Isaya 46:4 - MUMA MALER 2015

⁴ Kata ka udoko moti, to pod an e En. Adier, kata ka wiu oti lwar, to pod nating’u ating’a. Kaka asechueyou, e kaka abiro ting’ou. Ee, pod abiro ting’ou kendo resou.

Motingʼo Loko Manyien

⁴ Kata ka udoko moti ma wiu otimo lwar, to pod An mana en, An ema abiro tingʼou mi aresu.

Isaya 46:4 ပူးပေါင်းရင်းမြစ်များ

Zaburi 48:14

mondo chieng’ moro unyis tieng’ mabiro ni Nyasayeni en Nyasachwa mochwere, kendo obiro telonwa nyaka chieng’.

Zaburi 68:19

Pakuru Ruoth Nyasaye mating’o chandruokwa pile. En e Nyasaye ma warowa.

Zaburi 71:18

To kaka koro ati, kendo wiya oselokore lwar, yie kik ijwang’a, yaye Nyasaye! Bed koda ka ahulo tekoni gi duong’ni ni tienge duto mabiro.

Zaburi 71:9

Kik koro idaga ni ati! Adier, kik tinde ijwang’a ni tekra orumo.

Zaburi 92:14

Pod ginyago olemo kata ka giseti, bende gisiko ging’ich kendo gitegno.

Isaya 41:4

To koro apenjo ni, mano en tij ng’a? Koso en ng’a mamiyo mago duto timore? En ng’a mamiyo tienge luwore nyaka ne piny chakre? En mana an, Ruoth Nyasaye. An ema akwongo, kendo anie nyamgiko.

Isaya 43:13

An e Nyasaye ma ok lokre nyaka chieng’. Gima amako onge ng’ama nyalo kawo, bende gima atimo, onge ng’ama nyalo ketho.”

Isaya 43:25

An kende e jal ma rucho richou oko, mi ok chak par kendo, nikech mano e gima ahero timo.

Isaya 48:12

“Winjauru un joka Jakobo. Ee, chikuru itu, un jo-Israel, un joma aseluongo. An e En. An e mokwongo, kendo an e mogik.

Malaki 2:16

Ruoth Nyasaye Manyaalo Gik Moko Duto ma Nyasach Israel owacho niya, “Amon gi weruok manie kind dhako gi chwore. Ok berna ka ng’ato timo gima rach kamano ni chiege. Emomiyo ritreuru mondo ng’ato ka ng’ato kuomu kik tim gima rach kamano ni chiege.”

Malaki 3:6

Ruoth Nyasaye omedo wacho niya, “An Ruoth Nyasaye, kendo ok alokra. Mano emomiyo un nyikwa Jakobo pok urumo chuth.

Jo-Rumi 11:29

Ka Nyasaye oyiero ng’ato kendo oguedho, to ok olok parone kuom ng’atno.

Rapar mar Chik 1:31

To bende kane un e thim nuneno kaka ne Ruoth Nyasaye ma Nyasachu oting’ou e wuodhu duto nyaka nuchopo kaeri, mana ka ng’ama ting’o nyathine.

Jo-Hibrania 1:12

mi iniban-gi ka law abola, kendo inilokgi kaka iloko law. In to isiko mana in, kendo hiki ok norum.”

Jo-Hibrania 13:8

Yesu Kristo ok lokre, to en achiel, nyoro, tinende, kendo nyaka chieng’.

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.