Isaya 49:25 - MUMA MALER 2015

²⁵ An Ruoth Nyasaye to adwoko niya, “Joma otue nogol kata mana kuom ng’at maratego, kendo joma omaki bende nores kuom ng’at makwiny. Anaked gi jogo duto ma kedo kodi, mi ares nyithindi e lwetgi.

Motingʼo Loko Manyien

²⁵ To ma e gima Jehova Nyasaye wachoni: “Ee, joma otwe inyalo gol e lwet jolweny maroteke, kendo ngʼama omaki inyalo gamo e lwet joma kwiny; anaked gi jogo makedo kodu, kendo anares nyithindu.

Isaya 49:25 ပူးပေါင်းရင်းမြစ်များ

Chakruok 12:3

“Anaguedh jogo ma guedhi, to nakuong’ jogo ma kuong’i, kendo ogendini duto mae piny nokwaya mondo aguedhgi kaka aseguedhi.”

Zaburi 35:1

A Ruoth Nyasaye, kwed joma piem koda, kendo ked gi jogo ma kedo koda.

Isaya 10:27

Chieng’no ting’ mapek mane jo-Asuria oketo e goku nogol, kendo nyororo ma osebedo ka gitueyogo ng’utu nochod oko.”

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 14:1

Ruoth Nyasaye biro kecho jo-Israel ma nyikwa Jakobo, mi ochak oyiergi, kendo oketgi e pinygi giwegi. Jopinje mamoko nobi mondo odag kodgi, mi gilokre jo-Israell.

Isaya 14:2

Ogendini nodwuok jo-Israel thurgi, kuma ne giaye, mi jo-Israel nolok ogendnigo wasumbgi e piny Israel, ma Ruoth Nyasaye oseyiero. Jo-Israel nomak joma nomakogi, mi giti joma notiyogi.

Isaya 19:20

Sirono nochung’ kanyo kaka ranyisi, kendo kaka rapar ni Ruoth Nyasaye Manyalo Gik Moko Duto e Misri, mondo ka giywakne e kinde ma wasikgi thirogi, to oornigi jawar, mondo okonygi kendo oresgi.

Isaya 25:4

nikech isebedo kar konyruok ni ng’at modhier machandore. Ee, in e kar bwogo koth, kendo e tipo ma geng’o chieng’ e ndalo ma joma ger monjowa ka koth machwe maduong’ e ndalo chiri,

Isaya 25:9

Chieng’no ji nowach niya, “Ma e Nyasachwa, ma waserito mondo oreswa. Adier, ma e Ruoth Nyasachwa ma wageno kuome, omiyo wabeduru mamor kendo moil, nikech osewarowa,

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 35:4

bende nyisuru chuny mool niya, “Beduru motegno, kendo kik ubed maluor. Neuru! Nyasachu biro mondo ochul kuor. Ee, obiro mondo okum wasiku kaka owinjore, kendo oresu.”

Isaya 40:2

Wuouru gi jo-Jerusalem gi muolo, kuwachonigi ni gisetieko ndalogi mag tuech, kendo ni osekumgi moromo. Ruoth Nyasaye osekumogi nyadiriyo kuom richogi duto.”

Isaya 5:29

Giywak mana ka sibuor maruto komako le, kendo dhigo ma onge ng’ama nyalo maye.

Isaya 51:14

Misumba ma tich turo ibiro gonyo machiegni. Ok enotho, mi odhi e Piny Joma Otho, kata mana chiemo bende ok nochandi.

Isaya 51:22

Ruoth Nyasaye ma Nyasachi kendo ma Ruodhi, ma chwako joge e bura, owacho kama: “Ng’e ni agolo kikombe mamero ji e lweti, mi ok nichak imethi e kikombe mar mirimbano, nikech aweyo kumi.

Isaya 54:13

Ruoth Nyasaye ema nopuonj joma geri duto, kendo nyithindi nodhi nyime maber ahinya.

Jeremia 15:21

Abiro resi kuom joma timbegi richo, kendo abiro konyi kuom jomahundu. An Ruoth Nyasaye ema awacho kamano.”

Jeremia 29:10

Ruoth Nyasaye wacho niya, “Ka higni piero abiriyo mag loch Babulon oserumo, to anaparu mi aduogu e pinyu kachopogo singruok mane atimonu.

Jeremia 31:11

Asegolo jo-Israel e tuech, ka aresogi e lwet wasigu mane oloyogi gi teko.

Tim jo-Lawi 25:54

Ka ng’atno ok owar e kinde modong’ ka pok higa mar mor ochopo, to nyaka weye odhi kaachiel gi nyithinde e higa mar mor,

Nahum 2:13

Ruoth Nyasaye wacho niya, “Asedoko mamon kodi, kendo abiro wang’o gecheni mag lweny! Nyithindi duto biro tho e lweny, kendo gik moko duto mane iyako nomayi. Bende dwond jotendi mioro ok nowinji.”

Zekaria 14:12

Ruoth Nyasaye nogo ogendini duto mane okedo gi Jerusalem gi tho marach. Thono nochal kama: Ringregi notow mana ka gichung’ gi tiendgi, kendo wengegi notow mana e wigi, to lewgi bende notow mana e dhogi.

Zekaria 14:3

Eka Ruoth Nyasaye nowuogi mi ked gi ogendinigo mana ka gima okedo e paw lweny.

Zekaria 9:11

“To un, abiro duoko jou motue, ka agolo e bur motwo maonge pi, nikech singruok mane utimo koda gi remb misango.

Mariko 3:27

“To bende, onge ng’ama nyalo turo od ng’at maratego, mi kaw mwandune, mak mana ka okwongo otueyo ng’at marategono eka doyak ode.

Jo-Galatia 4:26

To dhako man thuolo ochung’ kar Jerusalem manie polo, kendo en e minwa,

1 Johana 3:8

To ng’at matimo richo en ng’at Satan, nikech Satan osiko katimo richo nyaka a chakruok. To Wuod Nyasaye nofwenyore mana ni mondo otiek Satan.

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!