Isaya 48:6 - MUMA MALER 2015

⁶ Usewinjo gima ne awacho, omiyo pareuru maber, eka ubiro yie ni en adier. To koro anyisou gik manyien ma pok ung’eyo, mosebet kopondo.

Motingʼo Loko Manyien

⁶ Isewinjo wechegi, rang-gi ane duto. Donge ibiro yie kodgi? “Kochakore sani abiro nyisi gik manyien, gik mopondo mapok ingʼeyo.

Isaya 48:6 ပူးပေါင်းရင်းမြစ်များ

Zaburi 107:43

Joma riek onego onon wechegi, mondo opar hera mosiko mar Nyasaye.

Zaburi 119:13

Chike duto ma isegolo, anaol achiel ka achiel.

Isaya 21:10

Yaye, jothurwa ma jo-Israel, ma osenyon ka kal minyono kidino, asenyisou gik ma Ruoth Nyasaye Manyalo Gik Moko Duto ma Nyasach Israel owachona.

Isaya 42:20

Useneno gik mathoth, to ok udewgi. Un gi it, to onge gima uwinjo.

Isaya 42:8

An e Ruoth Nyasaye, kendo mano e nyinga. Ok ayie mondo duong’ ma imiya omi nyasaye moro machielo, bende ok ayie mondo pak mipakago opakgo gik ma opa.

Isaya 42:9

Neuru kaka gik mane akoro osetimore. To koro anyisou gik manyien ma biro timore. Adier, ahulonugi kapok gitimore.”

Isaya 43:19

Koro adwaro timo gima nyien. Neuru, asechako time. Donge unene? Abiro loso yo e piny motwo. Adier, abiro loso yore e piny motimo ongoro.

Isaya 48:7

Ne ok achueyogi chon, to achueyogi mana e sechegi. Ne ok uwinjogi chon, to uwinjogi mana kawuono, omiyo ok unyal wacho ni useng’eyogi.

Jeremia 2:31

“Chikuru itu maber uduto, mondo uwinj gima awachonu, un jo-Israel. Achalonu thim, koso achalonu piny ma masiche ng’enyie, ma ok unyal dak koda maberni? Ka ok kamano, to marang’o uwacho ni ubiro timo mana kaka uhero, kendo ni ok unyal duogo ira, to un joga?

Jeremia 33:3

In Jeremia awachoni niya, ‘Luonga, to abiro dwoki, kendo ananyisi gik madongo kendo malich ma ok ing’eyo.’

Jeremia 50:2

Huluru wach ni ogendini! Kik umung’gi, to gonigiuru milome! Chunguru bandera mondo ji ong’e ni Babulon osepodho. Marduk nyasache osemaki. Nyiseche mamoko mag Babulon oyudo wichkuot. Nyiseche makuerogo okethi.

Amos 3:6

“Bende tung’ mar lweny nyalo ywak e dala mak omiyo ji luoro? Koso gimoro nyalo timore e dala ka ok Ruoth Nyasaye ema okelo?

Mika 6:9

Luoro Ruoth Nyasaye en rieko. Ruoth Nyasaye luongo jo-Jerusalem niya, “Winjuru, un joma ochokore e dalani.

Mathayo 10:27

Gima awachonu e mudho, wachuru e lela, kendo gima okuodhnu e itu, to huluru ratiro.

Johana 15:15

Chakre kawuono ok nachak aluongu kendo ni wasumbini, nikech misumba ok ong’eyo gima ruodhe timo. To aluongou ni osiepena, asenyisou gik moko duto ma Wuora osenyisa.

Tich Joote 1:8

To unuyud teko ka Roho Maler obiro kuomu, kendo ununyis ji gik mung’eyo kuoma, kuchako gi Jerusalem, nyaka Judea duto, gi Samaria kod tung’ piny gi tung’ piny.”

1 Jo-Korintho 2:9

To riekono koro osefwenyore, mana kaka Muma wacho niya, “Gik ma wang’ pok oneno, kendo ma it pok owinjo, bende mapok odonjo e chuny dhano, e gik ma Nyasaye oiko ni joma ohere.”

Fweny 1:19

Omiyo koro ndik gik miseneno duto, ok mana gik mantie kende, to gik mabiro timore achien bende.

Fweny 4:1

Bang’ mano, ne arango polo, mi aneno dhoot moro moyawore e polo, kendo dwol machalo gi dwond tung’ mane akwongo winjo kawuoyo koda cha, nowachona niya, “Bi malo ku, mondo anyisi gik mabiro timore bang’ magi.”