Isaya 48:9 - MUMA MALER 2015

⁹ Kar tiekou to ne aterora mos, mi ageng’o mirimba mana nikech nyinga gi duong’na.

Motingʼo Loko Manyien

⁹ Agengʼo mirimba nikech nyinga awuon; kendo ahora mondo arit pakna, mondo omi kik atieku.

Isaya 48:9 ပူးပေါင်းရင်းမြစ်များ

Zaburi 106:8

To kata kamano, ne oresogi kaka ne osesingore, mondo onyisgo tekone maduong’!

Zaburi 143:11

A Ruoth Nyasaye, resa kaka ne isingori. Adier, konya e chandruokna kuom ng’wononi.

Zaburi 25:11

A Ruoth Nyasaye, rit singruokni, mondo iwena richona, nikech ging’eny ahinya.

Zaburi 78:38

En to nokechogi, mong’wononigi kuom richogi, mi ok otiekogi. Kinde mathoth ne omwonyo mirimbe, nikech ne ok odwar kecho kodgi.

Zaburi 79:9

A Nyasaye ma Jawarwa, kechwa mondo nyingi oyud duong’.

Ngeche 19:11

Ng’at mariek, iye ok wang’ piyo. Ka ng’ato otimoni marach, to en gima ber moloyo ka ifwayo.

Isaya 30:18

To kata kamano, Ruoth Nyasaye pod dwaro ng’wononu, kendo ogombo ahinya mondo okechu, nimar en Nyasaye ma jaadiera. Mano kaka jogo duto mogeno kuome gin johawi!

Isaya 37:35

nimar anaked ni dalani mondo aresi, nikech nyinga, kendo nikech Daudi jatichna.”

Isaya 43:25

An kende e jal ma rucho richou oko, mi ok chak par kendo, nikech mano e gima ahero timo.

Isaya 48:11

Ne atimo kamano nikech nyinga. Ee, mana nikech nyinga awuon, nimar ere kaka dayie mondo nyinga okethre? Ok ayie mondo duong’ ma imiya omi nyasaye moro machielo.

Isaya 65:8

Ruoth Nyasaye wacho kama: “Kaka olemo moko mabeyo ma dilosgo divai nyalo yudore e saga marach, ma ji kwer ni, ‘Kik wit sagano, nimar oting’o hawi,’ e kaka abiro timo ni jotichna, mi ok natiek oganda duto.

Jeremia 14:7

“Joga ywakna niya, ‘A Ruoth Nyasaye, kata ka richowa nyiso ni wan joketho, to yie ikonywa kaka isesingori. Adier, waseweyi ndalo mang’eny, kwaketho e nyimi.

Ezekiel 20:14

“To ne ok atimo kamano, nikech mano dine oketho nyinga, nimar ogendini mamoko ne oseneno ka agolo jo-Israel e piny Misri.

Ezekiel 20:22

To ne ok atimo kamano, nikech mano dine oketho nyinga kuom ogendini mane oneno ka agolo jo-Israel e piny Misri.

Ezekiel 20:44

Un jo-Israel, ka unune ni ok asekumou moromo gi timbeu maricho kendo mamono, to atimonu mana kelo ni nyinga duong’, to unung’e ni an e Ruoth Nyasaye. An Ruoth Nyasaye ema awacho kamano.”

Ezekiel 20:9

To ne ok atimo kamano, nikech mano dine oketho nyinga, nimar ne asewacho ni jo-Israel, ka joma ne odak e igi kod ogendini mokiewo kodgi winjo, ni abiro gologi Misri.

Ezekiel 36:21

Mano ne omiyo aparo nyinga maler, nikech jo-Israel nokelone wichkuot, kamoro amora mane gidhiye.

Joshua 7:9

Kapo ni jo-Kanaan kod jopinyno duto owinjo wachni, to gibiro nur kuomwa, kendo yweyowa ka yuech. To koro ang’o ma nitim mondo ires nyingi maduong’ni?”

1 Samuel 12:22

Ruoth Nyasaye ok nojwang’ joge nikech dipo ka nyinge maduong’ okethore, nimar oseyierou mondo ubed joge owuon.