Isaya 46:9 - MUMA MALER 2015

⁹ Kik wiu wil gi gik mane otimore chon, nimar an Nyasaye, kendo onge moro. Adier, an Nyasaye, kendo onge moro marom koda.

Motingʼo Loko Manyien

⁹ Paruru gik mosekadho, gigo mane otimore chon, An e Nyasaye kendo onge moro machielo, bende An e Nyasaye kendo onge moro machalo koda.

Isaya 46:9 ပူးပေါင်းရင်းမြစ်များ

Ayub 10:13

To kata obedo kamano, koro ang’eyo ni e chunyi kucha,

Zaburi 111:4

Ruoth Nyasaye ok we wiwa wil gi timbene madongo. Ong’won kendo okecho ji.

Wuok 15:11

A Ruoth Nyasaye, Ere Nyasaye machal kodi? Ere ng’ama ler ka in? Ere ng’ama chal kodi, manyalo timo honni kod timbe madongo miwuoro?

Wuok 8:10

Nodwoke niya, “Kiny.” Musa nowachone niya, “Biro timore mana kaka iwacho, mondo ing’e ni onge Nyasaye moro machalo gi Ruoth Nyasaye ma Nyasachwa.

Wuok 9:14

To wang’ni, ka ok itimo kamano, to in ema abiro kumi kaachiel gi jodongi kod jogi, kakelonu sand duto mondo ing’e ni onge ng’at marom koda e piny ngima.

Isaya 41:26

En ng’a, mane okoro wachno, ni mondo wang’e? Koso en ng’a mane onyisowa chon ni wachno biro timore, mondo wayie ni en adier? Onge ng’ato mane ohule, kata mane owuoyo kuome. Adier, wecheu ne ok owinji kata matin.

Isaya 41:27

Ne asenyiso jo-Sayun chon ni, “Ero gibiro,” kendo ne aoro ni Jerusalem jaote materonigi wach maber.

Isaya 42:9

Neuru kaka gik mane akoro osetimore. To koro anyisou gik manyien ma biro timore. Adier, ahulonugi kapok gitimore.”

Isaya 43:10

To ka ok ginyal, to koro, An Ruoth Nyasaye awacho kama: “An to an gi joneno. Un jo-Israel e joneno maga, kendo jotichna. Aseyierou mondo ung’eya, kendo uket genou kuoma. Bende mondo ung’e ni an e Nyasaye. Nyasaye moro motelona ne pok obedoe, bende moro maluwa ok nobedie.

Isaya 45:14

Ruoth Nyasaye owacho niya, “Jotich mag Misri gi joohala mag Nubia kod jo-Sabea ma roboche nobed e bwo lochu, mi lokre wasumbu. Adier, ginibi iru kotuegi gi nyororo, mi gikulrenu ka gimiyou duong’, kendo ka giwacho niya, ‘Chutho Nyasaye ni kodu, kendo Nyasaye moro onge. En kende e Nyasaye.’ ”

Isaya 45:18

Ruoth Nyasaye ema ne ochueyo polo, kendo oloso piny moguro motegno. Kane ochueye, ne ok oweye chwangla, to nolose mondo ji odagie. En ema owacho kama: An e Ruoth Nyasaye, kendo onge Nyasaye moro.

Isaya 46:5

Uparo ni achal gi ng’a? Koso en ng’a marom koda?

Isaya 48:3

Chon gi lala ne akoro gik ma koro osetimore. Ne ahulogi gi dhoga awuon. Bang’e ne atiyo piyopiyo nono, mi gitimore.

Isaya 65:17

“Winjuru, achueyo polo manyien kod piny manyien. Kamano wich nowil gi gik machon, kendo ok nochak opargi.

Jeremia 49:19

Anabi mana ka sibuor mochomo lek moloth, kowuok e bungu moyugno manie geng aora Jordan, kendo anami jo-Edom mwomre gi ng’uech kaa. Bang’e ng’at ma ayiero jatelo norit ogandano. “Ere ng’ama inyalo pimo koda? Koso ere ng’ama dihedhre piem koda? En ruoth mane ma dikwer wachna?

Jeremia 50:44

“An Ruoth Nyasaye abiro biro mana ka sibuor mochomo lek moloth, kowuok e bungu moyugno manie geng aora Jordan, kendo anami jo-Babulon mwomre gi ng’uech kawuok e dalagi. Bang’e ng’at ma ayiero jatelo norit ogandano. “Ere ng’ama inyalo pimo koda? Koso ere ng’ama dihedhre piem koda. Jatelo mane ma dikwer wachna?

Jeremia 6:16

Ruoth Nyasaye wacho ni joge niya, “Chung’uru e akek yo, mondo urang wang’yore machon, kupenjo kuma yo maber nitie. Wuothuru e wang’yorno, mi unuyud kue.” To gidwoko niya, “Ok wanawuothi e wang’yorno.”

Joel 2:27

Bang’e unung’e ni an e dieru, un jo-Israel, kendo ni an Ruoth Nyasaye e Nyasachu, maonge moro kendo, bende joga ok nochak ojar kendo.

1 Jo-Korintho 8:6

wan to wan mana gi Nyasaye achiel, ma en Wuoro, kendo ma gik moko duto a kuome. Wantie mana ni mondo watine. Bende nitie Ruoth achiel kende, ma omiyo gik moko duto nitie, koda ka wan bende.

Rapar mar Chik 32:7

Paruru ndalo machon, kod tienge ma koro osekadho. Penjuru wuoneu kod jodongu, mondo ogannu sigendgi.

Rapar mar Chik 33:26

“Onge nyasaye moro machal gi Nyasach joka Jeshurun maringo e kor polo e duong’ne maler mondo okonyu.