Isaya 48:8 - MUMA MALER 2015

⁸ Chutho ne ok ung’eyogi, bende ne ok uwinjogi, nikech ne ok uyawo itu chon, nimar ne ang’eyo ni un joma andhoga ma ok nyal gen, kendo ma jopiem nyaka ne a e ich.

Motingʼo Loko Manyien

⁸ Chutho ok osewinjo kata mana ngʼeyo, nimar nyaka aa chon itu ne pok oyaw. To bende angʼeyo ni un gi mwandu kendo un oganda ma jopiem nyaka aa nywolu.

Isaya 48:8 ပူးပေါင်းရင်းမြစ်များ

Zaburi 40:6

Ok misango kod chiwo ema imorgo to isemiya it mondo awinji. Misengni miwang’o pep, kod misengni mag golo richo, bende ne ok idwaro.

Zaburi 51:5

Asebedo katimo richo chakre ndalo mane onywolae. Adier, nyaka chieng’ mane mama omakoe ichna, asebedo jaricho.

Zaburi 58:3

Joricho timbegi obam e ngimagi duto. Giwacho miriambo, chakre chieng’ monywolgie.

Isaya 21:2

Ne aneno kaka dala mandhogo ji, ondhogi. Ne awinjo ka Nyasaye jiwo jo-Elam kod jo-Media ni mondo odhi omonj Babulon kendo olwore, mondo sungane orum.

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Isaya 42:25

Mano ema omiyo noolo mirimbe mager kuom jo-Israel, kokelonigi lweny maliet ka mach. Ne olworogi gi mach koni gi koni, to ne ok giwinjo tiend kumno. Adier, ne orewogi, to kata kamano ne ok gidewo.

Isaya 46:8

Paruru wachno, mondo utang! Yaye, un joma piem koda, paruru wachno e chunyu.

Isaya 47:11

Kuom mano masira biro maki, kendo ok ning’e kaka dithiedhri. Adier, masira biro nyori, kendo ok ning’e misango minyalo geng’ego. Ee, masira biro poyi, mi tieki pep!

Isaya 48:4

Ne ang’eyo ni wiu tek ta, ka rwath ma ng’ute opong’, kendo ma pat wang’e tek ka lwanda.

Isaya 48:7

Ne ok achueyogi chon, to achueyogi mana e sechegi. Ne ok uwinjogi chon, to uwinjogi mana kawuono, omiyo ok unyal wacho ni useng’eyogi.

Isaya 50:5

Ruoth Nyasaye oseyawo ita, mi ok asetamora winjo wachne, bende ok aselokora mi aweye.

Isaya 57:4

En ng’a, mujaro, kumoyone wang’u kendo kumilone lewu? Donge un nyithindo monywol e richo, ma koth miriambo?

Jeremia 3:20

To un jo-Israel useweya mana ka dhako moweyo chwore. An Ruoth Nyasaye ema awacho kamano.

Jeremia 5:11

Jo-Israel gi jo-Juda oseweya adier. An Ruoth Nyasaye ema awacho kamano.”

Jeremia 5:21

“Winjuru un joma ofuwo, man gi wenge, to ok nen, bende man gi it, to ok nyal winjo.

Jeremia 6:10

Ne adwoke niya, “Ere ng’ama diwinja, ka awuoyo kodgi, kata ka akwerogi kamano? Gisedino itgi, omiyo ok ginyal winjo. Gisetamore winjo wachni, kendo gitugo mana gi gima iwacho.

Hosea 5:7

Gisendhogo Ruoth Nyasaye, mi giweyo, kendo nyithindgi ok gin joge. Omiyo puothegi koro ibiro kethi.

Hosea 6:7

“To piyopiyo nono mane jogago odonjogo e piny mane asingoranigi, ne giketho singruok mane atimo kodgi, mi giweya.

Hosea 7:9

Winjruok ma gin-go gi jopinje mamokogo osemayogi teko, to ok ging’eyo. Bende ok ging’eyo ni wigi osetimo lwar.

Malaki 2:11

Jo-Juda oseketho singruok mane gitimo ni Nyasaye, kendo gisetimo gik maricho e Israel kendo e Jerusalem. Gisedwanyo Kama Ler mar Ruoth Nyasaye mohero, kendo gisekendo mon malamo nyiseche mamoko.

Jo-Efeso 2:3

Chutho waduto ne wachal kodgi, kane watimo gik ma ngima mar dhano gombo, kendo watimo gimoro amora ma ringrewa gi parowa dwaro. Kamano wan bende ne onego Nyasaye kumwa gi mirimbe nikech timbewa, mana kaka obiro kumo jomoko.

Rapar mar Chik 31:16

Ruoth Nyasaye nowacho ni Musa niya, “Ka isetho, moyiki, to jogi biro weya mi luw nyiseche mag jomoko ma gidhi yudo ka gidonjo e pinyno, mana kaka dhako weyo chwore, to dwanyore gi chwo mamoko. Giniweya, kendo giniketh singruok ma asetimo kodgi.

Rapar mar Chik 31:18

To ok nawinjgi e ndalogo, nikech richo ma gisebedo ka gitimo mar lamo nyiseche mamoko.