Isaya 49:16 - MUMA MALER 2015

¹⁶ Ne! Asegori e tat lweta, kendo ohingani osiko neno anena e wang’a.

Motingʼo Loko Manyien

¹⁶ Ne, asendiko nyingi ei lweta kendo isiko ka ineno anena e wangʼa.

Isaya 49:16 ပူးပေါင်းရင်းမြစ်များ

Wuok 13:9

Raparni nyaka bed ka kido e lwetu, kendo ka ranyisi e lela wang’u mondo usik kuwacho chik Ruoth Nyasaye e dhou, nimar Ruoth Nyasaye nogolou Misri gi tekone maduong’.

Wer Mamit 8:6

Kik iher ng’ato nono mak mana an. Adier, kik ikwak nyako moro nono mak mana an. Hera nigi teko mana ka tho. Chutho, hera matut tek mana ka tho hie. Omuoch mach, kendo oliel mana ka mach mang’ang’ni,

Isaya 26:1

Wer ma nower e piny Juda chieng’no e ma: “Wan gi dala mochiel motegno, kendo resruok ma Ruoth Nyasaye osekelonwa ema obedo ohinga mwageng’orego.

Isaya 54:12

Diriseni to abiro loso gi kite makwar, mi aket kite mang’ang’ni e dhorangeyeni, kendo ager ohingani gi kite ma nengogi tek.

Isaya 60:18

Timbe mahundu ok nochak owinji kendo e pinyi, kata mana tulo moro marach ok nochak omuoch machiegni kodi. To iniluong ohinga mari ni, ‘Resruok.’ Dhorangeyeni to iniluong ni, ‘Pak.’

Isaya 62:6

A Jerusalem, aseketo jorit e ohinga mari. Ok giling’ odiechieng’ gotieno duto. Awachonigi niya, “Un joma paro ni Ruoth Nyasaye wach, kik uyue!

Isaya 62:7

Kata en bende kik uwe oyue, nyaka chop ami Jerusalem bed dala marahuma ma ji duto pako.”

Jeremia 17:1

Ruoth Nyasaye wacho niya, “Un jo-Juda, richou ondik gi kalamb chuma, kendo ogorgi gi gima bith e chunyu, kendo e tunge kendeu mag liswa.

Jeremia 22:24

Ruoth Nyasaye nowacho ni Jekonia wuod Jehoyakim ma ruodh Juda niya, “An Nyasaye mangima akuong’ora ni kata ka inie tere manie lweta ma korachwich to pod dawuodhi oko,

Hagai 2:23

To chieng’no anakawi, in jatichna Zerubabel wuod Shealtiel kendo anami ibed ruodh jogo, nikech in ema aseyieri. An Ruoth Nyasaye ema awacho kamano.”