Isaya 46:12 - MUMA MALER 2015

¹² Winjauru, un joma chunygi tek, ma paro ni resruok pod bor.

Motingʼo Loko Manyien

¹² Winjauru, un joma chunygi tek kendo mabor gi adiera.

Isaya 46:12 ပူးပေါင်းရင်းမြစ်များ

Zaburi 119:150

Joma kwiny masanda, koro biro machiegni, to gibor gi chikeni.

Zaburi 119:155

Joricho ok noyud warruok, nikech ok girit chikeni,

Zaburi 49:1

Winjuru, un ogendini duto! Chikuru itu, un ji duto manie piny,

Zaburi 76:5

Jolweny ma jochir osedendi, kendo koro ginindo mana nindo mar tho. Onge kata ng’at achiel modong’ ma dikonyre gi gigi mag lweny.

Isaya 28:14

Kuom mano, chikuru itu, un josunga, ma jotend jo-Jerusalem.

Isaya 28:23

Chikuru itu mondo uwinj wechena:

Isaya 45:20

Chokreuru usud machiegni, un joma otony e ogendini. Mano kaka ufuwo, un joma ting’o nyiseche molos gi yien, kendo malamo nyasaye ma ok nyal reso ji.

Isaya 46:3

Winjuru, un joka Jakobo, ma aseting’o nyaka ne nywol. Ee, chikuru itu un jo-Israel modong’, ma aseting’o nyaka ne a e ich.

Isaya 48:1

Winjuru, un joka Jakobo, miluongo ni jo-Israel, kendo ma koth Juda. Ukuong’oru gi nying Ruoth Nyasaye, kendo ulamo Nyasach Israel, to ok ulame gi adiera, kata e yo makare,

Isaya 48:4

Ne ang’eyo ni wiu tek ta, ka rwath ma ng’ute opong’, kendo ma pat wang’e tek ka lwanda.

Isaya 5:7

Puoth mzabibu mar Ruoth Nyasaye Manyalo Gik Moko Duto en Israel, kendo jo-Juda e yath mane orito maber. Ne ogeno ni adiera dibedie, to nek ema ne oneno, bende noparo ni tim makare diyudree, to ywak malit ema ne owinjo.

Isaya 59:14

Bura makare ogol oko, kendo tim makare ni kuma bor. Adiera bende onge kata mana e chirni, kendo bura makare orumo e ut bura chuth.

Isaya 59:15

Kuom mano, adiera olal nono, kendo ka ng’ato obet motang’ ni richo, to ikwane mana ka janeko! Ruoth Nyasaye noneno ni adiera onge, omiyo iye nowang’.

Isaya 64:6

Waduto wasebedo ka ng’at mogak, kendo timbewa duto mabeyo chalo mana gi lewni mochido. Waduto wasener mana ka oboke, kendo timbewa mamono kwadhowa oko mana ka yamo.

Isaya 9:9

Jo-Efraim kod jo-Samaria duto nobolre, kata obedo ni giwuoyo gi sunga kod wang’ teko niya,

Jeremia 2:5

Ruoth Nyasaye owacho niya, “Ang’o marach mane kwereu oneno kuoma, mane omiyo giweya? Ne gilamo nyiseche manono, mi gin bende gidoko joma nono.

Amos 5:7

Mano wach manade kuom un ma loko bura makare ataro, kendo tuono ji gik monego giyudi!

Habakuk 1:3

Ere gima omiyo iweyo aneno chandruok machalo kamano? Koso ang’o momiyo iweyo aneno timbe mamonogi? Mecho kod timbe machach ema aneno, kendo miero gi lweny olwora koni gi koni.

Tich Joote 7:51

“Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!

Jo-Efeso 2:13

To koro kuom Kristo Yesu, un ma yande un mabor, osekelu machiegni kuom tho mar Kristo.

Jo-Efeso 5:14

nikech gima kite onenore malong’o e lela, lokore ler. Mano emomiyo iwero niya, “In ma inindo, chiew! Chier, ia kuom joma otho, mondo Kristo orieny kuomi.”