Isaya 46:11 - MUMA MALER 2015

¹¹ Aluongo ng’ato e piny mabor mondo otim gima adwaro. Obiro biro kaka winyo mager, koa yo wuok chieng’. Asewuoyo, kendo abiro timo kaka asewacho. Adier, asechano gima adwaro timo, kendo abiro timogo mak orem.

Motingʼo Loko Manyien

¹¹ Koa yo wuok chiengʼ nakel winyo mager, koa e piny mabor anakel ngʼato machopo dwarona. Gima asewacho nyaka chop kare, gima asechano ema abiro timo.

Isaya 46:11 ပူးပေါင်းရင်းမြစ်များ

Ezra 1:2

“Ruoth Nyasaye ma Nyasach polo osemiya loch kuom pinje duto, kendo en owuon osechika mondo agerne Hekalu Jerusalem e piny Juda.

Ayub 23:13

Ok olokre, to bende onge ng’ama dipiem kode, kata ma ditame timo gima odwaro.

Zaburi 119:24

Chikeni miya mor, kendo gin ema gikelona rieko.

Zaburi 76:10

Kata mana mirimb dhano keloni pak, kendo jogo motony e lweny nopaki e sewni ma gitimoni.

Isaya 10:12

Ka Ruoth Nyasaye osetieko kumo jo-Jerusalem kaka nochano to enokum ruodh Asuria kuom timbene mag sunga kod ng’ayi,

Isaya 18:6

ringregi duto nodong’ ni winy mae gode, mondo ocham e ndako oro, kendo ni ondiegi mondo ocham e ndalo chwiri.”

Isaya 22:25

To an, Ruoth Nyasaye Manyalo Gik Moko Duto, amedo wacho ni, chieng’no musmal mane ogur motegnono nopudh oko. Adier, nong’ade mi olwar, kendo gik moko duto mayande olier kuome nokethi. An Ruoth Nyasaye ema awacho kamano.”

Isaya 25:1

A Ruoth Nyasaye, in e Nyasacha! Anating’ nyingi malo, kendo anapaki, nikech honni mane ichano chon, isetimo gi adiera.

Isaya 37:26

To in Senakerib, kata obedo ni iwacho kamano, donge ing’eyo ni an Ruoth Nyasaye ema ne achano chon mondo gigo otimre? Adier, ne achanogi chon, to koro amiyo gitimore. An ema ne achano mondo imuk mier mochiel motegno, olokre gundni,

Isaya 38:15

Ere kaka dater ywakna ni Ruoth Nyasaye? Koso en ang’o ma dawachne, ka en owuon ema osetimona gigi duto? Abayo abaya koni gi koni engimana duto, nikech chandruok ma chunya nigo.

Isaya 41:2

Ng’at moa yo wuok chieng’, ma locho kamoro amora modhiye cha, ere ng’ama okele? Koso en ng’a moketo ogendini e lwete, kendo miyo oloyo ruodhi mi onyon piny? Okeyogi gi liganglane mana ka buru, kendo oriembogi gi asere, mana ka mihudhi ma yamo tero.

Isaya 41:25

An to aseluongo ng’ato yo nyandwat ma yo wuok chieng’ mondo obi. En ng’at mabiro lama. Enonyon ruodhi mana ka lowo mimwonogo ot, kendo nonywasgi mana kaka jachuech nywaso lop agulu.

Isaya 44:28

To Kuros anyiso niya, ‘Ibiro bedo jakwadha, kendo ibiro timo gik moko duto ma adwaro, kigolo chik mondo ochak oger Jerusalem, mi chak ket mise mag Hekalu kendo.’ ”

Isaya 45:13

An ema aseting’o Kuros malo mondo okel resruok, kendo abiro rieyo yorene tir. Enochak oger dalana, kendo nogony joga mane oter e tuech, mi bed thuolo, to ok nikech ichule gimoro, kata nikech imiye asoya.”

Isaya 56:9

Biuru mondo uchiem un le mae pap kod mae thim,

Jeremia 44:28

To ji manok kuomu notony e tho, mi dog Juda koa Misri. Bang’e jo-Juda modong’ kuom mago mane obiro Misri nong’e ka wechena kata wechegi ema oselokore adiera.

Jeremia 50:29

“Nyisuru jo-asere mondo omonj Babulon. Ee, ng’ato ka ng’ato mong’eyo bayo asere olwor dala, kendo kik uwe ng’ato tony. Chuluru ni Babulon kuor kuom gik moko duto mosetimo, kendo utimne mana kaka osetimo ni ji mamoko, nikech osesungore e nyima, an Ng’ama Ler mar Israel.

Jeremia 50:44

“An Ruoth Nyasaye abiro biro mana ka sibuor mochomo lek moloth, kowuok e bungu moyugno manie geng aora Jordan, kendo anami jo-Babulon mwomre gi ng’uech kawuok e dalagi. Bang’e ng’at ma ayiero jatelo norit ogandano. “Ere ng’ama inyalo pimo koda? Koso ere ng’ama dihedhre piem koda. Jatelo mane ma dikwer wachna?

Jeremia 50:45

“Omiyo winjuru gima asechano timo ni dala Babulon, kod joma odakie, kata mana nyithindgi bende noywa oko, mi kibaji nogo ng’ato ka ng’ato.

Ezekiel 39:4

In Gog, kod ogandani mar lweny kaachiel gi ogendini makonyi, ubiro tho e gode mag Israel, kendo anami kit winy duto gi ondiegi cham ringreu.

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Tich Joote 4:28

Ne gichokore mondo gitim mana gima ne iseiko chon gi tekoni kod dwaroni.

Tich Joote 5:39

To ka gia kuom Nyasaye, to ok unyal loyogi, kata da utim ang’o, to duyud mana ni ukedo gi Nyasaye!” Jobura noyie gi wachne.

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.

Jo-Efeso 3:11

Nyasaye notimo kamano kuom Kristo Yesu Ruodhwa, kaluwore gi dwarone mane osechano nyaka nene ni notim.

Fweny 16:12

Bang’e malaika mar auchiel noolo tape e aora maduong’ mar Yufrate, mi pige nodwono mondo yo olosre ni ruodhi mane biro a yo wuokchieng’.