Isaya 49:22 - MUMA MALER 2015

²² Ruoth Nyasaye wacho niya, “Koro abiro chungo bendera kaka ranyisi mondo aluonggo ogendini mi gibiro kelo nyithindi ka giting’o e korgi kod e gokgi.

Motingʼo Loko Manyien

²² Ma e gima Jehova Nyasaye Manyalo Gik Moko Duto wacho: “Winji, abiro luongo Ogendini, abiro chungo bandecha ne oganda kaka ranyisi, gibiro kelo yawuoti ka gitingʼogi e badgi kendo ginikel nyigi ka gitingʼogi e gokgi.

Isaya 49:22 ပူးပေါင်းရင်းမြစ်များ

Zaburi 102:22

e kinde ma ogendini gi ruodhigi nochokre kanyakla mondo olame.

Zaburi 22:27

Ogendini duto nopar Ruoth Nyasaye. Ginidhi ire ka gia e tung’ piny gi tung’ piny. Adier, ogendini duto nolame.

Zaburi 72:17

Wich kik wil gi nyinge, kendo humbe mondo osiki nyaka chieng’. Ogendini duto mondo opake, kendo onego ji duto kwa Nyasaye mondo oguedhgi kaka oseguedho ruoth.

Zaburi 72:8

Pinye nochakre e bath nam man yo wuok chieng’, nyaka bath nam man yo podho chieng’, kendo nochakre aora Yufrate nyaka tung’ piny.

Zaburi 86:9

Ogendini duto ma isechueyo, A Ruoth Nyasaye, biro kuloreni, kendo gibiro miyo nyingi duong’,

Isaya 14:2

Ogendini nodwuok jo-Israel thurgi, kuma ne giaye, mi jo-Israel nolok ogendnigo wasumbgi e piny Israel, ma Ruoth Nyasaye oseyiero. Jo-Israel nomak joma nomakogi, mi giti joma notiyogi.

Isaya 18:3

Un ji duto modak e piny, unune koting’ bandeche lweny malo ewi gode, kendo unuwinj ka tung’ ywak.

Isaya 43:6

Abiro wacho ni jo-nyandwat ni mondo oweu. Jo-milambo to abiro nyiso niya, “Kik ugeng’nigi,

Isaya 49:12

Neuru! Ginibi ka gia kuonde maboyo. Moko noa yo nyandwat gi yo podho chieng’, to moko noa e piny Syene yo milambo.”

Isaya 62:10

Wuoguru! Wuoguru e dhorangach mondo ulos ni joga yo. Buguru yo. Bugeuru maber, kendo goluru kite. Bang’e ting’uru bandera mondo ji one.

Isaya 66:19

eka anatim ranyisi e kindgi. Bang’e anaor jogi moko motony ir ogendini ma pok owinjo humba, kata pok oneno duong’na maler, mi ginilandnigi duong’na maler. Ogendnigo gi jo-Tarshish, gi jo-Put, gi jo-Lud gi jo-Meshak, gi jo Rosh gi jo-Tubal kod jo-Javan, kaachiel gi joma odak e dhonembe kod chulni man kuonde maboyo.

Isaya 66:20

Jou ma gigolo kuom ogendini duto ginikelna kaka chiwo, an Ruoth Nyasaye. Ginikelgi Jerusalem, goda maler, ka moko oidho farese, to moko oidho geche mag lweny gi geche mamoko kendo moko bende oidho kenje kod ngamia, mana kaka jo-Israel kelo misengni e od Ruoth Nyasaye, ka giting’o e tewni maler. An Ruoth Nyasaye ema awacho kamano.

Zekaria 8:22

Kamano ogendini madongo kod ji marateke nobi Jerusalem mondo olam Ruoth Nyasaye Manyalo Gik Moko Duto kendo okwaye mondo oguedhgi.”

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Luka 13:29

Ji nobi kowuok yo wuokchieng’ kod yo podho chieng’, kod koa yo nyandwat kod milambo, mi ginibed piny mondo gichiem e nyasi manie piny Ruoth Nyasaye.