Isaya 46:3 - MUMA MALER 2015

³ Winjuru, un joka Jakobo, ma aseting’o nyaka ne nywol. Ee, chikuru itu un jo-Israel modong’, ma aseting’o nyaka ne a e ich.

Motingʼo Loko Manyien

³ Winjuru wachna, yaye od Jakobo, un jo-Israel duto modongʼ, un duto ma aseyiero nyaka aa chakruok kendo ma aserito nyaka aa e nywolu.

Isaya 46:3 ပူးပေါင်းရင်းမြစ်များ

Zaburi 28:9

A Ruoth Nyasaye, war jogi ma mwanduni iwuon kendo iguedhgi. Bed jakwadhgi, kendo iritgi nyaka chieng’.

Zaburi 71:6

Asetenora kuomi nyaka ne nywola, bende isebedo kirita nyaka ne aa ei mama. Pile abiro bedo ka apaki.

Wuok 19:4

‘Nuneno gima natimo ni jo-Misri, kendo kaka nakelou ira, ka ating’ou kaka ongo ting’o nyithinde e bwombe.

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 10:20

Chieng’no jo-Israel ma nyikwa Jakobo manok modong’ nowe keto genogi kuom ng’at mane dwaro tiekogi, to ginigen gi chunygi duto mana kuom Ruoth Nyasaye ma en Ng’ama Ler mar Israel.

Isaya 10:21

Adier, joma nok modong’ ma nyikwa Jakobo noduog ir Nyasaye Maratego.

Isaya 10:22

Un jo-Israel, kata obedo ni ung’eny ka kuoyo mae dhonam, to ji manok modong’ kuomu kende ema nochak oduogi, nimar Nyasaye oseketo bura makare mabiro tieko joge duto.

Isaya 11:11

E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.

Isaya 37:4

Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Isaya 4:3

Eka jogo ma odong’ Jerusalem ma moro ka moro ondik nyinge e kitap ngima, noluong ni joma ler.

Isaya 44:21

“Parieuru mago duto un nyikwa Jakobo. Adier, un jo-Israel, paruru ane, nimar un jotichna, omiyo kik wiu wil koda.

Isaya 46:12

Winjauru, un joma chunygi tek, ma paro ni resruok pod bor.

Isaya 48:1

Winjuru, un joka Jakobo, miluongo ni jo-Israel, kendo ma koth Juda. Ukuong’oru gi nying Ruoth Nyasaye, kendo ulamo Nyasach Israel, to ok ulame gi adiera, kata e yo makare,

Isaya 51:1

Winjauru, un duto joma ohero tim makare, kendo ma ogeno kuom Ruoth Nyasaye. Paruru lwanda mane ogolue. Ranguru bur mane okuny, mogoloue

Isaya 51:7

Winjuru, un joma ong’eyo tim makare kaka obet, kendo ma keto chunygi kuom chikna. Kik uluor achaya mag ji, kendo ayany ma giyanyougo kik gou kibaji,

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Rapar mar Chik 1:31

To bende kane un e thim nuneno kaka ne Ruoth Nyasaye ma Nyasachu oting’ou e wuodhu duto nyaka nuchopo kaeri, mana ka ng’ama ting’o nyathine.