Isaya 49:14 - MUMA MALER 2015

¹⁴ Dala Sayun to wacho niya, “Ruoth Nyasaye osejwang’a. Adier, wi Nyasachwa osewil koda.”

Motingʼo Loko Manyien

¹⁴ To Sayun nowacho niya, “Jehova Nyasaye osejwangʼa; kendo Ruoth Nyasaye wiye osewil koda.”

Isaya 49:14 ပူးပေါင်းရင်းမြစ်များ

Zaburi 13:1

A Ruoth Nyasaye, wiyi biro wil koda chutho nyaka karang’o? Koso pod ibiro lalna kuom kinde marom nadi?

Zaburi 22:1

Yaye Nyasacha, Nyasacha, iweya nang’o? Aseywak malit mondo ayud kony, to ok anyal yudo.

Zaburi 31:22

Luoro ne omaka, kaparo ni isewita oko, to kata kamano kane aluongi mondo ikonya, to niwinjo ywakna.

Isaya 40:27

Un jo-Israel ma nyikwa Jakobo, ere gima omiyo ung’ur, kuwacho niya, “Ruoth Nyasaye ok ne yorewa, kendo ok ong’adnwa bura maber”?

Isaya 49:13

Un polo gi piny, koguru gi mor! Weruru wende locho, un gode, nimar Ruoth Nyasaye osekueyo chuny joge machandore, kendo obiro kechogi.

Isaya 49:15

To wi dhako bende diwil gi nyathi mane odhodho? Koso wiye diwil adier gi wuode mane onywolo? Kata ka obedo ni wiye nyalo wil, an to wiya ok diwil kodi.

Isaya 54:6

Ruoth Nyasaye oseduoki ire, mana ka dhako mane oyudo osejwang’ ma chunye lit ahinya, Ruoth Nyasaye penjo niya, Bende ng’ato dijwang’ chiege mane okendo ka en wuowi adier?

Jeremia 23:39

Gibiro lal e wang’a, kaachiel gi dala maduong’ mane amiyogi gi kweregi.

Jeremia 31:3

omiyo ne athinyoranigi gi kuma bor. Kinde duto asebedo ka aherou, un jo-Israel, kendo pod asiko ka aherou mochwere.

Ywagruok 5:20

Ere gimomiyo ijwang’owa kuom ndalo mang’enygi? Bende wiyi diwil kodwa nyaka chieng’ koso?

Ezekiel 33:10

Ruoth Nyasaye nowachona niya, “Wuod dhano, jo-Israel ywagore ni kethogi kod richogi turogi, kendo ni dendgi dhi adhiya. Gipenjore kaka digiyud ngima.