Isaya 49:1 - MUMA MALER 2015

¹ Winjuru, un joma odak e dhonembe kod chulni. Chikuru itu, un ogendini man kuonde maboyo. Ruoth Nyasaye noluonga kapok onywola. Adier, noluonga gi nyinga kapod an ei mama.

Motingʼo Loko Manyien

¹ Winjauru un joma odak e dho nembe, winjuru un pinje man mabor: Kane pok onywola Jehova Nyasaye ne oluonga koa e nywolna ne oluongo nyinga.

Isaya 49:1 ပူးပေါင်းရင်းမြစ်များ

Zaburi 22:10

In ema asebedo ka apadora kuomi nyaka ne nywola. Ee, isebedo Nyasacha chakre tinna.

Isaya 11:11

E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.

Isaya 24:15

Kuom mano ji mondo omi Ruoth Nyasaye duong’ e pinje man yo wuok chieng’, kendo nying Ruoth Nyasaye ma Nyasach Israel opaki e dhonembe gi chulni man yo podho chieng’.”

Isaya 33:13

Un mudak kuonde maboyo, winjuru gima asetimo. To un ma un machiegni, yieru ni aratego.”

Isaya 41:1

Un pinje mae dhonembe, kod chulni chikuru itu, ka uling’ thi e nyima. Ogendini mondo obi abia! Gibi abia machiegni mondo giwuo ane. Waduto wanadonj kaachiel kama ing’adoe bura.

Isaya 42:12

Un duto mudak e dhonembe gi chulni, pakeuru. Kamano ji duto mondo omi Ruoth Nyasaye duong’.

Isaya 44:2

An Ruoth Nyasaye ma jachuechu, kendo ma jakonyu, mane olosou chakre e ich, awacho kama: Un joka Jakobo jatichna, ma bende aluongo ni jo-Jeshurun, kik ubed maluor,

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Isaya 45:22

Un ogendini manie tung’ piny gi tung’ piny, genuru kuoma, mondo uyud resruok, nimar an e Nyasaye, kendo moro onge.

Isaya 45:3

Anamiyi mwandu mopandi e mudho, kendo mokan kuonde mopondo, mondo eka ing’e ni an e Ruoth Nyasaye ma Nyasach Israel, ma luongi gi nyingi.

Isaya 46:3

Winjuru, un joka Jakobo, ma aseting’o nyaka ne nywol. Ee, chikuru itu un jo-Israel modong’, ma aseting’o nyaka ne a e ich.

Isaya 49:12

Neuru! Ginibi ka gia kuonde maboyo. Moko noa yo nyandwat gi yo podho chieng’, to moko noa e piny Syene yo milambo.”

Isaya 49:5

Koro Ruoth Nyasaye mane ochueya ei mama mondo abed jatichne kendo adwok jo-Israel ma nyikwa Jakobo ire, wacho niya,

Isaya 51:5

Adiera mara biro machiegni. Ee, resruok ma akelo nenore ratiro. Abiro rito ogendini gi bada motegno, kendo joma odak e pinje manie dhonembe gi chulni biro ng’iya ka gigeno ni abiro ritogi gi tekona.

Isaya 52:13

Winjuru! Jatichna biro dhi nyime maber. Enoting’e malo, kendo nomiye duong’ mang’ongo.

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Isaya 57:19

An Ruoth Nyasaye awacho niya, “Kue mondo obedie ni joma ni mabor, kendo ni joma ni machiegni, nikech abiro changogi.

Isaya 60:9

Gin yiedhi moa e pinje manie dhonembe kod chulni, ma biro ka yiedhi madongo mag Tarshish otelonigi. Gikelo yawuoti moa kuma bor, ka nigi dhahabu kod fedha, ma gibiro miyogo nying Ruoth Nyasaye, ma Ng’ama Ler mar Israel duong’, nimar osemiyi duong’.

Isaya 66:19

eka anatim ranyisi e kindgi. Bang’e anaor jogi moko motony ir ogendini ma pok owinjo humba, kata pok oneno duong’na maler, mi ginilandnigi duong’na maler. Ogendnigo gi jo-Tarshish, gi jo-Put, gi jo-Lud gi jo-Meshak, gi jo Rosh gi jo-Tubal kod jo-Javan, kaachiel gi joma odak e dhonembe kod chulni man kuonde maboyo.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Isaya 9:6

nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.

Jeremia 1:5

“Kane pok achueyi e ich, ne oyudo aseyieri, kendo kane pok onywoli, ne asewali mondo iti tichna, mi aketi janabi ni ogendini.”

Zefania 2:11

To Ruoth Nyasaye biro thinyore mondo okumgi marach! Obiro nego nyiseche duto mag piny gi kech, mi ji duto modak e pinje mae dhonembe kod chulni nokulre ka lame, ng’ato ka ng’ato e dalane.

Luka 1:15

nimar enobed ng’at maduong’ e nyim Ruoth Nyasaye. Ok nomadh kong’o kata gimoro amora ma mero ji, kendo chakre nywolne enobed kopong’ gi Roho Maler.

Luka 1:31

Ibiro mako ich, kendo ninywol nyathi ma wuowi, michak nyinge ni Yesu.

Johana 10:36

Kane Nyasaye oluongo joma ne wachne obironigi ni, ‘Nyiseche’ kamano, koro ere gima omiyo uwacho ni apiem gi Nyasaye, ka awacho ni an Wuod Nyasaye? To an ema Nyasaye ne oyiera, mi oora e piny ka!

Jo-Galatia 1:15

To Nyasaye, mane owala kane pok onywola, ne oluonga kuom ng’wonone mondo atine. Kuom mano, e kinde mane oneno ni ber

Jo-Efeso 2:17

Ne obiro molando Wach Maber mar kue ni un joma ok jo-Yahudi mane ni mabor gi Nyasaye, kendo ni jo-Yahudi mane ni machiegni kode.

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?

1 Petro 1:20

Nyasaye ne oseyiere chon kane pok ochue piny, to ne ofwenye ni ji e ndalo mogikni nikech un,