Isaya 48:14 - MUMA MALER 2015

¹⁴ Chokreuru un duto, mondo uwinji. Ere nyasachu moro mosehulo gima biro timore, kawacho niya, ‘Ng’at ma ahero ema nokum Babulon kaka adwaro, mi lo jo-Kaldai.’

Motingʼo Loko Manyien

¹⁴ “Chokreuru un duto mondo uwinji: Ere kata achiel kuom nyiseche manono mosehulo gima biro timore? Oganda ma osiep Jehova Nyasaye ema nokel kum mare kuom Babulon; mirimbe nobed kuom jo-Babulon.

Isaya 48:14 ပူးပေါင်းရင်းမြစ်များ

Chakruok 49:1

Jakobo noluongo yawuote mowachonigi niya, “Biuru machiegni, mondo anyisu gik mabirom timorenu e ndalo mabiro,

Chakruok 49:2

“Un yawuot Jakobo, chokreuru buta, mondo uwinji; winjuru Israel wuonu.

Isaya 13:19

Kamano, kata obedo ni Babulon, en dala maberie moloyo mier mag pinje mamoko duto, kendo ma jo-Babulon sungorego, to Nyasaye nokethe mana kaka noketho Sodom gi Gomora.

Isaya 21:9

to koro echa aneno joidh farese ka biro, kaachiel gi geche lweny ma farese ariyo ariyo ywayo.” Eka nawinjo dwoko niya, “Babulon osepodho! Osepodho, kendo nyisechene manono osemuki moriere piny.”

Isaya 41:22

Nyisecheu mondo obi onyiswa ane gik matimore. Onego ginyiswa ane tiend gik mane osetimore.

Isaya 43:9

Ogendini duto mondo ochokre kaachiel. Ere nyasachgi mane osekoroe gima kama, kata mosehuloe gimoro ka pok otimore? Weuru gikel joneno mondo onyis ane gik mane gitimo, mondo gilo bura, ka wachgi en adier.

Isaya 44:28

To Kuros anyiso niya, ‘Ibiro bedo jakwadha, kendo ibiro timo gik moko duto ma adwaro, kigolo chik mondo ochak oger Jerusalem, mi chak ket mise mag Hekalu kendo.’ ”

Isaya 44:7

To ka ng’ato paro ni rom koda, to mondo ochung’ ane owach kamano. Onego ohul gik manyalo nyiso ni owacho adiera, nikech kane ginyalo koro gik mane otimore chon, to kara nyaka bed ni ginyalo hulo gik ma koro eka biro timore!

Isaya 45:13

An ema aseting’o Kuros malo mondo okel resruok, kendo abiro rieyo yorene tir. Enochak oger dalana, kendo nogony joga mane oter e tuech, mi bed thuolo, to ok nikech ichule gimoro, kata nikech imiye asoya.”

Jeremia 50:44

“An Ruoth Nyasaye abiro biro mana ka sibuor mochomo lek moloth, kowuok e bungu moyugno manie geng aora Jordan, kendo anami jo-Babulon mwomre gi ng’uech kawuok e dalagi. Bang’e ng’at ma ayiero jatelo norit ogandano. “Ere ng’ama inyalo pimo koda? Koso ere ng’ama dihedhre piem koda. Jatelo mane ma dikwer wachna?

Mariko 10:21

Eka Yesu nong’iyo wang’e tir, ka mor kode, mowachone ni, “Gimoro achiel ema pod onego itim: dhiyo, ilok gigi duto pesa, mondo imi joma odhier, eka inibed gi mwandu e polo. To ka isetimo kamano, to bi iluwa.”