol nyithindo maneno masira, nimar gin, kaachiel gi nyithindgi, gin joma Ruoth Nyasaye oguedho.

Ezekiel 3:19

To ka isiemo jaricho mi odagi weyo timo timbene mamonogo, to enotho kapod en jaricho, to in inires ngimani.

Tim jo-Lawi 26:20

Unuketh tekreu nono kuchwoyo, nimar chambu ok nochiegi, kata mana yiendu bende ok nonyag olembe.

Mathayo 17:17

Yesu nowacho niya, “Yaye! Ma tieng’ maonge gi yie, kendo mobam manade! Nyaka karang’o ma onego abedie kodu? Koso anachandra kodu nyaka karang’o?”

Mathayo 23:37

“Yaye, jo-Jerusalem! Yaye, jo-Jerusalem! Un munego jonabi, kendo ugoyo joma Nyasaye ooro iru gi kite. Mano kaka asedwaro mondo achoku kaka nyabuch gweno choko nyithinde e bwombe, to usetamoru.

Luka 24:26

Donge ne owinjore ni nyaka Mesia ne masichegi kapok oyudo duong’ne maler koso?”

Johana 1:11

Nobiro e pinye, to joge ne ok orwake.

Jo-Rumi 10:21

Kuom jo-Israel to owuoyoe niya, “Odiechieng’ duto narieyo bada, ka ahombo oganda ma wigi tek kendo ma piem koda, mondo oduog ira.”

2 Jo-Korintho 12:15

An to ayie chiworanu gi mor, katiyonu gi tekra duto. To ka an aherou ahinya kamano, koro mano dimi uhera mana matin koso?

2 Jo-Korintho 2:15

Wachalo gi ubani mang’ue ng’ar mar misango ma Kristo ochiwo ni Nyasaye, malandore e kind joma ireso kod joma lal.

Jo-Galatia 4:11

to umiya luoro ni mita dipo kane atiyonu kayiem nono!

Jo-Filipi 2:16

kunyisogi wach ngima. Ka utimo kamano, to unumi abed mamor chieng’ ma Kristo obiroe, nikech mano nonyis ni ng’uech ma aringoni, kod tich ma atiyo, ok ne akethoe tekra kayiem nono.

Jo-Hibrania 12:2

Nyaka wachom wang’wa kuom Yesu ma jatendwa e yor yie, a chakruok nyaka giko. Ne oyie tho e msalaba, kochayo wichkuot mar tho ma kamano, nikech mor mane obiro yudo achien. To koro osebet piny e bat korachwich mar komduong’ mar Nyasaye.