Isaya 48:10 - MUMA MALER 2015

¹⁰ Asepwodhou, to ok kaka ipwodho fedha e mach.

Motingʼo Loko Manyien

¹⁰ Asepwodhou, to ok kaka ipwodho fedha, kendo asetemou gi masira mager ka mach.

Isaya 48:10 ပူးပေါင်းရင်းမြစ်များ

1 Ruodhi 8:51

nikech gin jogi, kendo gin mwanduni mane igolo e piny Misri, kireso e sand mager ka mach makakni.

Ayub 23:10

To kata kamano, ong’eyo gimoro amora ma atimo, kendo ka oranga, to obiro yudo ka aler.

Ayub 28:1

“Nitie buche ma ikunyoe fedha kendo nitie kuonde ma ipidhoe dhahabu.

Zaburi 66:10

A Nyasaye isepwodhowa mana kaka ipwodho fedha gi mach.

Ngeche 17:3

Dhahabu gi fedha itemo gi mach. Chuny dhano to Ruoth Nyasaye ema temoo.

Isaya 27:9

Kapok richo mag jo-Israel opwodhi, to nyaka giketh kendegi mag liswa, mi gireg kitegi olokre buru, kendo ging’ad oko yien gi sirni duto milamo.

Jeremia 11:4

En singruok mane atimo gi kweregi kane agologi e piny Misri, e sand mager ka mach makakni. Ne awachonigi ni ka girito chikena, kendo gitimo gik moko duto ma anyisogi, to ginibed joga, kendo anabed Nyasachgi.

Jeremia 9:7

“Kuom mano, an Ruoth Nyasaye Manyalo Gik Moko Duto awacho ni abiro pwodho joga, ka ng’at malenyo mula mondo ogol ng’iende. Joga osetimo richo, koro ere gima datimnigi?

Ezekiel 20:38

Bende anagol kuomu joma jopiem, kendo maketho chikena. Anagolgi e pinje ma koro gidakie, to ok anayienigi giduogi e piny Israel. Eka unung’e ni kara an e Ruoth Nyasaye.

Rapar mar Chik 4:20

To un e oganda ma Ruoth Nyasaye nokawo, mogolo Misri e sand mager ka mach makakni, ni mondo ubed joge owuon, kaka pod un nyaka chil kawuono.

1 Petro 1:7

Gik makamago timore mondo otemugo one ane ka un gi yie maradier. Kata mana dhahabu ma nyalo kethore bende itemo gi mach. Omiyo yie maru, ma nengone tek moloyo dhahabu, nyaka tem mondo ong’ego ka en yie maradier. Eka nuyud pak gi duong’ kod luor, chieng’ ma Yesu Kristo ofwenyore.

1 Petro 4:12

Osiepena, ka uyudo tem mager mawang’ou ka mach, to kik ubuogi, ka gima ok ung’eyo ni gik ma kamago nyaka timrenu, nikech mano timore mana ni mondo otemugo.

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.