Isaya 49:15 - MUMA MALER 2015

¹⁵ To wi dhako bende diwil gi nyathi mane odhodho? Koso wiye diwil adier gi wuode mane onywolo? Kata ka obedo ni wiye nyalo wil, an to wiya ok diwil kodi.

Motingʼo Loko Manyien

¹⁵ “To bende dhako wiye diwil gi nyathi modhodho mi ok obedo gi kech e kothe mane onywolo. Kata ka dipo ni wiye nyalo wil, An to wiya ok nowil kodi.

Isaya 49:15 ပူးပေါင်းရင်းမြစ်များ

Ayub 24:20

Onge ng’ama pare, kata mana min mare bende wiye owil kode, kudni chame kendo orumo chuth.’

Zaburi 103:13

Ruoth Nyasaye ohero joma oluore, mana kaka wuoro ohero wuode.

Zaburi 27:10

Kata kapo ni wuora gi mama ojwang’a, to in Ruoth Nyasaye, ibiro rita.

Zaburi 77:9

Wi Nyasaye osewil gi bedo mang’won koso? Koso mirima osemiyo oweyo kecho ji?”

Ngeche 31:2

“En ang’o, yaye wuoda? Ere gima dawachi? In ema Nyasaye nomiyai bang’ winjo lemo mane akuong’oranego.

Isaya 14:1

Ruoth Nyasaye biro kecho jo-Israel ma nyikwa Jakobo, mi ochak oyiergi, kendo oketgi e pinygi giwegi. Jopinje mamoko nobi mondo odag kodgi, mi gilokre jo-Israell.

Isaya 44:21

“Parieuru mago duto un nyikwa Jakobo. Adier, un jo-Israel, paruru ane, nimar un jotichna, omiyo kik wiu wil koda.

Isaya 49:14

Dala Sayun to wacho niya, “Ruoth Nyasaye osejwang’a. Adier, wi Nyasachwa osewil koda.”

Isaya 54:10

Kata da bed ni gode madongo lal nono, kendo gode matindo gol, to an herana ok nolal nono, bende singruok mar kue mane atimo ok nogol kuomi. An Ruoth Nyasaye ma kechoi ema awacho kamano.

Jeremia 31:20

To an Ruoth Nyasaye awacho kama: In Israel in e wuoda mahero moloyo. E sa asaya ma aluongoe nyingi, to apari gi hera. Chunya oheri, omiyo abiro kechi.

Jeremia 51:5

An Ruoth Nyasaye Manyalo Gik Moko Duto pok ajwang’o jo-Israel gi jo-Juda, kata obedo ni gisetimo timbe maricho e nyima kamano, an Ng’ama Ler mar Israel.

Ywagruok 4:10

Mon mang’won notedo nyithindgi giwegi. Adier, nyithindgi nolokore chiembgi e ndalo mane masira omakoe joga.

Ywagruok 4:3

Kata mana ondieg otoyo bende dhodho nyithindgi, joga to osedoko makwiny mana ka udo ma e thim.

Hosea 11:1

“Kane Israel pod tin, ne ahere. Naluongo wuoda mondo oa Misri.

Tim jo-Lawi 26:29

Kar chamo ring’o, to unucham mana yawuotu gi nyiu.

Malaki 3:17

Ruoth Nyasaye Manyalo Gik Moko Duto owacho niya, “Chieng’ ma ang’adoe bura, to ginibed joga awuon kendo ginibed mwanduna. Anabednigi mang’won mana kaka wuoro bedo mang’won ni wuode moluore.

Mathayo 7:11

Koro, ka un joma richo kama ema ung’eyo miyo nyithindu gik mabeyo, to Wuonu mae polo donge dibed mamor kuom chiwo gik moko mabeyo ni joma okwaye?

Jo-Rumi 1:31

Gin joma wang’gi tek, gi joma ok rit singruokgi, kod joma ok ohero jowetegi, kendo ok kechgi.

1 Samuel 12:22

Ruoth Nyasaye ok nojwang’ joge nikech dipo ka nyinge maduong’ okethore, nimar oseyierou mondo ubed joge owuon.