Isaya 45:9 - MUMA MALER 2015

⁹ Ruoth Nyasaye Manyalo Gik Moko duto wacho niya, “Mano kaka ng’at mapiem gi jachuechne none malit! Ere kaka agulu dipiem gi ng’ama chueye? Bende lowo dipenj jachuech ni ere gima ochueyo? Koso gima osechue diwach ni jachuech niya, ‘Ikia tich’?

Motingʼo Loko Manyien

⁹ “Mano kaka ngʼama piem gi Jachwechne none malit, ngʼat ma en mana lowo mochwe, mantiere e kind lope mamoko. Bende lowo nyalo wachone jachwechne ni, ‘En angʼo ma iloso?’ Bende tich lweti nyalo wachoni ni, Onge gima iloso?

Isaya 45:9 ပူးပေါင်းရင်းမြစ်များ

Ayub 10:9

A Nyasaye, par ni ne ichweya kuom lowo, to bende didwoka e lowo adier?

Ayub 33:13

Ere gima omiyo iwacho ni Nyasaye ok winj kwayo mar dhano?

Ayub 40:2

Koro iyie weyo piem, koso in gi gima idwaro dwoko?

Ayub 9:12

Gima odwaro ema okawo, kendo onge ng’ama nyalo tame, bende ong’e ng’ama nyalo penje gima otimo.

Ayub 9:4

Nyasaye riek malich, kendo en gi teko, ma onge ng’ama nyalo piem kode, mi loye.

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Eklesiastes 6:10

Gimoro amora matimore ne osechan chon, kendo waduto wang’eyo ni dhano ok nyal piem gi gima tek moloye.

Isaya 10:15

To Ruoth Nyasaye nowacho niya, “Bende le disungre ni ng’at matong’o kode? Koso musemeno dibed maduong’ moloyo ng’ama ng’eto kode? Mano nyalo timore mana ka luth nyalo yiengo ng’ama oting’e, kata ka arungu bende nyalo ting’o dhano ma sirore kode!”

Isaya 29:16

To koro mano kaka uloko weche ataro, mana ka gima jachuech bende romre gi lowo mochueyo. Bende gimoro ma ochue dikwer ni jachuechne ok ochueye? Koso agulu bende diwachi ni ng’ama ochueye onge gi rieko?

Isaya 45:10

Bende nyathi ma koro eka icholo diwach ni wuon gi min ni, ‘Ang’o munywoloni?’ ”

Isaya 64:7

Onge ng’ama lami, kata matemo mondo opadre kuomi, nikech ipandonwa wang’i kendo ijwang’owa e richowa.

Isaya 64:8

To kata kamano, A Ruoth Nyasaye in e wuonwa. Wan lop chuech, to in e jachwechwa, kendo wan duto wan tich lweti.

Jeremia 18:6

“Donge un jo-Israel anyalo timou mana gima jachuech timo gi lowo? Ng’euru ni unie tekona, mana kaka lowo ni e teko jachuech. An Ruoth Nyasaye ema awacho kamano.

Jeremia 36:29

Bende Ruoth Nyasaye ne owachone mondo onyis ruoth Jehoyakim niya, “Isewang’o kitabu, kendo isepenjo Jeremia gima omiyo ne ondiko ni ruodh Babulon biro biro ketho pinyni, kendo nego ji modakie koda ka jamni.

Jeremia 50:24

In Babulon, obadho mane achikoni kikia osemaki! Ne oyudi mi omaki nikech ne ipiem koda.

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?