Isaya 48:2 - MUMA MALER 2015

² kata obedo ni upakoru ni un jo-Jerusalem, dala maler, ma nyinge en Ruoth Nyasaye Manyalo Gik Moko Duto kamano.

Motingʼo Loko Manyien

² un muluongoru ni weg dala maduongʼ maler kendo moketo genogi kuom Nyasach Israel, Jehova Nyasaye Maratego, e nyinge:

Isaya 48:2 ပူးပေါင်းရင်းမြစ်များ

Nehemia 11:1

Jodong Israel nobiro modak Jerusalem, to joma moko nogoyo ombulu moyiero ng’at achiel achiel kuom ji apar mondo odag Jerusalem, dala mowal ni Nyasaye. Ji modong’ to nodak e mier mamoko,

Nehemia 11:18

Kar romb jo-Lawi ma nodak Jerusalem, dala mowal ni Nyasaye ne mia ariyo gi piero aboro gang’wen.

Zaburi 48:1

Ruoth Nyasachwa duong’! Omiyo nyaka apake ahinya e dalane manie wi gode maler.

Zaburi 87:3

In dala Nyasaye, winji gik mabeyo miwuoro ma owacho kuomi.

Isaya 10:20

Chieng’no jo-Israel ma nyikwa Jakobo manok modong’ nowe keto genogi kuom ng’at mane dwaro tiekogi, to ginigen gi chunygi duto mana kuom Ruoth Nyasaye ma en Ng’ama Ler mar Israel.

Isaya 47:4

Abiro chulo kuor, kendo onge ng’ama notama. Ng’ama Ler mar Israel ma Jawarwa, ma nyinge Ruoth Nyasaye Manyalo Gik Moko Duto, owacho kamano.

Isaya 51:13

Ere gima omiyo wiu osewil gi Ruoth Nyasaye, ma Jachuechu, mane oyaro polo kendo ochueyo piny? Ere gima omiyo kibaji osiko ka goyou ndalo duto? Koso ang’o momiyo uluoro mirimb ng’at masandou kadwaro tiekou? Uparo ni mirimb ng’at ma sandouno to gima nade!

Isaya 51:15

An e Ruoth Nyasaye ma Nyasachu, mamiyo nam gingore, mi apaka wuo. Nyinga en Ruoth Nyasaye Manyalo Gik Moko Duto.

Isaya 52:1

A malo! A malo, mondo ibed motegno, in dala Sayun. Rwak lepi mabeyoe moloyo, yaye Jerusalem, dala maler, nimar chakre kawuono, joma ok oter nyangu, kaachiel gi joma ogak, ok nochak odonj kuomi.

Jeremia 10:16

Nyasach Jakobo to ok chal gi gigo, nimar en ema ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Jeremia 21:2

“Yie ipenjnwa Ruoth Nyasaye wach, nikech Nebukadnezar ruodh Babulon kedo kodwa. Dipo ka Ruoth Nyasaye otimonwa hono moro kaka ne ojatimo, mi ochun Nebukadnezar mondo owewa.”

Jeremia 44:26

To koro winjuru singruok ma an Ruoth Nyasaye asetimo e nyinga maduong’ ni jo-Juda duto modak Misri: Ok nachak ayie mondo ng’ato ang’ata kuomu oluong nyinga ka wacho niya, “Akuong’ora e nying Ruoth Nyasaye mangima.”

Daniel 9:24

“Nyasaye oseketo ni jou gi dalau higni mia ang’wen gi piero ochiko mondo kethogi gi richogi orumie. Bang’e nowe ni ji richogi, kendo nogur tim makare mosiko mondo weche mag fweny gi weche makare otimre adier, eka opwodh Kama Ler Moloyo.

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Mathayo 27:53

Bang’ chier Yesu, jogo nowuok e lietegi, modhi Jerusalem, Dala Maler, mi ji mathoth onenogi kuno.

Mathayo 4:5

Bang’e Satan notero Yesu Jerusalem, Dala Maler, mi okete e osuch Hekalu.

Jo-Rumi 2:17

In to ipakori ni in ja-Yahudi, kendo imor gi bedo kamano. Igeno kuom Chik Musa, kendo isungori ni in achiel kuom jo-Nyasaye.

Fweny 11:2

To iwe laru maoko manie nyim Hekalu mak ipimo, nimar osemiye joma ok jo-Yahudi, kendo gibiro nyono dala maler gi tiendegi kuom dueye piero ang’wen gariyo.

Fweny 21:2

Eka ne aneno Dala Maler, ma en Jerusalem manyien, kalor piny a e polo kuom Nyasaye, koikore ka miaha moikore ni chwore.

Fweny 22:19

Bende ka ng’ato ogolo wach moro kuom weche mokor manie kitabuni, to Nyasaye nogol kuome pok ma doyudo kuom yadh ngima kendo kuom Dala Maler mondiki e kitabuni.”

Jong’ad Bura 17:13

Bang’e Mika nowacho niya, “Koro ang’eyo ni Ruoth Nyasaye biro guedha, nimar aseyudo jadolo ma ja-Lawi.”