Isaya 47:10 - MUMA MALER 2015

¹⁰ Ne iparo ni onge gima ditimi nikech timbeni mamonogo, mi iwacho niya, “Onge ng’ama nena.” To rieki mathoth ne owuondi, “An kenda ema antie. Onge ng’at moro machielo marom koda.”

Motingʼo Loko Manyien

¹⁰ Isegeno kuom timbeni mamono kendo isewacho e chunyi ni, ‘Onge ngʼama nena.’ Ngʼeyoni gi riekoni osewuondi kiwacho e chunyi ni, ‘An kenda ema antie, onge machielo.’

Isaya 47:10 ပူးပေါင်းရင်းမြစ်များ

Zaburi 10:11

Jaricho wacho e chunye niya, “Nyasaye ok dew. Bende osemiyo wengene, kendo ok obi nena.”

Zaburi 52:7

“Neyeuru ng’at mane ok ogeno kuom Nyasaye, to ogeno mana kuom mwandune mathoth, kendo pakore gi richone!”

Zaburi 64:5

Gijiwore kendgi giwegi kuom timbegi maricho, kendo gipenjore mana kama onego gichikie obathgi, ka giparo ni onge ng’ama nenogi.

Eklesiastes 8:8

Onge ng’ama nyalo geng’o tho mondo kik nege, kata ng’ama nyalo chwalo chieng’ thone nyime. Ka lweny owuok, to onge tony! Onge gima wanyalo timo mi wakwo.

Isaya 28:15

Uwacho niya, “Wasetimo winjruok gi tho. Adier, wasetimo singruok gi Piny Joma Otho. Omiyo ka ohula miwachono biro, to ok obi ywoyowa, nikech waseloso miriambo ka kar konyruokwa, kendo wuondruok e okumba ma wageng’orego.”

Isaya 29:15

Yaye, unune malit, un joma temo pando parogi ni Nyasaye, kendo ma, kosetimo timbegi e mudho, to wacho niya, “Ere ng’ama nenowa, koso ere ng’ama ong’eyo gima watimo?”

Isaya 44:20

Ng’at ma kamano chamo mana buch kendo! Parone mofuwo osewuonde, mowite. Omiyo oonge gi rieko monyalo parogo ni gima oting’o e lweteno ok en gima adier.

Isaya 47:8

Emomiyo koro winj wachni, in dala machalo nyako mohero ngima mamalo, kendo obet e kom loch ka ok dew gimoro, to wacho e chunye niya, “An kenda ema antie. Onge ng’at moro machielo marom koda. Ok nachal gi chi liel, kendo nyithinda ok notho ngang’.”

Isaya 5:21

Yaye, unune malit, un joma paro e chunygi giwegi ni riek, kendo ma kwanore ni ong’eyo gik moko.

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Jeremia 23:24

Onge ng’ama nyalo pondo kamoro ma ok anyal nene. Donge ung’eyo ni an, an kuonde duto, e polo kendo e piny.

Jeremia 9:23

“Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Ezekiel 8:12

Ruoth Nyasaye nopenja niya, “Wuod dhano, bende ineno gik ma jodong Israel timo kama opondo kae? Ng’ato ka ng’ato lemo mana e od nyasache manono. Giwuondore niya, ‘Ruoth Nyasaye ok newa! Osejwango pinyni.’ ”

Ezekiel 9:9

Nyasaye nodwoka niya, “Jo-Israel kod jo-Juda josetimo richo madongo ahinya. Gisenego ji mathoth e pinyni, mi gipong’o Jerusalem gi timbe maricho. Giwacho niya, ‘Ruoth Nyasaye osejwang’o pinywani. Ok onewa!’

Daniel 4:27

Kuom mano, ruoth, luw gima anyisini. We timo marach, to tim maber, kendo ikech joma odhier mondo ichulgo richo misetimo. Kamano nidhi nyime maber.”

Zefania 2:15

Ji nopenjre niya, “Koro ma e dala mane mor, kendo ogeno kuom lochne cha adier? Koso en e dala mane sungore e chunye kawacho niya, ‘Anie kende, kendo onge moro maromo koda’? To koro okethore chuth, mi olokore mana kama le mae thim ema odakie, kendo ng’ato ang’ata ma kadho kanyo wuoro, ka tang’o lwete.”

Jo-Rumi 1:22

Giwacho ni giriek, to gin mana joma ofuwo.

1 Jo-Korintho 3:19

nikech rieko mar pinyni en mana fuwo e wang’ Nyasaye. Nitie wach moro e Muma mawuoyo kuom Nyasaye kama: “En ema omako jorieko gi riekogi giwegi.”