Isaya 48:5 - MUMA MALER 2015

⁵ Mano emomiyo ne ahulonu gigo chon, ka anyisou kapok moro otimore, nikech dipo ka ng’ato kuomu owacho niya, “Nyasacha mane aloso gi chuma ema ne omiyo gitimore.”

Motingʼo Loko Manyien

⁵ Kuom mano, ne anyisou magi duto chon, kapok negitimore, to ne asewachonugi, mondo omi kik uwach niya, ‘Nyisechena manono ema otimo magi; kido mopa mara kod nyasacha mar mula ema oselerona ma?’

Isaya 48:5 ပူးပေါင်းရင်းမြစ်များ

Isaya 43:19

Koro adwaro timo gima nyien. Neuru, asechako time. Donge unene? Abiro loso yo e piny motwo. Adier, abiro loso yore e piny motimo ongoro.

Isaya 44:7

To ka ng’ato paro ni rom koda, to mondo ochung’ ane owach kamano. Onego ohul gik manyalo nyiso ni owacho adiera, nikech kane ginyalo koro gik mane otimore chon, to kara nyaka bed ni ginyalo hulo gik ma koro eka biro timore!

Isaya 44:8

Kik ubed maluor, bende kik chunyu nyosre! Donge ne anyisou chon ni gima kama biro timore? Adier, ne ahulo wachno, kendo koro ubedo joneno maga! Bende nitie Nyasaye moro machielo, ma ok mana an? Ooyo, ok ang’eyo Jachuech moro machielo.”

Isaya 45:20

Chokreuru usud machiegni, un joma otony e ogendini. Mano kaka ufuwo, un joma ting’o nyiseche molos gi yien, kendo malamo nyasaye ma ok nyal reso ji.

Isaya 46:10

Anyiso giko mar gimoro mana e kinde ma ochakoree. Nyaka nene asebedo ka ahulo gik ma pok otimore, ka awacho niya, “Gima awacho nyaka timre. Omiyo abiro timo gimoro amora ma adwaro.”

Isaya 48:3

Chon gi lala ne akoro gik ma koro osetimore. Ne ahulogi gi dhoga awuon. Bang’e ne atiyo piyopiyo nono, mi gitimore.

Luka 1:70

Nosingore kamano nyaka nene, komiyo jonabine maler wacho ni

Tich Joote 15:18

Ruoth Nyasaye mane ohulo wechego chon ema owacho kamano.’ ”