Isaya 46:10 - MUMA MALER 2015

¹⁰ Anyiso giko mar gimoro mana e kinde ma ochakoree. Nyaka nene asebedo ka ahulo gik ma pok otimore, ka awacho niya, “Gima awacho nyaka timre. Omiyo abiro timo gimoro amora ma adwaro.”

Motingʼo Loko Manyien

¹⁰ Anyiso giko mar gimoro mana e kinde mochakore, bende asebedo kahulo gik mapok otimore. Awacho ni: Gima awacho nyaka timre kendo abiro timo gimoro amora mahero.

Isaya 46:10 ပူးပေါင်းရင်းမြစ်များ

Chakruok 3:15

Anaket sigu e kindi gi dhako, kendo e kind kothi gi kothe. Nyikwaye noto wiyi, to in nika ofunj tiendgi.”

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

Ayub 23:13

Ok olokre, to bende onge ng’ama dipiem kode, kata ma ditame timo gima odwaro.

Zaburi 135:6

Otimo gimoro amora mohero, e polo kata e piny, kendo e nembe koda ka kude matut.

Zaburi 33:11

En to gik mochano dak nyaka chieng’, kendo dwarone siko mochwere.

Ngeche 19:21

Ng’ato nyalo chano gik mathoth, to dwaro mar Ruoth Nyasaye ema timore.

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Isaya 10:12

Ka Ruoth Nyasaye osetieko kumo jo-Jerusalem kaka nochano to enokum ruodh Asuria kuom timbene mag sunga kod ng’ayi,

Isaya 14:24

Ruoth Nyasaye Manyalo Gik Moko Duto osekuong’ore kawacho niya, “Gima aseparo biro timore mana kaka asechano. Adier, kaka asechano e kaka notimre.

Isaya 25:1

A Ruoth Nyasaye, in e Nyasacha! Anating’ nyingi malo, kendo anapaki, nikech honni mane ichano chon, isetimo gi adiera.

Isaya 40:8

Adier, lum two, maua bende ner, to wach Nyasachwa to osiko nyaka chieng’.’ ”

Isaya 41:21

Ruoth Nyasaye ma Ruodh joka Jakobo wacho niya, “Biuru, uwach wachu ane.

Isaya 41:4

To koro apenjo ni, mano en tij ng’a? Koso en ng’a mamiyo mago duto timore? En ng’a mamiyo tienge luwore nyaka ne piny chakre? En mana an, Ruoth Nyasaye. An ema akwongo, kendo anie nyamgiko.

Isaya 43:13

An e Nyasaye ma ok lokre nyaka chieng’. Gima amako onge ng’ama nyalo kawo, bende gima atimo, onge ng’ama nyalo ketho.”

Isaya 44:7

To ka ng’ato paro ni rom koda, to mondo ochung’ ane owach kamano. Onego ohul gik manyalo nyiso ni owacho adiera, nikech kane ginyalo koro gik mane otimore chon, to kara nyaka bed ni ginyalo hulo gik ma koro eka biro timore!

Isaya 45:21

Biuru, uwach wachu ane, ka upenjoru ng’ato gi ng’ato. En ng’a mane okoro ni Kuros biro locho kamano? Koso en ng’a mane owacho chon ni gigo biro timore? Donge ne en mana an, Ruoth Nyasaye? Onge nyasaye moro mak man an, man gi loch, kendo manyalo reso ng’ato. Ooyo, onge moro mak mana an.

Isaya 46:11

Aluongo ng’ato e piny mabor mondo otim gima adwaro. Obiro biro kaka winyo mager, koa yo wuok chieng’. Asewuoyo, kendo abiro timo kaka asewacho. Adier, asechano gima adwaro timo, kendo abiro timogo mak orem.

Isaya 48:14

Chokreuru un duto, mondo uwinji. Ere nyasachu moro mosehulo gima biro timore, kawacho niya, ‘Ng’at ma ahero ema nokum Babulon kaka adwaro, mi lo jo-Kaldai.’

Isaya 48:3

Chon gi lala ne akoro gik ma koro osetimore. Ne ahulogi gi dhoga awuon. Bang’e ne atiyo piyopiyo nono, mi gitimore.

Isaya 53:10

To kata kamano ne en dwaro mar Ruoth Nyasaye ni mondo ogoye, mi kete e chandruok. Ka ochiwo ngimane mondo opwodhgo richo mag joma moko, to enone ka nyithinde dak aming’a, kendo gik ma Ruoth Nyasaye ochano nodhi maber nikech en.

Isaya 55:11

e kaka wach mawuok e dhoga nochal, ok noduog ira ka pok otiyo tije, to enotim gima ne ochano, mi ochop ote mane aoree.

Jeremia 44:28

To ji manok kuomu notony e tho, mi dog Juda koa Misri. Bang’e jo-Juda modong’ kuom mago mane obiro Misri nong’e ka wechena kata wechegi ema oselokore adiera.

Ezekiel 39:8

Ruoth Nyasaye nochako owacho niya, “Chieng’ ma awuoyo kuomeno biro biro mak orem. An ema asewacho kamano.

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Hosea 5:9

Ruoth Nyasaye wacho niya, “Aseng’ado bura mak lokre ni, chieng’ mokumie jo-Israel, to ginirum pep.

Tich Joote 15:18

Ruoth Nyasaye mane ohulo wechego chon ema owacho kamano.’ ”

Tich Joote 3:23

To ng’at ma ok owinjo wach janabino, nogol oko kuom jo Nyasaye mi tiek chuth.’

Tich Joote 5:39

To ka gia kuom Nyasaye, to ok unyal loyogi, kata da utim ang’o, to duyud mana ni ukedo gi Nyasaye!” Jobura noyie gi wachne.

Jo-Hibrania 6:17

Mano emomiyo Nyasaye ne oguro singruokne kokonyore gi kuong’ruok, nikech ne odwaro ni mondo jogo mane onego oyud gik mane osingorenigi ong’e malong’o ni gima ochano timo ok nyal lokore.