Isaya 45:8 - MUMA MALER 2015

⁸ Un polo, lwaruru piny, mondo tim makare ochwe ka koth, mi piny nyag olemb warruok, kendo tim makare bende omedre. Mago duto, an Ruoth Nyasaye ema achueyo.

Motingʼo Loko Manyien

⁸ “Un polo lwaruru tim makare mondo ochwer kaka koth e piny. Un piny yawreuru malach mondo warruok obi, mondo tim makare odongi e piny, an Jehova Nyasaye achweyo magi duto.

Isaya 45:8 ပူးပေါင်းရင်းမြစ်များ

2 Ruodhi 19:25

To in Senakerib, kata obedo ni iwacho kamano, donge ing’eyo ni an Ruoth Nyasaye ema nachano chon mondo gigo otimre? Adier, ne achanogi chon, to koro amiyo gitimore. An ema ne achano mondo imuk mier mochiel motegno olokre gundni.

Zaburi 68:8

piny noyiengni, kendo polo nomiyowa koth, nikech biro mari, yaye Nyasach Israel.

Zaburi 72:3

Ji modak e gode madongo gi matindo onego odag maber gi kue.

Zaburi 72:6

Ruoth onego chal gi koth machue kendo miyo piny bedo mang’ich.

Isaya 11:1

Bang’e nyakwar Jesse moro nowuogi, mana ka bad yath maloth.

Isaya 32:15

nyaka chop roho moa e polo malo lor kuomwa. Eka piny motwo nolokre puothe momew, mi yien mabeyo dongie.

Isaya 4:2

E ndalogo, yath ma Ruoth Nyasaye osepidho nobed gi duong’ kendo nonere maber, bende olemo ma piny onyago ema nobed gima kelo ni jo-Israel motony mor kod pak.

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Isaya 44:3

nikech abiro kelo koth mang’eny e lowo motwo mobaro okak. Bende abiro olo rohona kuom kothu, ka aguedhogi.

Isaya 46:13

Akelo resruok mara machiegni. Ok en mabor ngang’! Adier, kony ma akelo ok bi deko. Anares ji Sayun, mondo jo-Israel mamiya duong’ oyud konyruok.

Isaya 48:18

Dine bed ni uwinjo chikena, to hapu domol ka aora, kendo pok muyudo kuom timu makare dotiak ka pi nam.

Isaya 53:2

Jatich Ruoth Nyasaye nodongo e nyime mana ka yath ma tiendene nie lowo motwo. Ne oonge gi chia, bende ne oonge gi duong’ moro, mane nyalo mako wang’wa, mi mi wahere.

Isaya 60:21

Jogi duto nobed joma kare, kendo piny nobed margi nyaka chieng’. Ginichal gi bad yath ma an ema apidho gi lweta awuon, mondo okelna duong’.

Isaya 61:11

Kaka lowo miyo cham twi, kendo kaka cham mae puodho thiewo, e kaka Ruoth Nyasaye bende nomi tim makare kod pak thiew e nyim ogendini duto.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Isaya 66:22

Kaka polo manyien gi piny manyien nosiki e nyima, e kaka dhoodu gi nyingu bende nosiki. An Ruoth Nyasaye ema awacho kamano.

Jeremia 31:22

Ubiro digni kamano nyaka karang’o, un joma andhokegi? An Ruoth Nyasaye asechueyo gimoro ma hono: asemiyo dhako odoko maratego mana ka dichwo!”

Ezekiel 34:26

“Anaguedhgi kendo anawe gidag e alwora mar goda maler, kakelonigi koth e kinde mowinjore.

Hosea 10:12

Bang’e ne awachonigi niya, ‘Chwouru timbe makare, eka unuka gueth mawuok kuomgi. Paruru okang’, nikech en kinde ma onego uduogie ira, an Ruoth Nyasachu, mi nabi kendo aol gueth kuomu.’

Joel 3:18

Kindeno yiend mzabibu manyak ahinya nopong’ gode, kendo jamni mathoth noyud e got ka got. Soko nomol kawuok e Hekalu mar Ruoth Nyasaye, mi nomi holo Shitim bedo mang’ich.

Tich Joote 2:33

Osechier mobet e bat korachwich mar Nyasaye, kendo oseyudo Roho Maler mane Wuoro osingore ni nomiye. To gik makoro uneno kendo uwinjogi gin mich mogundho momiyowa.

Jo-Efeso 2:10

Wan chuech manyien mar Nyasaye. Nochueyowa kuom Kristo Yesu mondo wabed joma timo timbe mabeyo, mane Nyasaye owuon oikonwa mondo watim.

Jo-Efeso 4:24

bende nyaka urwakru gi dhano manyien, ma olos e kido machal gi mar Nyasaye, kendo maler chutho mowinjore gi adiera.