Isaya 48:21 - MUMA MALER 2015

²¹ Kane otelonigi e thim, to riyo ne ok oloyogi, nikech ne omiyo pi owuok e lwanda. Ee, nobaro lwanda, mi pi obubnie.

Motingʼo Loko Manyien

²¹ Kane otelonegi e thim, to riyo ne ok oloyogi; ee, nomiyo pi owuoknegi e lwanda ka bubni kane obaro lwanda.

Isaya 48:21 ပူးပေါင်းရင်းမြစ်များ

Nehemia 9:15

Nimiyogi chiemo moa e polo mondo otieknigi kech, kendo nigolonigi pi e lwanda mondo gineg godo riyo; bende nichikogi mondo gidonj kendo gikaw piny mane ikuong’ori ni nimigi.

Nehemia 9:20

Nimiyogi Roho mari maber mondo opuonjgi. Ne ok ituonogi manna ma nioro, kendo nisiko kimiyogi pi mondo gineggo riyo.

Zaburi 105:41

Ne obaro lwanda, mi pi obubnie, kendo pigno nomol e piny mana ka aora.

Zaburi 74:15

Nimiyo sokni gi aore omol, kendo in ema nimiyo aore ma ok duon oduono.

Zaburi 78:15

Ne obaro lwendni e thim, mi omiyogi pi mathoth ka pi nam.

Zaburi 78:16

Ne omiyo sokni owuok e lwanda, mi pi omol ka aora.

Zaburi 78:20

Chutho nogoyo lwanda, mi pi obubnie molokore aore, to koro kuon gi ring’o bende domiwa?”

Wuok 17:6

Anachung’ e nyimi kanyo, but lwanda man Horeb. Inichwad lwandano, mi pi nowuogie mondo ji omodhi.” Musa notimo kamano e nyim jodong Israel.

Isaya 30:25

Chieng’ nek maduong’no, ma ikethoe kuonde mochiel motegno, aore kod sokni mamol nobed ewi gode madongo kod pidhe maboyo duto.

Isaya 49:10

Kech ok nokagi, kendo riyo ok nologi, bende chieng’ marieny makech ok nomigi olo, nimar Jal ma oherogi ema notelnigi, ka terogi modho e soko ma pi bubnie.

Jeremia 31:9

Joga noduog kaywak, to anakue chunygi ka atelonigi e yo. Anatergi e aore mabeyo mamol, kendo ok ginichwanyre nimar giniwuoth e yo maber. An wuon jo-Israel, kendo Efraim e wuoda makayo.

Kwan 20:11

Eka noting’o bade mogoyo lwandano diriyo gi ludhe. Pi nobubni mang’eny, mi oganda nomodho kaachiel gi jambgi.