Isaya 49:26 - MUMA MALER 2015

²⁶ Anachun joma thiri, mondo ocham ringregi giwegi, kendo anami gimer gi rembgi, mana ka joma divai makech omero, mi ji duto nong’e ni an Ruoth Nyasaye ema aresou. An Jawaru, ma Ng’ama Nyalo Gik Moko Duto mar Jakobo.”

Motingʼo Loko Manyien

²⁶ Abiro miyo joma sandou nocham ringregi giwegi mi anami gimer gi rembgi ka joma omadho kongʼo. Eka koth dhano duto manie piny nongʼe ni an Jehova Nyasaye e Jawarni, Jaresni kendo Nyasaye Maratego mar Jakobo.”

Isaya 49:26 ပူးပေါင်းရင်းမြစ်များ

Chakruok 49:24

to Jateko ma Nyasach Jakobo noturo atungegi, kendo jakwath ma Lwanda mar Israel, nochodo leche mag ogich bedegi.

Zaburi 83:18

Kamano mondo ging’e, A Ruoth Nyasaye, ni in kende e Ruoth Maduong’ e piny ngima.

Zaburi 9:16

Ruoth Nyasaye osefwenyore kuom ng’ado bura kare, to joricho osenyumore e timbegi giwegi.

Wuok 6:7

Anakawu ka joga awuon, kendo anabed Nyasachu, mi unung’e ni an e Ruoth Nyasaye ma Nyasachu ma golou e tij jo-Misri mapek michunou mondo uti.

Isaya 1:24

Omiyo Ruoth Nyasaye ma Nyakalaga, ma en Ng’ama Nyalo Gik Moko Duto mar Israel, wacho niya,

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Isaya 14:4

to ginigo agoro ni ruodh Babulon ka giwer kama: “Neyeuru kaka giko mar josand ji chalo, kendo kaka sungane otieki.

Isaya 16:4

Weuru mondo jo-Moab ma onge mier oyud kar konyruok kuomu, kendo pandgiuru mondo kik joyeko yudgi. Ka thak mithagogo ji oserumo, kendo jokeyo osetieko tijgi, mi jogo duto mathiro ji oa e piny,

Isaya 19:20

Sirono nochung’ kanyo kaka ranyisi, kendo kaka rapar ni Ruoth Nyasaye Manyalo Gik Moko Duto e Misri, mondo ka giywakne e kinde ma wasikgi thirogi, to oornigi jawar, mondo okonygi kendo oresgi.

Isaya 25:9

Chieng’no ji nowach niya, “Ma e Nyasachwa, ma waserito mondo oreswa. Adier, ma e Ruoth Nyasachwa ma wageno kuome, omiyo wabeduru mamor kendo moil, nikech osewarowa,

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Isaya 43:3

nimar an Ruoth Nyasaye ma Nyasachu, ma Ng’ama Ler mar Israel, kendo ma jaresu. Achiwo Misri gi Ethiopia kod Seba mondo awarugo.

Isaya 45:6

mondo ji man yo wuok chieng’ gi yo podho chieng’ ong’e ni onge Nyasaye moro mak mana an.

Isaya 48:17

Ruoth Nyasaye ma jawaru, kendo ma Ng’ama ler mar Israel, wacho kama: “An Ruoth Nyasaye ma Nyasachu. Apuonjou mondo uyud konyruok, kendo atelonu e yo ma onego uluw.

Isaya 49:7

Ruoth Nyasaye ma Ng’ama Ler, kendo ma Jawar Israel, wacho ni ng’at ma ji charo, ma ogendini nyono gi tiendgi, kendo ma misumba jotend piny, niya “Ruodhi nochung’ni, ka ikadho. Bende jodongo nokulreni piny nikech Ruoth Nyasaye. En Ruoth Nyasaye ma Ng’ama Ler mar Israel ma oseyieri.”

Isaya 51:13

Ere gima omiyo wiu osewil gi Ruoth Nyasaye, ma Jachuechu, mane oyaro polo kendo ochueyo piny? Ere gima omiyo kibaji osiko ka goyou ndalo duto? Koso ang’o momiyo uluoro mirimb ng’at masandou kadwaro tiekou? Uparo ni mirimb ng’at ma sandouno to gima nade!

Isaya 51:23

To abiro kete e lwet joma sandi kendo thiri, mane owachoni niya, ‘Nind piny mondo wawuoth kuomi.’ Kamano ne inindo piny, mondo dieng’eyi olokre yo ma jowuoth luwo!”

Isaya 54:14

Enogeri e mise mar tim makare, kendo inibed mabor gi kuonde mithiroe ji, omiyo ok nibed maluor, bende nibed mabor gi masiche, mi ok ginisud machiegni kodi.

Isaya 60:16

Iniyud mwandu mag ogendini koda ka mago mag ruodhi. Kamano ining’e ni an, Ruoth Nyasaye e jaresni. Adier, jawarni en Ng’ama Nyalo Gik Moko Duto, ma Nyasach Jakobo.

Isaya 9:20

Ng’at achiel biro mecho konchiel, to pod nodeny adenya, kendo ng’at machielo biro mwonyo gik moko komachielo, to ok noyieng’ ngang’. Moro ka moro biro chamo ringre nyithinde, bende onge ma nowe owadgi mak ochamo.

Isaya 9:4

Mano notimre nikech ibiro turo jok ma giting’o, kaachiel gi luth misandogigo, mana kaka nitimo e ndalo mane olo jo-Midian.

Ezekiel 34:16

“Anamany rombe molal, mi achok mago moke, bende anachom mago motur, kendo anathiedh mago matuo, mi arit mago mangima kendo machue, nimar an e jakwath marito rombe e yo makare.

Ezekiel 39:7

Anami joga Israel ng’e nyinga maler, kendo ok nawe nyinga chak kethre. Eka ogendini nong’e ni an Ruoth Nyasaye an Ng’ama Ler mar Israel.”

Fweny 14:20

Olembe ne obi kinyono kar bichono e alap mar dala, kendo remo mamol kawuok kar bichono, mochopo kilomita adek koa e dala, to tut remono ne dirom mita ariyo.

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”

Fweny 17:6

Bende ne aneno ka remb jo-Nyasaye, kod remb joma ohulo ni Yesu e Ruoth, omero dhakono. Kane anene to ne awuoro ahinya,

Jong’ad Bura 7:22

Ji mia adekgo nomedo goyo tungegi, mi Ruoth Nyasaye nomiyo ji duto mane ni e kambi ochako kedo kendgi giwegi. Ne giringo nyaka Beth-shita e yo mochomo Zerera, mi gichopo e tong’ Abel-mehola man but Tabath.